រក្សាសាមគ្គីភាពផ្ទៃក្នុងឲ្យកាន់តែរឹងមាំថែមទៀត
- ភ្នំពេញ
រាជធានីភ្នំពេញ ៖ មេទ័ពជើងគោកណែនាំនាយទាហាន នាយទាហានរង ត្រូវខិតខំអនុវត្តភារកិច្ចតាមបទបញ្ជាមេទ័ពជើងគោកនៃកងខេមរភូមិន្ទបានណែនាំឲ្យនាយទាហាន នាយទាហានរង រួមទាំងពលទាហានទាំងអស់ត្រូវខិតខំអនុវត្តបំពេញភារកិច្ច ស្របតាមបទបញ្ជារបស់រាជរដ្ឋាភិបាលក្រសួងការពារជាតិអគ្គបញ្ជាការនៃកងខេមរភូមិន្ទ ហើយត្រូវបន្តរក្សាសាមគ្គីភាពផ្ទៃក្នុងឲ្យកាន់តែរឹងមាំថែមទៀត ។
ការណែនាំបែបនេះធ្វើឡើងក្នុងឱកាសដែលលោកឧត្តមសេនីយ ហ៊ុន ម៉ាណែត អគ្គមេបញ្ជា ការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោកអញ្ជើញចូលរួមក្នុង ពិធីបំពាក់ឋានន្តរស័ក្កិ និងប្រកាសតែងតាំងផ្លាស់ប្តូរមុខងារនាយទាហានជាន់ខ្ពស់ កងទ័ពជើងគោកនៃកងយោធពលខេមរភូមិន្ទ នាសៀលថ្ងៃទី៤ ខែមេសា ឆ្នាំ២០១៩ នៅបញ្ជាការដ្ឋានកងទ័ពជើងគោក សង្កាត់កន្ទោក ខណ្ឌពោធិសែនជ័យ រាជធានីភ្នំពេញ ។
នៅក្នុងពិធីនោះលោកឧត្តមសេនីយ ហ៊ុន ម៉ាណែត បានសម្តែងការអបអរសាទរចំពោះនាយទាហានទាំងអស់ដែលទើបទទួលបានការបំពាក់ឋានន្តរស័ក្តិ និងទទួលការតែងតាំងមុខងារថ្មីនាពេលនេះផងដែរ ។ មេទ័ពជើងគោករូបនោះបានថ្លែងបញ្ជាក់ថា ការផ្តល់ជូនឋានន្តរស័ក្តិ និងផ្តល់តួនាទីនាពេលនេះ គឺជាការបង្ហាញនូវទំនុកចិត្តរបស់ថ្នាក់ដឹកនាំគ្រប់លំដាប់ថ្នាក់ ពិសេសសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងពីព្រះមហាក្សត្រជាទីគោរពសក្ការៈខ្ពង់ខ្ពស់របស់យើងចំពោះនាយទាហានជាន់ខ្ពស់ទាំងអស់ ពិសេសកងយោធពលខេមរភូមិន្ទទាំងមូល ។
ឧត្តមសេនីយ៍ឯក ហ៊ុន ម៉ាណែត បានបញ្ជាក់បន្ថែមថា នាយទាហានដែលទើបទទួលការតម្លើងឋានន្តរស័ក្កិទាំងអស់ បន្តយកចិត្តទុក្ខដាក់គ្រប់គ្រងដឹកនាំបញ្ជានាយ ពលទាហាន ក្រោមឱវាទ ខិតខំអនុវត្តន៍បំពេញ ភារកិច្ចស្រប តាមបទបញ្ជារបស់រាជរដ្ឋាភិបាល ក្រសួងការពារជាតិ អគ្គបញ្ជាការនៃ ខ ភ ម»។ សូមបញ្ជាក់ថា ក្នុងពិធីនោះត្រូវបានបំពាក់ឋានន្តរស័ក្តិជូននាយទាហានជាន់ខ្ពស់ចំនួន៧រូប និងប្រកាស់តែងតាំងផ្លាស់ប្តូរមុខងារនាយទាហានជាន់ខ្ពស់ ពីររូបផងដែរ៕
ចែករំលែកព័តមាននេះ