អំបិល, ម្រេច និងក្រូចឆ្មារ មិនត្រឹមតែជាគ្រឿងផ្សំបង្កើនឱជារសអាហារតែប៉ុណ្ណោះទេ ប៉ុន្តែក៏ជារូបមន្តបែបធម្មជាតិដោះស្រាយបញ្ហាសុខភាពបានផងដែរ ។ តើវាមានឥទ្ធិពលពិសេសជាថ្នាំពេទ្យមួយចំនួនយ៉ាងណាខ្លះទៅ? គន្លឹះក្នុងការប្រើប្រាស់អំបិល, ម្រេច និងក្រូចឆ្មារ ព្យាបាលជំងឺ ផ្សេងៗ ៖
១.ឈឺបំពង់ក ៖ អ្វីដែលអ្នកត្រូវធ្វើ គឺលាយទឹកក្រូចឆ្មារស្រស់ ១ស្លាបព្រាបាយ ជាមួយម្រេចខ្មៅម៉ដ្ឋ១/២ ស្លាបព្រាកាហ្វេ និងអំបិល១ស្លាបព្រាកាហ្វេ ចូលគ្នា ។ កូរឲ្យសព្វក្នុងទឹកក្ដៅ ឧណ្ហៗ១កែវ ។ ខ្ពុរមាត់ជាមួយទឹកល្បាយនេះឲ្យបានច្រើនដងក្នុងមួយថ្ងៃ ដើម្បីបំបាត់អាការឈឺបំពង់ក និងក្អក ។
២.ក្រួសក្នុងថង់ទឹកប្រមាត់ ៖ អ្វីដែលអ្នកត្រូវធ្វើ គឺលាយប្រេងអូលីវ ៣ភាគជាមួយទឹកក្រូចឆ្មារ១ភាគ និងម្រេចខ្មៅម៉ដ្ឋ១ភាគ ។ កូរល្បាយឲ្យសព្វចូលគ្នាមុននឹងទទួលទានដើម្បីបំបែករំលាយក្រួសក្នុងថង់ទឹកប្រមាត់ ។
៣.ស្រកទម្ងន់ ៖ លាយម្រេចខ្មៅម៉ដ្ឋ១ភាគ៤ ស្លាបព្រាកាហ្វេ ជាមួយទឹកក្រូចឆ្មារស្រស់២ស្លាបព្រាបាយ និងទឹកឃ្មុំឆៅ១ស្លាបព្រាបាយក្នុងទឹកក្ដៅ ឧណ្ហៗ ១កែវ ។ កូរឲ្យសព្វសឹមទទួលទាន ។
៤. បំបាត់អាការចង្អោរចង់ក្អួត ៖ អ្វីដែលអ្នកត្រូវធ្វើ គឺគ្រាន់តែលាយបញ្ចូលគ្នារវាងទឹកក្រូចឆ្មារស្រស់១ស្លាបព្រាបាយ ជាមួយម្រេចខ្មៅម៉ដ្ឋ១ស្លាបព្រាកាហ្វេ ក្នុងទឹកក្ដៅ ឧណ្ហៗ១កែវ ។ កូរឲ្យសព្វសឹមទទួលទានយឺតៗ ។
៥.បំបាត់អាការឈឺធ្មេញ ៖ អ្វីដែលអ្នកត្រូវធ្វើ គឺលាយម្រេចខ្មៅម៉ដ្ឋ ១/២ ឬកន្លះស្លាបព្រាកាហ្វេ ជាមួយប្រេង Clove កន្លះស្លាបព្រាកាហ្វេ ចូលគ្នាឲ្យសព្វ រួចប្រើប្រាស់ល្បាយនេះលាប ឬដាក់បិទត្រង់ធ្មេញដែលឈឺ ។ រូបមន្តនេះជួយបំបាត់ការឈឺចាប់បានយ៉ាងឆាប់រហ័ស ហើយកុំភ្លេចដុសសម្អាតធ្មេញឲ្យបាន២ដងក្នុងមួយថ្ងៃ និងកាត់បន្ថយការទទួលទានជាតិផ្អែម រួមទាំងអាហារសម្បូរទៅដោយជាតិអាស៊ីតផង។
៦.ជំងឺផ្ដាសាយ ៖ ដើម្បីបំបាត់អាការគ្រុនផ្ដាសាយ អ្វីដែលអ្នកត្រូវធ្វើ គឺគ្រាន់តែលាយក្រូចឆ្មារស្រស់ចំនួនម្ខាងក្នុងទឹកក្ដៅ ឧណ្ហៗ ១ពែង ។ កូរឲ្យសព្វសឹមទទួលទានជាប្រចាំរហូតដល់អាការធូរស្បើយ ។ អ្នកក៏អាចបន្ថែមទឹកឃ្មុំឆៅ១ស្លាបព្រាបាយចូលបានដែរ ។
៧.ហូរឈាមច្រមុះ ៖ អ្វីដែលអ្នកត្រូវធ្វើ គឺគ្រាន់តែយកសម្លីទៅជ្រលក់ក្នុងទឹកក្រូចឆ្មារចំនួនសមល្មម ហើយញ៉ុកវាក្នុងរន្ធច្រមុះ រួចងើយក្បាលឡើងឲ្យខ្ពស់បន្តិចជាការស្រេច (ប្រភពពី៖ Health.com.kh)៕
ចែករំលែកព័តមាននេះ