រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ប្រាក់ដុល្លារមានវត្តមានកើនច្រើននៅក្នុងប្រទេសកម្ពុជា គឺសម័យអ៊ុនតាក់ ។ ថ្លែងក្នុងពិធីម្ពោធដាក់ឱ្យដំណើរការជាផ្លូវការនូវសារមន្ទីរសេដ្ឋកិច្ច…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ប្រាក់ដុល្លារមានវត្តមានកើនច្រើននៅក្នុងប្រទេសកម្ពុជា គឺសម័យអ៊ុនតាក់ ។ ថ្លែងក្នុងពិធីម្ពោធដាក់ឱ្យដំណើរការជាផ្លូវការនូវសារមន្ទីរសេដ្ឋកិច្ច និងរូបិយវត្ថុ «ព្រះស្រីឦសានវរ្ម័ន» ដែលជាសារមន្ទីរបង្ហាញអំពីសាវតាសេដ្ឋកិច្ច និងរូបិយវត្ថុរបស់ខ្មែរតាំងពីសម័យកាលហ្វូណន នាព្រឹកថ្ងៃទី៨ ខែមេសា ឆ្នាំ២០១៩នេះ សម្តេចតេជោបានលើកឡើងថា វត្តមាននូវរូបប័ណ្ណដុល្លារមានការកើនខ្លាំង និងច្រើនបំផុតនៅកម្ពុជា គឺក្នុងសម័យអ៊ុនតាក់ ដែលពេលនោះអ៊ុនតាក់បានបើកប្រាក់ខែជូនទាហានជាសាច់ប្រាក់ដុល្លារតែម្តង ។
សម្តេចតេជោបានបញ្ជាក់ថា«យើងដឹងហើយអ៊ុន តាក់ បានចំណាយប្រាក់ដុល្លាររហូតដល់ប្រមាណ២ពាន់លានដុល្លារអាមេរិក ដើម្បីធ្វើអន្តរាគមន៍ស្វែងរកសន្តិភាពសម្រាប់កម្ពុជា ។ ពេលនោះហើយអ៊ុន តាក់ មិនបានឆ្លងកាត់ការប្រើប្រាស់ជាសាច់ប្រាក់ដុល្លារ បើកត្រង់ទៅឲ្យបុគ្គលិករបស់គេនោះទេ ។ ហើយបុគ្គលិករបស់គេក៏បានប្រើប្រាស់ប្រាក់ដុល្លារទៅឲ្យប្រជាជ នកម្ពុជាតែម្តង» ។ សម្តេចបានបន្ថែមថា ចំណុចក៏អាចបង្ហាញឲ្យឃើញអំពីការចាំបាច់ដែលប្រទេសត្រូវដោះស្រាយនៅលើពិភពលោកនេះ ក្នុងពេលដែលមានវត្តមានកងទ័ពបរទេស តើត្រូវរកវិធីដោះស្រាយយ៉ាងណា ។
ជាមួយគ្នានោះដែរសម្តេចក៏បានឲ្យដឹងមិនទាន់បានស្រាវជ្រាវអំពីប្រទេសដែលកងទ័ពកម្ពុជាបានទៅដល់នោះទេ ថា តើប្រទេសនោះមានស្ថានភាពយ៉ាងដូម្តេច0x017d7 ។ សម្តេចពិជ័យសេនា ទៀ បាញ់ បានទើបត្រឡប់មកពីទីក្រុងញូយ៉ក ដើម្បីចូលរួមប្រជុំនូវបណ្តាប្រទេសដែលបរិច្ចា គកម្លាំងទៅប្រតិបត្តិការនៃក្រៅប្រទេសក្រោមឆ័ត្ររបស់អង្គការសហប្រជាជាតិ ។ មកដល់ ពេលនេះខ្ញុំក៏មិនច្បាស់ថា នៅប្រទេសម៉ាលី ប្រទេសស៊ូដង់ ស៊ូដង់ខាងត្បូង លីបង់ ដែលកំពុងមានវត្តមានកងទ័ពកម្ពុជា តើប្រាក់រៀល និងប្រាក់ ឬប្រាក់រូបិយប័ណ្ណបរទេសដែលអង្គការ សហប្រជាជាតិបើកឲ្យកងទ័ពកម្ពុជាបានប្រើជំនួសទៅដោយរូបបិយប័ណ្ណនៃប្រទេសនោះទេ ? ។
ទាក់ទិននឹងការប្រើប្រាស់រូបបិយប័ណ្ណសម្តេចតេជោក៏បានលើកឡើងថា ប្រហែលជាសំណួរនេះនឹងត្រូវឲ្យសម្តេចពិជ័យសេនា ទៀ បាញ់ លោកប៉ុល សារឿន និងលោកប្រាក់ សុខុន ធ្វើការស្រាជ្រាវ ដើម្បីទទួលបានព័ត៌មានលើបញ្ហានេះ ព្រោះថានេះជាបទពិសោធន៍មួយ សម្រាប់កម្ពុជា ៕
ចែករំលែកព័តមាននេះ