ប្រទេសថៃ ៖ គណៈគម្មាធិការបោះឆ្នោតថៃប្រកាសនាថ្ងៃទី២៨មីនាថា គណបក្សពួកយោធាគឺគណបក្សPALANG PRACHARATក្នុងការបោះឆ្នោតសភាថៃ កាលពីថ្ងៃទី២៤មីនា ជាអ្នកទទួលបានសំឡេងច្រើនជាងគេ ៨,៤លានសំឡេង។ គណបក្សភឿថៃទទួលបាន៧,៩លានសំឡេង។
នេះជាលទ្ធផលនៅបណ្ដោះអាសន្នហើយលទ្ធផលជាស្ថាពរនឹងប្រកាសនាថ្ងៃទី៩ឧសភាខាងមុខនេះ។ គណៈកម្មាធិការបោះឆ្នោតពុំនិយាយលម្អិតពីចំនួនកៅអីដែលគណបក្សនិមួយៗទទួលបានឡើយ។ និយាយពីកៅអីក្នុងចំណោមកៅអីទាំង៣៥០ ដែលត្រូវជ្រើសរើស ក្នុងការបោះឆ្នោតជាសាកលដោយផ្ទាល់តាមបណ្ឌល គណបក្សភឿថៃដណ្ដើមបាន១៣៧កៅអី ហើយគណបក្សPALANG PRACHARATទទួលបាន៩៧កៅអី។
សម្រាប់កៅអី១៥០ទៀតដែលនៅសល់ រើសតាមរូបមន្តសែនស្មុគស្មាញ ដោយគិតជាពិសេសលើចំនួនសំឡេងសរុបដែលគណបក្សនិមួយៗទទួលបាន។ តាមការវាយតម្លៃផ្ទាល់របស់ពួកគេ គណបក្សPALANG PRACHARATនិងគណបក្សភឿថៃសុទ្ធតែអះអាងថាជាអ្នកឈ្នះ ដើម្បីបង្កើតរដ្ឋាភិបាលនាពេលខាងមុខ៕
ចែករំលែកព័តមាននេះ