ខេត្តកណ្តាល ៖ សមត្ថកិច្ចស្រាវជ្រាវឃាត់ខ្លួន ជនសង្ស័យជាអ្នកលក់ម៉ាទឹកកក ចំនួន០៣នាក់ជាបន្តបន្ទាប់ ដកហូតថ្នាំចំនួន ១៥កញ្ចប់តូច នឹងវត្ថុតាងមួយចំនួន ។ ប្រតិបត្តិការណ៍បង្ក្រាបបានធ្វើឡើងកាលពីវេលាម៉ោង…
ខេត្តកណ្តាល ៖ សមត្ថកិច្ចស្រាវជ្រាវឃាត់ខ្លួន ជនសង្ស័យជាអ្នកលក់ម៉ាទឹកកក ចំនួន០៣នាក់ជាបន្តបន្ទាប់ ដកហូតថ្នាំចំនួន ១៥កញ្ចប់តូច នឹងវត្ថុតាងមួយចំនួន ។
ប្រតិបត្តិការណ៍បង្ក្រាបបានធ្វើឡើងកាលពីវេលាម៉ោង ០២ នឹង ១០នាទីរសៀលថ្ងៃទី០៨ ខែឧសភា ឆ្នាំ២០២៥ នៅចំណុចខ្នងប្រឡាយស្ពានត្នោត ស្ថិតនៅក្នុងភូមិអន្លង់រមៀតខាងត្បូង ឃុំអន្លង់រមៀត ស្រុកកណ្តាលស្ទឹង ខេត្តកណ្តាល ។
ជនសង្ស័យមានឈ្មោះ ថា វណ្ណធូ ភេទប្រុស អាយុ៣៨ឆ្នាំ មុខរបរមិនពិតប្រាកដ ភូមិអន្លង់រមៀតខាងត្បូង ឃុំអន្លង់រមៀត ស្រុកកណ្តាលស្ទឹង ខេត្តកណ្តាល ( ធ្លាប់ជាប់ពន្ធធនាគារខេត្តកណ្តាលរយៈពេល០១ឆ្នាំ ពីបទហិង្សាដោយចេតនា ) , ឈ្មោះ យឿន ជេស្តា ភេទប្រុស អាយុ១៩ឆ្នាំ មុខរបរមិនពិតប្រាកដ រស់នៅភូមិអន្លង់រមៀតខាងជើង ឃុំអន្លង់រមៀត ស្រុកកណ្តាលស្ទឹង ខេត្តកណ្តាល , ឈ្មោះ អ៊ុំ ឆវ័ន្ត ភេទប្រុស អាយុ៣៤ឆ្នាំ មុខរបរមិនពិតប្រាកដ រស់នៅភូមិស្រែគោក ឃុំអន្លង់រមៀត ស្រុកកណ្តាលស្ទឹង ខេត្តកណ្តាល ។
បើតាមការបញ្ជាក់ពីលោក វរសេនីយ៍ត្រី ព្រាប សាខន មេបញ្ជាការស្រុក បានអោយដឹងថា មុនពេលបង្ក្រាប ដោយមានការរាយការណ៍ពីប្រជាពលរដ្ឋល្អ ថានៅចំណុចខាងលើមានករណី ជួញដូរគ្រឿងញៀន កម្លាំងកងរាជអាវុធហត្ថស្រុកចំនួន០៦នាក់ បានបញ្ចេញ មធ្យោបាយរថយន្តចំនួន០១គ្រឿង នឹង ម៉ូតូចំនួន០៣គ្រឿង ចុះទៅដល់ចំណុចខាងលើ ក៏បានប្រទះឃើញជនសង្ស័យជាអ្នកលក់ថ្នាំ កំពុងឈរអែបរបងផ្ទះ ។ ភ្លាមៗ ជំនាញបានហៅសួរនាំ និងឆែកឆេរលើដងខ្លួន ប្រទះឃើញ ក្រាមសថ្លា សង្ស័យសារធាតុញៀនចំនួន១៥កញ្ចប់ នៅក្នុងហោប៉ៅខោខាងស្តាំ និងជនសង្ស័យម្នាក់ទៀត កំពុងប្រើប្រាស់ថ្នាំញៀននៅក្នុងផ្ទះរបស់ឈ្មោះ ថា វណ្ណធូ ទើបសមត្ថកិច្ច បានចាប់ខ្លួនទាំង០២នាក់ យក មកសួរនាំ ។
