រាជធានីភ្នំពេញ៖ សហជីពសេរីកម្មករនៃព្រះរាជាណាចក្រកម្ពុជា បានសម្រេចផ្អាកធ្វើបាតុកម្មបណ្តោះអាសន្ន បន្ទាប់ពីមានមន្រ្តីរាជរដ្ឋាភិបាលបានមកទំនាក់ទំនងមកសហជីព ដោយសន្យាធ្វើការសម្របសម្រួលជាមួយស្ថាប័នតុលាការ ដើម្បីឲ្យមានការដោះលែងកម្មករចំនួន៨នាក់ ដែលបម្រើការងារនៅរោងចក្រសាប្រ៊ីណា ហើយដែលកំពុងជាប់ពន្ឋនាគារខេត្តកំពង់ស្ពឺ ។
រាជធានីភ្នំពេញ៖ សហជីពសេរីកម្មករនៃព្រះរាជាណាចក្រកម្ពុជា បានសម្រេចផ្អាកធ្វើបាតុកម្មបណ្តោះអាសន្ន បន្ទាប់ពីមានមន្រ្តីរាជរដ្ឋាភិបាលបានមកទំនាក់ទំនងមកសហជីព ដោយសន្យាធ្វើការសម្របសម្រួលជាមួយស្ថាប័នតុលាការ ដើម្បីឲ្យមានការដោះលែងកម្មករចំនួន៨នាក់ ដែលបម្រើការងារនៅរោងចក្រសាប្រ៊ីណា ហើយដែលកំពុងជាប់ពន្ឋនាគារខេត្តកំពង់ស្ពឺ ។
នេះបើយោងតាមសេចក្តីជូនដំណឹងដែលចុះហត្ថលេខាដោយ លោក ជា មុនី ប្រធានសហជីពសេរីកម្មករនៃព្រះរាជាណាចក្រកម្ពុជា ចុះថ្ងៃទី២១ តុលា ២០១៣នេះ ។
គួរបញ្ជាក់ថា តាមការគ្រោងទុក សហជីពខាងលើនឹងដឹកនាំកម្មករដែលបម្រើការងារតាមរោងចក្រនានានៅទូទាំងប្រទេស ធ្វើបាតុកម្មអហិង្សារយៈពេល២ថ្ងៃ ចាប់ពីថ្ងៃស្អែកទី២២ដល់ថ្ងៃទី២៣ តុលា ២០១៣ ដើម្បីទាមទារឲ្យមានការដោះលែងបុគ្គលិក និងកម្មកររោងចក្រសាប្រ៊ីណាចំនួន៨នាក់ ដែលកំពុងជាប់ឃុំខ្លួននៅពន្ធនាគារខេត្តកំពង់ស្ពឺ និងទាមទារដំឡើងប្រាក់ឈ្នួល អប្បបរមាឲ្យដល់ចំនួន៦០ម៉ឺនរៀល ឬ១៥០ដុល្លារក្នុងមួយខែ ៕
ចែករំលែកព័តមាននេះ