រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានអះអាងថា របបប៉ុលពតបានបំផ្លាញរូបិយវត្ថុ និងទីផ្សារចោលនៅពេលខ្លួនបានកាន់អំណាចដែលខុសពីបណ្តាប្រទេសមួយចំនួនលើពិភពលោក ។ សម្តេចតេជោបានលើកឡើងក្នុងពិធីម្ពោធដាក់ឱ្យដំណើរការជាផ្លូវការនូវសារមន្ទីរសេដ្ឋកិច្ច…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានអះអាងថា របបប៉ុលពតបានបំផ្លាញរូបិយវត្ថុ និងទីផ្សារចោលនៅពេលខ្លួនបានកាន់អំណាចដែលខុសពីបណ្តាប្រទេសមួយចំនួនលើពិភពលោក ។ សម្តេចតេជោបានលើកឡើងក្នុងពិធីម្ពោធដាក់ឱ្យដំណើរការជាផ្លូវការនូវសារមន្ទីរសេដ្ឋកិច្ច និងរូបិយវត្ថុ «ព្រះស្រីឦសានវរ្ម័ន» ដែលជាសារមន្ទីរបង្ហាញអំពីសាវតាសេដ្ឋកិច្ច និងរូបិយវត្ថុរបស់ខ្មែរតាំងពីសម័យកាលហ្វូណន នាព្រឹកថ្ងៃទី៨ ខែមេសា ឆ្នាំ២០១៩ថា ពិតមែនជាប្រាក់រៀលរបស់កម្ពុជា នៅតែមានតួនាទីសំខាន់ក៏ប៉ុន្តែវត្តមានប្រាក់ដុល្លារមិនអាចបញ្ឈប់បានទេនៅក្នុងវេលានេះទេ។
សម្តេចតេថា «នៅក្នុងចំណុចនេះក៏ជាចំណុចអាចលើកជាបទពិសោធន៍សម្រាប់សកម្មភាពនៃប្រទេសស្វែងរកសន្តិភាព ហើយក៏មាននៃកងរក្សាសន្តិភាពរបស់អង្គការសហប្រជាជាតិនៅពេលក្រោយ ។ កម្ពុជាបានត្រៀមរួចរាល់សម្រាប់ការចូលរួមប្រតិបត្តិការ នៅប្រទេសដទៃផ្សេងទៀតមិនមែន តែប្រទេសដែលកងទ័ពយើងស្ថិតនៅនោះទេ។ ប៉ុន្តែក៏មានការចូលរួមជាមួយនឹងដៃគូរអន្តរជាតិរបស់យើង ដើម្បីធ្វើអន្តរាគមន៍ចូលរួមចំណែករក្សាសន្តិភាពនៃប្រ ទេសនោះក៏ប៉ុន្តែយើងក៏មិនចង់ឲ្យប្រទេសនោះដើរតាមគន្លងរបស់កម្ពុជា ដោយមានដាក់មក យ៉ាងគំហុកនូវប្រាក់របស់បរទេស ហើយក្នុងរយៈកាលក្រោយមកចាប់ពីឆ្នាំ១៩៩២-៩៣ រហូត មកដល់ពេលនេះ មានរយៈពេលជាង២០ឆ្នាំរួចមកហើយ ក៏ប៉ុន្តែប្រាក់ដុល្លារនៅតែបន្តប្រើប្រាស់នៅលើកទឹកដីកម្ពុជារបស់យើង ។
សម្តេចតេជោ ហ៊ុនសែនក៏បានលើកឡើងថា ការប្រើប្រាស់ប្រាក់ដុល្លារនៅកម្ពុជាក៏ជាកត្តាសន្យានុម័តមួយក្នុងការកាត់សេចក្តីសម្រាប់កម្ពុជាផងដែរ ។ សម្តេចក៏បានរំលឹកពីកាលដើមឡើយ គឺនៅពេលពួកប៉ុលពតបានបំផ្លាញចោលនូវរូបិយវត្ថុ នៅក្នុងប្រទេសកម្ពុជាយើង ។ តើយើងត្រូវធ្វើរបៀបណា ក្រោយពីរំដោះពីរបបប៉ុលពត និងចុងវត្សទី២០ និងដើមវត្សទី២១ ពិសេសនៅក្នុងចុងសតវត្សទី២០ មិនមែនប្រទេសណាមួយដូចប្រទេសកម្ពុជា ដែលបានបោះបង់ចោលរូបិយវត្ថុទាំងស្រុងនោះទេ ។ នៅប្រទេសមួយចំនួនរបបថ្មីបានជំនួសដោយរបបចាស់ ប៉ុន្តែគេមិនបានបំបាច់ចោលនូវរូបិយវត្ថុ ឬទីផ្សារនោះទេមានតែកម្ពុជាតែមួយគត់បានធ្វើការងារដោយប៉ុលពត ៕
ចែករំលែកព័តមាននេះ