តបតាមការអញ្ជើញរបស់មេបញ្ជាការបញ្ជាការដ្ឋានប្រតិបត្តិការពិសេសតំបន់ប៉ាស៊ីហ្វិកនៃកងទ័ពសហរដ្ឋអាមេរិក ឧត្តមសេនីយឯកហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទមេបញ្ជាការកងទ័ពជើងគោកនឹងដឹកនាំគណៈប្រតិភូកងទ័ពកម្ពុជា ទៅបំពេញទស្សនកិច្ចផ្លូវការចាប់ពីថ្ងៃទី៨ ដល់១២ ខែមេសា ឆ្នាំ២០១៩ នៅសហរដ្ឋអាមេរិក ។
ក្នុងដំណើរទស្សនកិច្ចនេះលោកឧត្តមសេនីយឯក និងចូលរួមសិក្ខាសាលាអន្តរជាតិស្តីពីប្រតិបត្តិការពិសេសតំបន់ប៉ាស៊ីហ្វិក « PASOC 19 » ។ នាឱកាសនោះផងដែរមេបញ្ជាការកងទ័ពជើងគោកនឹងជួបពិភាក្សាការងារជាមួយមេបញ្ជាការបញ្ជាការដ្ឋានប្រតិបត្តិការពិសេស តំបន់ប៉ាស៊ីហ្វិកនៃកងទ័ពសហរដ្ឋអាមេរិកក្នុងគោលបំណងរឹតបណ្តឹងចំណងមិត្តភាព និងសហប្រតិបត្តិការនៃកងទ័ពប្រទេសទាំងពីរកម្ពុជា-សហរដ្ឋអាមេរិក ។
ទោះបីកន្លងទៅមជ្ឈដ្ឋានប្រឆាំងមួយចំនួនខំបំប៉ោងថា សហរដ្ឋអាមេរិកបានដាក់លោកឧត្តមសេនីយក្នុងបញ្ជីបំរាមមិនឱ្យទៅសហរដ្ឋអាមេរិក ប៉ុន្តែរដ្ឋបាល និងកងទ័ពសហរដ្ឋអាមេរិក នៅតែបន្តធ្វើការយ៉ាងជិតស្និតជាមួយលោកឧត្តមសេនីយឯក ។ ជាក់ស្តែងការអញ្ជើញលោកឧត្តមសេនីយ៍ឯកទៅទស្សនកិច្ចផ្លូវការនេះ ៕
ចែករំលែកព័តមាននេះ