រាជធានីភ្នំពេញ ៖ ក្នុងឱកាសចុះពិនិត្យទីតាំងសាងសង់អាងហែលទឹក នៅពហុកីឡដ្ឋានខេត្តបាត់ដំបង ថ្ងៃទី៨ ខែមេសានេះ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ មានប្រសាសន៍ថា គម្រោងលុបបំបាត់ក្លឹបកម្សាន្ត និងកន្លែងបូជាសពនៅជិតសាលារៀននេះ គឺធ្វើឡើងតាមចង្អុលបង្ហាញរបស់សម្ដេចតេជោ ហ៊ុន សែន នាយករដ្ឋមបន្ត្រី ដែលហាមឃាតការដាក់ក្លឹបកម្សាន្ដជិតសាលារៀន ដើម្បីកុំឲ្យប៉ះពាល់ទៅដល់ការសិក្សារបស់សិស្ស និងនិស្សិត ។
សម្ដេចក្រឡាហោមបញ្ជាក់ថា ការអនុញ្ញាតមិនឲ្យដាក់ក្លឹបកម្សាន្ដ និងកន្លែងបូជាសពនៅជិតសាលារៀននេះ ក្នុងគោលបំណងមិនឲ្យប៉ះពាល់ដល់អារម្មណ៍សិស្សានុសិស្សក្នុងពេលសិក្សា ខណៈការសេព និងចរាចរគ្រឿងញៀនច្រើនលក់ខ្លួនក្នុងក្លឹបកម្សាន្ត ។
សម្តេចបញ្ជាក់ថា ពិសោធន៍កន្លងទៅគឺថា និស្សិតនៅសកលវិទ្យាល័យច្បាប់បឹងត្របែកដែលនៅក្បែរ Rock ដែលជាក្លឹបកម្សាន្ដរហូតមកដល់ពេលនេះយើងបានដោះស្រាយបិទហើយ ។ កន្លែងបច្ឆាដុតខ្មោច ដុតអីមិនឲ្យមានជិតសាលាទេ ក្មេងមានអារម្មណ៍ភ័យខ្លាច សម្រាប់ការរៀនសូត្ររបស់ក្មេង ៕
ចែករំលែកព័តមាននេះ