ក្រោយពេលសាកសួររួច ជនសង្ស័យបានឆ្លើយសារភាពថា កាលពីវេលាម៉ោង ០១រសៀលថ្ងៃទីថ្ងៃទី០៨ ខែឧសភា ឆ្នាំ២០២៥ ឈ្មោះ វ័ន្ត និងឈ្មោះ រ៉ុង ហើយអ្នកទាំង០២នាក់នេះ មានទីលំនៅភូមិស្រែគោក ឃុំអន្លង់រមៀត ស្រុកកណ្តាលស្ទឹង ខេត្តកណ្តាល បានជិះម៉ូតូចំនួន០១គ្រឿង និច ពណ៍ក្រហម មិនចាំស្លាកលេខ បានយកម្សៅក្រាម ស ថ្លា សង្ស័យសារធាតុញៀន ចំនួន១៥កញ្ចប់នេះមក អោយខ្ញុំ ដើម្បីលក់អោយគេបន្ត ។ លុះដល់ម៉ោង ០៥ល្ងាចថ្ងៃដដែល សមត្ថកិច្ចបានចុះទៅឃាត់ខ្លួនជនសង្ស័យឈ្មោះ អ៊ុំ ឆវ័ន្ត នៅចំណុចភូមិស្រែគោក ឃុំអន្លង់រមៀត ស្រុកកណ្តាលស្ទឹង ខេត្តកណ្តាល ។
ក្រោយពីសាកសួរឈ្មោះ អ៊ុំ ឆវ័ន្ត បានសារភាពថា : កាលពីវេលាម៉ោង០១រសៀល ថ្ងៃទី០៨ ខែឧសភាឆ្នាំ២០២៥ ឈ្មោះ សុខ ប៊ុនរ៉ុង បានឌុបខ្លួនទៅទិញថ្នាំញៀន នៅចំណុចភូមិក្រាំងស្វាយ សង្កាត់ក្រាំងពង្រ ខណ្ឌដង្កោ រាជធានីភ្នំពេញ ប៉ុន្តែឈ្មោះ សុខ ប៊ុនរ៉ុង មិនអោយខ្លួនចូលទៅទិញដល់ផ្ទះគេ ដោយអោយខ្លួននៅចាំនៅតាមផ្លូវក្នុងភូមិ មួយសន្ទុះក្រោយមកឈ្មោះសុខ ប៊ុនរ៉ុង បានជិះម៉ូតូមកវិញ ឌុបទៅផ្ទះឈ្មោះ ថា វណ្ណធូ បន្ទាប់មកឈ្មោះ សុខ ប៊ុនរ៉ុង បានយកថ្នាំញៀនចំនួន០១កញ្ចប់ទំហំ មធ្យម ធ្វើការរំលែកបានចំនួន១៥កញ្ចប់តូច ដើម្បីលក់បន្ត ចំណែកថ្នាំញៀននៅសេសសល់ គឺទុកប្រើប្រាស់រួមគ្នា ។
ក្នុងវង្វង់ប្រតិបត្តិការណ៍នេះ នគរបាលដកហូតវត្ថុតាងរួមមាន , ម្សៅក្រាម ពណ៍ស ថ្លា សង្ស័យសារធាតុញៀន (ម៉ាទឹកកក) ចំនួន១៥កញ្ចប់ , សម្ភារៈប្រើប្រាស់គ្រឿងញៀនមួយចំនួន , ទូរស័ព្ទដៃ ចំនួន០២ គ្រឿង , ប្រាក់រៀល ចំនួន ៥០០០០រៀល (ប្រាំម៉ឺនរៀល) ។
បច្ចុប្បន្ន ជនសង្ស័យ០៣នាក់ខាងលើ កម្លាំងបានបញ្ជូនទៅកាន់តុលាការ បន្តតាមនីតិវិធី ។ ចំណែកឬសគល់ នៃការចែកចាយគ្រឿងញៀន សមត្ថកិច្ចនឹងធ្វើការស្រាវជ្រាវ យកមកដាក់ទោសអោយខានតែបាន ៕
ចែករំលែកព័តមាននេះ