ក្រឡេកមកមើលរថយន្តដែល Samsung បានផលិត
រថយន្ត Renault Samsung Motors XM3 Inspire ប្រភេទ Concept កំពុងតែបង្ហាញសម្រស់នៅក្នុងកម្មវិធីបង្ហាញរថយន្ត Seoul…
រថយន្ត Renault Samsung Motors XM3 Inspire ប្រភេទ Concept កំពុងតែបង្ហាញសម្រស់នៅក្នុងកម្មវិធីបង្ហាញរថយន្ត Seoul…
រថយន្ត Renault Samsung Motors XM3 Inspire ប្រភេទ Concept កំពុងតែបង្ហាញសម្រស់នៅក្នុងកម្មវិធីបង្ហាញរថយន្ត Seoul Motor Show ឆ្នាំ២០១៩ ដែលអ្នកតាមដានរថយន្តកត់សម្គាល់ថា មានលក្ខណៈស្រដៀងគ្នាខ្លះជាមួយនឹងរថយន្ត Renault Arkana ដែលចេញលក់ដំបូងនៅកម្មវិធី Moscow International Auto Salon ក្នុងប្រទេសរុស្ស៊ី កាលពីខែសីហា។
ម៉ូដែលនោះបានដាក់ស្លាកឡូហ្គោរបស់ក្រុមហ៊ុន Renault នៅលើតួខ្លួន ហើយត្រូវបានគេរំពឹងថានឹងដាក់ឱ្យដំណើរការផលិតកម្មក្នុងអំឡុងពេលឆ្នាំនេះ ចាប់ផ្តើមពីប្រទេសដែលខ្លួនបានដាក់បង្ហាញ។
រថយន្តនេះដែលជាប្រភេទ SUV របស់ Renault នឹងផលិតឡើងសម្រាប់តែទីផ្សារកូរ៉េខាងត្បូង ខណៈដែលរូបរាងរបស់វាអាចនឹងមានការប្រែប្រួល ដោយសារតែវាគ្រាន់តែជាប្រភេទ Concept ប៉ុណ្ណោះ នាពេលបច្ចុប្បន្ន។
លោក Laurens Van den Acker អនុប្រធានជាន់ខ្ពស់នៃផ្នែករចនាសម្រាប់ក្រុមហ៊ុន Renault បានលើកឡើងថា៖«រថយន្ត XM3 Inspire ដែលដាក់បង្ហាញនៅថ្ងៃនេះដោយ Renault Samsung Motor មានការរចនាតាមបែប SUV កីឡា និង លាយគ្នាជាមួយនឹងប្រភេទ Sedan បែបប្រណិត។
ដោយមានគោលដៅច្បាស់លាស់ដើម្បីឆ្លើយតបទៅនឹងការរំពឹងទុករបស់អតិថិជនរបស់យើងនៅក្នុងប្រទេសកូរ៉េខាងត្បូង យើងបានស្វែងរកការបង្កើតរថយន្តដ៏ស្រស់ស្អាតបំផុតនៅលើពិភពលោក ដែលនឹងសម្គាល់ការផ្លាស់ប្តូរការរចនាពិតរបស់ Renault Samsung Motors»។
បើទោះបីជាវាមិនមែនជារថយន្តដែលមានលក្ខណៈឆើតឆាយខ្លាំងក៏ដោយ គេឃើញថារថយន្តប្រភេទបែបនេះ (SUV កូនកាត់ជាមួយនឹង Coupe) មានការពេញនិយមខ្លាំង ដោយសូម្បីតែ Porsche ក៏បានចេញម៉ូតរបស់ Cayenne Coupe ដែរ ដែលមានផ្ទៃខាងក្នុងចង្អៀតបន្តិច ជាមួយនឹងរូបរាងខាងក្រៅយ៉ាងស្អាត។ បើទោះបីជាគេមិនឃើញមានលក់រថយន្ត Renault នៅក្នុងទីផ្សារអាមេរិកក៏ដោយ ក៏គេឃើញថាពួកវាមានរូបរាងស្រដៀងនឹងរថយន្ត Nissan មួយចំនួនផងដែរ។
ខណៈពេលដែលមិនត្រូវបានគេស្គាល់ច្បាស់នៅខាងក្រៅប្រទេសកូរ៉េខាងត្បូង ក្រុមហ៊ុន Samsung បានសហការជាមួយក្រុមហ៊ុន Renault នៅក្នុងទសវត្សរ៍ទី៩០ ដើម្បីផលិតរថយន្តជាច្រើនគ្រឿង ដែលមានស្លាកសញ្ញានៅក្នុងប្រទេសរបស់ខ្លួន ៕
ចែករំលែកព័តមាននេះ