រាជធានីភ្នំពេញ ៖ អាជ្ញាធរខណ្ឌជ្រោយចង្វារ បានធ្វើការហាមឃាត់ការបង្ហោះដ្រូនបង្ហោះខ្លែង បង្ហោះគោម បង្ហោះប៉េងប៉ោង បាញ់កាំជ្រួច ការបាញ់ភ្លើងហ្វា ឬភ្លើងឡាស៊ែរបញ្ចាំងឡើងលើ ដោយគ្មានការអនុញ្ញាត…
រាជធានីភ្នំពេញ ៖ អាជ្ញាធរខណ្ឌជ្រោយចង្វារ បានធ្វើការហាមឃាត់ការបង្ហោះដ្រូនបង្ហោះខ្លែង បង្ហោះគោម បង្ហោះប៉េងប៉ោង បាញ់កាំជ្រួច ការបាញ់ភ្លើងហ្វា ឬភ្លើងឡាស៊ែរបញ្ចាំងឡើងលើ ដោយគ្មានការអនុញ្ញាត នៅជុំជុំវិញបរិវេណពហុកីឡដ្ឋានជាតិមរតកតេជោនៅក្នុងការប្រកួតបាល់ទាត់អន្តរជាតិ AFC Challenge League វគ្គផ្តាច់ព្រ័ត្រ នៅពហុកីឡដ្ឋានជាតិមរតកតេជោ។
តាមសេចក្តីជូនដំណឹងរបស់រដ្ឋបាលខណ្ឌជ្រោយចង្វារបានជម្រាបជូនដំណឹងដល់លោក-លោកស្រី បងប្អូន ប្រជាពលរដ្ឋទាំងអស់ឱ្យបានជ្រាបថា៖ នៅថ្ងៃទី១០ ខែឧសភា ឆ្នាំ២០២៥ ខាងមុខនេះ នឹងមានការ ប្រកួតបាល់ទាត់អន្តរជាតិ AFC Challenge League វគ្គផ្តាច់ព្រ័ត្រ នៅពហុកីឡដ្ឋានជាតិមរតកតេជោ។
ដូចនេះដើម្បីធានាបាននូវការអនុវត្តច្បាប់ និងរក្សាបាននូវសុវត្ថិភាព សន្តិសុខ សណ្តាប់ធ្នាប់ របៀបរៀបរយសាធារណៈ រដ្ឋបាលខណ្ឌជ្រោយចង្វារ សូមជម្រាបជូនដំណឹងដល់ លោក-លោកស្រី បងប្អូនប្រជាពលរដ្ឋទាំងអស់ ហាមដាច់ខាតមិនអនុញ្ញាតឱ្យមានការបង្ហោះដ្រូន បង្ហោះខ្លែង បង្ហោះគោម បង្ហោះប៉េងប៉ោង បាញ់កាំជ្រួច ការបាញ់ភ្លើងហ្វា ឬភ្លើងឡាស៊ែរបញ្ចាំងឡើងលើ ដោយគ្មានការ អនុញ្ញាតនៅក្នុងតំបន់ជុំវិញបរិវេណពហុកីឡដ្ឋានជាតិមរតកតេជោ រហូតដល់កម្មវិធីប្រកួតចប់សព្វគ្រប់។
តាមសេចក្តី ជូនដំណឹងបានឲ្យដឹងទៀតថាក្នុងករណី មិនគោរពតាមការណែនាំ រដ្ឋបាលខណ្ឌ នឹងចាត់វិធានការរដ្ឋបាលចុះដកហូតឧបករណ៍ ឬសម្ភារៈទាំងនោះ ដោយមិនទទួលខុសត្រូវចំពោះ ការខូចខាត ឬបាត់បង់សម្ភារៈ និងផលប្រយោជន៍របស់លោក-លោកស្រី បងប្អូនប្រជាពលរដ្ឋឡើយ៕
ចែករំលែកព័តមាននេះ