ADផ្ទាំងផ្សព្វផ្សាយពាណិជ្ជកម្ម

Picture

វិស័យ​អចលនទ្រព្យ​វៀតណាម​ទទួល​ការ​វិនិយោគ​ជា​ច្រើន​ពី​ជប៉ុន

4 ឆ្នាំ មុន

ប្រទេស​វៀតណាម​៖ យោង​តាម​គេហទំព័រ Vietnamnet បាន​ឲ្យ​ដឹង​កាលពី​ថ្ងៃ​ទី​៤ ខែមេសា ឆ្នាំ​២០១៩ កន្លង​មក​ថា អ្នកស្រី Nguyen Xuan…

ប្រទេស​វៀតណាម​៖ យោង​តាម​គេហទំព័រ Vietnamnet បាន​ឲ្យ​ដឹង​កាលពី​ថ្ងៃ​ទី​៤ ខែមេសា ឆ្នាំ​២០១៩ កន្លង​មក​ថា អ្នកស្រី Nguyen Xuan Huong ដែល​ជា​ប្រធាន​ក្រុមហ៊ុន TMS Homes បាន​និយាយ​ថា វិស័យ​អចលនទ្រព្យ​ប្រទេស​វៀតណាម​កំពុង​តែ​ស្វាគមន៍​ការ​វិនិយោគ​ជា​ច្រើន​ពី​អាជីវកម្ម​ជប៉ុន ។

អ្នកស្រី​បាន​មាន​ប្រសាសន៍​ដូច្នេះ​ក្នុង​បទ​សម្ភាសន៍​មួយ​ជាមួយនឹង​ភ្នាកងារ​សារ​ព័ត៌​មាន​វៀត​ណាម​មុន​ពេល​ចូលរួម​សិក្ខាសាលា​លើកតម្កើង​ការ​វិនិយោគ​របស់ TMS Group ដែល​ជា​ក្រុមហ៊ុន​ធំ​របស់ TMS Homes ។ កម្មវិធី​ទាំងនេះ​មាន​គោលដៅ​ស្វែងរក​ដៃគូ​សម្រាប់​គម្រោង​អចលនទ្រព្យ​របស់​ក្រុមហ៊ុន​ខាងលើ​ក្នុង​ប្រទេស​វៀតណាម ។

អ្នកស្រី Huong បាន​បន្ត​ថា TMS Group បាន​ជ្រើសរើស​ជប៉ុន​ជាទី​តាំង​ដំបូង​សម្រាប់​កម្មវិធី​នេះ​ព្រោះ​ប្រទេស​ជប៉ុន​ស្ថិត​ក្នុង​ចំណោម​ដៃគូ​សេដ្ឋកិច្ច​ដែល​សំខាន់​ជាងគេ​របស់​វៀតណាម​។
ប្រទេស​ជប៉ុន​គឺជា​វិនិយោគិន​ធំ​ជាងគេ​លេខ​ពីរ​របស់​ប្រទេស​វៀតណាម ដែល​បាន​វិនិយោគ​លើ​គម្រោង​ប្រមាណ​ជោ​ត ៤​ពាក់​គម្រោង​ដែល​មាន​តម្លៃ​សរុប ៥៥.៤​ប៊ី​លាន​ដុល្លារ ។

ប្រទេស​នេះ​ជាប់​ចំណាត់ថ្នាក់​លេខ​បី​ក្នុង​ចំណោម​ប្រភព​ភ្ញៀវ​ទេសចរ​បរទេស​ធំ​ៗ​របស់​វៀត​ណាម​​ផង​ដែរ ដែល​មាន​ភ្ញៀវ​ទេសចរ​ប្រមាណ ៨០០,០០០​នាក់​ធ្វើ​ដំណើរ​ទៅ​កាន់​វៀតណាម​កាលពី​ឆ្នាំ ២០១៧ និង​ជា​ដៃគូ​ពាណិជ្ជកម្ម​ធំ​ជាងគេ​លេខ​៤​ដែល​មានការ​ធ្វើ​ពាណិជ្ជកម្ម​កើន​ដល់ ៣៣.៥​ប៊ី​លាន​ដុល្លារ​ក្នុង​ឆ្នាំ​តែ​មួយ​។

អ្នកស្រី​បាន​បន្ត​ទៀត​ថា ខណៈ​ដែល​ប្រទេស​វៀតណាម​កំពុង​តែ​ទាក់ទាញ​ការ​វិនិយោគ​ជា​ច្រើន​ក្នុង​វិស័យ​អចលនទ្រព្យ​ពី​ប្រទេស​ជប៉ុន TMS Group មាន​គោលបំណង់​ចាប់​យក​ឱកាស​នេះ​ដើម្បី​ស្វែងរក​ដៃគូ​ដើម្បី​អភិវឌ្ឍន៍​គម្រោង​អចលនទ្រព្យ​របស់​ពួក​គេ​។

អ្នកស្រី​បាន​បន្ថែម​ថា ក្រុមហ៊ុន​ក៏​មានបទពិសោធន៍​ច្រើន​ជាង ១៥​ឆ្នាំ​ដែរ​ក្នុង​ការ​ធ្វើការ​ជាមួយនឹង​ដៃគូ​ជប៉ុន​ក្នុង​ផ្នែក​ផ្គត់ផ្គង់​ធនធានមនុស្ស ដែល​ជា​មូលដ្ឋាន​ដ៏​សំខាន់​មួយ​សម្រាប់​ឲ្យ​ពួក​គេ​ជំរុញ​ដល់​ការ​សហការ​ក្នុង​វិស័យ​អចលនទ្រព្យ ។ ក្រៅពី​អចលន​ទ្រ​ព​ហយ TMS Group ក៏​នឹង​បង្កើន​កិច្ច​សហប្រតិបត្តិការ​ជាមួយនឹង​អាជីវកម្ម​ជប៉ុន​ក្នុង​វិស័យ​ការ​ហ្វឹកហាត់​ក្នុង​ផ្នែក​អប់រំ និង​សុខា​ភិបាល​ផង​ដែរ ៕

អត្ថបទសរសេរ ដោយ

កែសម្រួលដោយ