បច្ចុប្បន្នមានពាក្យលេចឮថា តារាសម្តែងនាង វៀន ចាង (Viann Zhang) អាយុ៣១ឆ្នាំប្រហែលជាកំពុងសម្ងំលាក់ខ្លួនសម្រាលកូន ! អ្នកលេងហ្វេសប៊ុកកាលពីពេល ថ្មីៗកន្លងមកបង្ហើបឲ្យដឹងថាបានប្រទះឃើញនាងនៅក្នុងមន្ទីរពេទ្យ…
បច្ចុប្បន្នមានពាក្យលេចឮថា តារាសម្តែងនាង វៀន ចាង (Viann Zhang) អាយុ៣១ឆ្នាំប្រហែលជាកំពុងសម្ងំលាក់ខ្លួនសម្រាលកូន !
អ្នកលេងហ្វេសប៊ុកកាលពីពេល ថ្មីៗកន្លងមកបង្ហើបឲ្យដឹងថាបានប្រទះឃើញនាងនៅក្នុងមន្ទីរពេទ្យ ស្របតាមការសង្ស័យពីមុនថានាងមានផ្ទៃពោះ ។ នេះតាមការបញ្ជាក់របស់«Apple Daily» កាលពីថ្ងៃទី២៤ មីនា២០១៩ ។
អ្នកលេងហ្វេសប៊ុកបញ្ជាក់ឲ្យដឹងថា «ខ្លួនបានឃើញនាងវៀន ចាង នៅមន្ទីរពេទ្យយោធាមួយ នៅក្រុងក្វាងចូវ ខេត្តក្វាងទុងដែលនាងបានផ្លាស់មកនៅជាមួយប្ដី» ។
ចំណែកតំណាងផ្ទាល់របស់នាងចាងធ្លាប់បានបដិសេធកាលពីខែតុលា២០១៨ ក្រោយពីមានរូបថតបញ្ជាក់ថាក្បាលពោះរបស់នាងហាក់ដូចជាមានលយចេញខាងមុខក្នុងពេលកំពុងដើរទិញទំនិញជាមួយប្ដី ហាក់ដូចជាមានរយៈពេលពី២-៣ខែហើយ ។
ខាងតំណាងរបស់នាងបានបញ្ជាក់ថា នាងមិនមែនពពោះទេ តែសម្លៀកបំពាក់មានលក្ខណៈប៉ោង ព្រោះជាធម្មតានាងរមែងពាក់ឈុតរលុង ៕
ចែករំលែកព័តមាននេះ