រាជធានីភ្នំពេញ ៖ វិស័យអាទិភាពសំខាន់ៗរបស់រាជរដ្ឋាភិបាលបានចាប់អារម្មណ៍យ៉ាងខ្លាំងពីអ្នកវិនិយោគទុនពីក្រៅប្រទេសទាំងវិស័យបច្ចេកវិទ្យា ហេដ្ឋារចនាសម្ព័ន្ធ និងសំណង់ជាដើម ។ ការគោលនយោបាយអាទិភាពនេះត្រូវបានលោកអង មង្គល រដ្ឋលេខាធិការក្រសួងមហាផ្ទៃបានលើកក្នុងសន្និសីទសារព័ត៌មាន កាលពីថ្ងៃទី៩ ខែមេសា នៅសណ្ឋាគាសូហ្វីទែលភ្នំពេញថា ក្នុងរយៈពេល៤០ឆ្នាំកន្លងមកនេះ បន្ទាប់ពីប្រទេសកម្ពុជាបានងើបចេញពីភ្លើងសង្គ្រាមសេដ្ឋកិច្ចក៏មានការរីកចម្រើនបន្តិចម្ដងបន្តិចម្ដង ។
លោកបន្តថា រាជរដ្ឋាភិបាលបានចាត់ទុកអាទិភាពផ្លូវភ្លើង ទឹកជាអាទិភាពទីមួយក្នុងយុទ្ធសាស្ត្រចតុកោណដំណាក់កាលទី៤ ហើយវិស័យឯកជនដើរតួនាទីយ៉ាងសំខាន់ ដើម្បីជំរុញការអភិវឌ្ឍន៍សេដ្ឋកិច្ច និងសង្គម ។ ជាមួយគ្នានោះលោករដ្ឋលេខាធិការក៏បានលើកឡើងថា បច្ចុប្បន្នមានក្រុមហ៊ុនជាច្រើនដែលកំពុងដំណើរការអាជីវកម្ម និងមានទីតាំងរបស់ខ្លួនក្នុងព្រះរាជាណាចក្រកម្ពុជាដែលមានចរាចរណ៍ដាក់លក់ផលិតផល ឬទំនិញរបស់ខ្លួន នៅលើទីផ្សារ ឬខ្លះទៀតបម្រើផ្នែកសេវាកម្មនានាជាដើម ។
លោករដ្ឋលេខាធិការក៏បានបញ្ជាក់ដោយការវិវត្តន៍នៃបច្ចេកវិទ្យាព័ត៌មានវិទ្យាទីផ្សារអនឡាញបានកំពុងតែរីករាលដាល និងទទួលបានការចាប់អារម្មណ៍ពីអតិថិជន ទន្ទឹមនឹងនោះការរីកដុះដាលនៃសេវាដឹកអ្នកដំណើរតាមតាក់ស៊ី និងតុកតុកដោយប្រើប្រាស់ APP ក៏ពេញនិយមស ម្រាប់មនុស្សនាសម័យទំនើបមួយនេះផងដែរ ដោយអតិថិជនគ្រាន់តែបញ្ចូលកម្មវិធីមួយនេះទៅក្នុងទូរស័ព្ទដៃឆ្លាតវ័យរបស់ពួកគាត់នោះពួកគាត់នឹងទទួលបានសេវាដឹកអ្នកដំណើររហ័សទាន់ចិត្ត នៅពេលដែលចុចបញ្ជាហៅការប្រើប្រាស់ភ្លាម ។
និយាយដល់សេវាកម្មដឹកនជញ្ជូននេះដែរគេសង្កេតឃើញថា នៅក្នុងប្រទេសកម្ពុជាក្រោយ មានសន្តិភាព ស្ថេរភាពនយោបាយបានធ្វើបរទេស ពិសេសនោះអ្នកវិនយោគទុនបានសម្លឹងមកកម្ពុជាមិនដាក់ភ្នែក ដើម្បីបើកអាជីវកម្មរកស៊ី ឬបង្កើតក្រុមហ៊ុនផងដែរ ។
ជាមួយគ្នានោះដែរ លោកក៏បានឲ្យដឹងថា ការបង្កើតក្រុម APP លើកតាក់ស៊ីជាការសម្រួល និងបម្រើដល់បងប្អូនដែលប្រកបអាជីវកម្មរត់តាក់ស៊ី និងតុកតុកអាចភ្ជាប់ទំនាក់ទំនងបានយ៉ាងឆាប់រហ័សជាមួយអតិថិជនដែលមានតម្រូវការប្រើប្រាស់មធ្យោយោបាយទៅណាមកណា ។ ក្នុងសន្និសីទនោះដែរលោកអ៊ូកែវ ថាវខូម ប្រធានក្រុមហ៊ុនបានលើកឡើងថា ការសម្រេចចិត្តបង្កើត APP នេះនៅកម្ពុជាដោយសារមើលឃើញថា ទីផ្សារនៅកម្ពុជាមានភាពងាយស្រួល ហើយស្របពេលច្ចេកវិទ្យាជឿនលឿន ៕
ចែករំលែកព័តមាននេះ