ខេត្តសៀមរាប ៖ ប្រតិបត្តិការក្តៅគគុករបស់កម្លាំងនគរបាលចម្រុះមានដូចជា កម្លាំងការិយាល័យស៊ើបអង្កេត និងអនុវត្តនិតិវិធី,កម្លាំងនគរបាលអធិការក្រុងសៀមរាប, កម្លាំងនគរបាលប៉ុស្តិ៍សង្កាត់ស្វាយដង្គំ ដឹកនាំកម្លាំងដោយលោកឧត្តមសេនីយ៍ត្រី ជា គឹមសាន្ត ស្នងការរងទទួលផែន…
ខេត្តសៀមរាប ៖ ប្រតិបត្តិការក្តៅគគុករបស់កម្លាំងនគរបាលចម្រុះមានដូចជា កម្លាំងការិយាល័យស៊ើបអង្កេត និងអនុវត្តនិតិវិធី,កម្លាំងនគរបាលអធិការក្រុងសៀមរាប, កម្លាំងនគរបាលប៉ុស្តិ៍សង្កាត់ស្វាយដង្គំ ដឹកនាំកម្លាំងដោយលោកឧត្តមសេនីយ៍ត្រី ជា គឹមសាន្ត ស្នងការរងទទួលផែន អន្តោប្រវេសន៍នៃស្នងការនគរបាលខេត្ត និងដឹកនាំសម្របសម្រួល ដោយលោក សំរិទ្ធ សុខុន និងលោក ស្រេង វុទ្ធា ព្រះរាជអាជ្ញារង អមសាលាដំបូងខេត្ត បានឱ្យកម្លាំងនគរបាលចម្រុះនៃស្នងការខេត្ត ចុះឡោមព័ទ្ធអគារសំរិទ្ធ អង្គរ អាផាតមិន ចាប់ជនជាតិចិនប្រមាណ១៦០នាក់ ពាក់ព័ន្ធករណីបើកភ្នាល់ល្បែងស៊ីសងតាមប្រព័ន្ធអុីនធើរណេត នៅក្រុងសៀមរាប។
ប្រតិបត្តិការដ៏ក្តៅគគុកនេះ បានធ្វើឡើងកាលពីវេលាម៉ោង១១ព្រឹក ថ្ងៃទី២៨ ខែមីនា ឆ្នាំ២០១៩នេះ នៅ
អគារសំរិទ្ធ អង្គរ អាផាតមិន ស្ថិតនៅតាមបណ្ដោយមាត់ស្ទឹងសៀមរាប ពីខាងលិច ក្បែររបងវិទ្យាស្ថានវាយនភ័ណ្ឌប្រពៃណីយ៍ខ្មែរ ក្នុងភូមិវិហារចិន សង្កាត់ស្វាយដង្គំ ក្រុងសៀមរាប។
លោកឧត្តមសេនីយ៍ត្រី ជា គឹមសាន្ត ស្នងការរងទទួលផែន អន្តោប្រវេសន៍ នៃស្នងការនគរបាលខេត្ត បានប្រាប់ថា ដោយមានការចង្អុលបង្ហាញ និងបញ្ជាផ្ទាល់ដោយលោកឧត្តមសេនីយ៍ត្រី ទិត្យ ណារ៉ុង ស្នងការនគរបាលខេត្តសៀមរាប និងដោយមានការដឹកនាំសម្របសម្រួល ដោយលោកសំរិទ្ធ សុខុន និងលោក ស្រេង វុទ្ធា ព្រះរាជ្ញអាជ្ញារង អមសាលាដំបូងខេត្ត បានឱ្យកម្លាំងនគរបាលចម្រុះនៃស្នងការខេត្ត ចុះឡោមព័ទ្ធអគារសំរិទ្ធ អង្គរ អាផាតមិន ចាប់ជនជាតិចិនប្រមាណ១៦០នាក់ ពាក់ព័ន្ធករណីបើកភ្នាល់ល្បែងស៊ីសងតាមប្រព័ន្ធអុីនធើរណេត ស្ថិតនៅតាមបណ្ដោយមាត់ស្ទឹងសៀមរាប ពីខាងលិច ក្បែររបងវិទ្យាស្ថានវាយនភ័ណ្ឌប្រពៃណីយ៍ខ្មែរ ក្នុងភូមិវិហារចិន សង្កាត់ស្វាយដង្គំ ក្រុងសៀមរាប។
លោកបានបញ្ជាក់ថា លោកមិនទាន់អាចបញ្ជាក់លម្អិតបាននៅឡើយទេ ដោយកំពុង ធ្វើការស្រាវជ្រាវបន្តនៅឡើយ។ ចំពោះជនសង្ស័យជាជនជាតិចិនប្រុសស្រីជាង១០០នាក់នោះ លោកបានឱ្យកម្លាំងយករថយន្តក្រុងមកដឹកយកទៅស្នងការខេត្ត ដើម្បីទុកសួរចម្លើយនៅពេលក្រោយ ។ ខណៈពេលនេះ ក្រុមសមត្ថកិច្ច និងព្រះរាជ្ញអាជ្ញាររង កំពុងធ្វើការឆែកឆេរបន្តនៅក្នុងភូមិគ្រឹះខាងលើនោះសិន៕
ចែករំលែកព័តមាននេះ