ថៅកែឈើជើងខ្លាំងគេចមិនរួចពីអន្ទាក់តុលាការ
- កណ្តាល
ខេត្តកណ្តាល ៖ ប្រភពព័ត៌មានច្បាស់ការដែលភ្នាក់ងារ កោះសន្តិភាព ទទួលបាននៅព្រឹកថ្ងៃទី០៨ ខែមេសា ឆ្នាំ២០១៩ នេះថា ថៅកែឈើប្រចាំស្រុកពារាំង ខេត្តព្រៃវែង…
ខេត្តកណ្តាល ៖ ប្រភពព័ត៌មានច្បាស់ការដែលភ្នាក់ងារ កោះសន្តិភាព ទទួលបាននៅព្រឹកថ្ងៃទី០៨ ខែមេសា ឆ្នាំ២០១៩ នេះថា ថៅកែឈើប្រចាំស្រុកពារាំង ខេត្តព្រៃវែង…
ខេត្តកណ្តាល ៖ ប្រភពព័ត៌មានច្បាស់ការដែលភ្នាក់ងារ កោះសន្តិភាព ទទួលបាននៅព្រឹកថ្ងៃទី០៨ ខែមេសា ឆ្នាំ២០១៩ នេះថា ថៅកែឈើប្រចាំស្រុកពារាំង ខេត្តព្រៃវែង ម្នាក់ដែលកម្លាំងកងរាជអាវុធហត្ថស្រុកពារាំងធ្វើការឃាត់ខ្លួនរួចប្រគល់អោយកម្លាំងអាវុធហត្ថខេត្តកណ្តាល កាលពីម៉ោង៨ព្រឹក ថ្ងៃទី០៨ ខែមីនា ឆ្នាំ២០១៩ ដោយអនុវត្តតាមដីកាបង្គាប់ឲ្យចូលខ្លួនលេខ ០០៣ អ.យ /១៩ របស់លោក សូ សុវិទ្យា តំណាងអយ្យការ អមសាលាដំបូងខេត្តកណ្តាល គឺមានភាពទទឹង មិនព្រមចូលមកបំភ្លឺ ឬបង្ហាញខ្លួន តាមការកំណត់តាមដីកាកោះរបស់តំណាងអយ្យការអមសាលាដំបូងខេត្តកណ្ដាលរហូតដល់ទៅ២លើក ហើយកំពុងមានអ្នករត់ការអោយនៅក្រៅឃុំបណ្តោះអាសន្នដោយអ្នករត់ការនោះគេសង្ស័យថា ជាអ្នកមានឥទ្ធិពលម្នាក់នៅក្នុងពន្ធនាគារខេត្តកណ្តាលផងដែរ ។
ជនជាប់ចោទមានឈ្មោះ ហឿន ហាន ហៅគុយ ហាន ភេទប្រុស អាយុ៤១ឆ្នាំ មុខរបរថៅកែឈើ និងមានទីលំនៅភូមិព្រៃព្នៅ ឃុំព្រៃព្នៅ ស្រុកពារាំង ខេត្តព្រៃវែង ត្រូវបានលោក គឹម រ័ត្នណារិន អនុប្រធានសាលាដំបូងខេត្តកណ្តាល និងជាចៅក្រមស៊ើបសួរ នៅថ្ងៃទី០៨ ខែមីនា ឆ្នាំ២០១៩ បានសម្រេចចេញដីការឃុំខ្លួនដាក់ពន្ធនាគារបណ្តោះអាសន្នពីបទ «ប្រមូលផល និងដឹកជញ្ជូនផលអនុផលព្រៃឈើដោយគ្មានលិខិតអនុញ្ញាតពីរដ្ឋបាលព្រៃឈើ»ប្រព្រឹត្តនៅភូមិកោះរកា ឃុំព្រែកអញ្ចាញ ស្រុកមុខកំពូល ខេត្តកណ្តាល កាលពីថ្ងៃទី០៦ ខែកញ្ញា ឆ្នាំ២០១៨ តាមមាត្រា៩៦ នឹងមាត្រា៩៨ នៃច្បាប់ស្តីពីព្រៃឈើ ។
ប្រភពពីមន្ត្រីតុលាការបានអោយដឹងថា ទោះបីជាមានអ្នករត់ការមានឥទ្ធិពលអោយជនជាប់ចោទនៅក្រៅឃុំក៏តុលាការមិនសម្រេចអោយនៅក្រៅឃុំដែរដោយជនជាប់ចោទនោះមានរឿងច្រើនទៀតដែលត្រូវអនុវត្តច្បាប់បន្តរទៀត ៕
ចែករំលែកព័តមាននេះ