គម្រោងជីកដីធ្វើបារាយណ៍សិប្បនិម្មិតជាគម្រោងខ្យល់…ជីកយកដីលក់ចែកគ្នាចាយលេង(មានវីដេអូ)
- សៀមរាប
ខេត្តសៀមរាប ៖ គម្រោងបារាយណ៍សិប្បនិម្មិតនៅទំនប់៧៨ ក្នុងសង្កាត់ជ្រាវ ត្រូវបានកម្លាំងចម្រុះនៃស្នងការនគរបាលខេត្ត និងអាជ្ញាធរខេត្តដឹកនាំដោយលោក សុខ ថុល នាយករដ្ឋបាលសាលាខេត្តសៀមរាប និងដឹកនាំកម្លាំងដោយលោក ម៉ក់ ធារ៉ា ស្នងការរងខេត្តសៀមរាប ដោយមានការចូលរួមពីប្រធានមន្ទីរកសិកម្ម និងប្រធានមន្ទីររ៉ែ និងថាមពលខេត្ត ដើម្បីធ្វើការចុះឃាត់គ្រឿងចក្រជាច្រីនគ្រឿង និងបិទទីតាំងនោះបណ្តោះអាសន្ន នៅរសៀលថ្ងៃទី៣០ ខែមីនា ឆ្នាំ២០១៩ ដែលជាគម្រោងខ្យល់ ។
គឺបារាយណ៍សិប្បនិម្មិត ដែលលោកក្អោប រ៉ន ចៅសង្កាត់ជ្រាវ និងលោកគង់ ប៊ឹប ក្រុមប្រឹក្សាសង្កាត់ជ្រាវព្រមទាំងលោកគង់ មង្គល ប្រធានសហគមន៍ទំនប់៧៨ ជាអ្នកជួលអេស្ការជីកអាចម៍ដីលក់យកលុយចែកគ្នា ក្រោមឡេះថា ជាគម្រោងធ្វើបារាយណ៍ទឹកថ្លារបស់សម្តេចសង្ឃ ទេព វង្ស ។ ដូចពាក្យស្លោកមួយឃ្លាថា« យកស្លឹកត្នោតទៅខ្ចប់ និងស្លឹកត្នោត តើម្តេចបានចេញជាស្កកើត » ។
លោកសុខ ថុល និងលោកម៉ក់ ធារ៉ា ស្នងការរងបានមានប្រសាសន៍នៅកន្លែងទីតាំងដីទំបន់៧៨នោះថា ដោយមានពលរដ្ឋរាយការណ៍ និងឃើញហ្វេសប៊ុកផ្សាយជាច្រើនដង ច្រើនសារ និងដោយមានការបញ្ជាពីលោកទៀ សីហា អភិបាលខេត្ត និងលោកឧត្តមសេនីយទោ ទិត្យ ណារ៉ុង ស្នងការនគរបាលខេត្តផងនោះទើបលោកទាំង២ បានដឹកនាំកម្លាំងនគរបាលចម្រុះ ចុះផ្អាកទីតាំងជីកកាយដីលក់នៅបារាយណ៍ទឹកថ្លាដែលលោកក្តោប រ៉ន ចៅសង្កាត់ជ្រាវ លោកគង់ ប៊ិប សមាជិកក្រុមប្រឹក្សាសង្កាត់ជ្រាវ (ជាអ្នកកាន់កាប់លុយ) និងលោកគង់ មង្គល ប្រធានសហគមន៍ បឹងពារាំងបាននាំគ្នាជួលឱ្យឈ្មួញជីកកាយយកអាចម៌ដីលក់យកលុយចែកគ្នាចាយថា លេសទីតាំងនោះជាគម្រោងអភិវឌ្ឍន៍មជ្ឈមណ្ឌលវប្បធម៌សន្តិភាពរបស់សម្តេចអគ្គមហាសង្ឃរាជធិបតីកិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជនៃព្រះរាជាណាចក្រកម្ពុជា ហៅ (បារាយណ៍សិប្បនិម្មិត នៅទំនប់៧៨ក្នុងសង្កាត់ជ្រាវ ហើយលោកប្រាប់អ្នកទាំងអស់នោះថា ចាំមានច្បាប់គ្រប់គ្រាន់សិនចាំមកធ្វើបន្ត ។
ព័ត៌មានពិស្តារមានផ្សាយជូននៅកាសែតកោះសន្តិភាព ។
ចែករំលែកព័តមាននេះ