ខេត្តរតនគិរី ៖តាមសេចក្តីរាយការណ៍បឋមបានឲ្យដឹងថា នៅថ្ងៃទី២៦ ខែមីនា ឆ្នាំ២០១៩ វេលាម៉ោង២២និង០០នាទី នៅចំណុចផ្ទះឈ្មោះ ញ៉ អង្គួត ស្ថិតក្នុងភូមិកែងសាន់ ឃុំសេដា ស្រុកលំផាត់ មានករណីប្រើប្រាស់អាវុធខុសច្បាប់ (រាលកៃកាំភ្លើង) បណ្ដាលឲ្យរងរបួសធ្ងន់ម្នាក់ចំភ្លៅខាងស្ដាំ ប្រុស ។
សេចក្តីរាយការណ៍បានបន្តថា ជនរងគ្រោះឈ្មោះ ញ៉ អង្គួត ភេទប្រុសអាយុ៦៥ឆ្នាំ ជនជាតិទំពួន មុខរបរជាមេភូមិ មានទីលំនៅភូមិ ឃុំកើតហេតុខាងលើ ។ ជនសង្ស័យឈ្មោះ អង្គួត និច ភេទប្រុស អាយុ១៥ឆ្នាំ ជនជាតិទំពួន រស់នៅភូមិឃុំកើតហេតុខាងលើ (កូន) ។
មុនកើតហេតុ នៅវេលាម៉ោង២២និង០០នាទីថ្ងៃទី២៦ ខណៈពេលដែលជនរងគ្រោះកំពុងតែដេកលើគ្រែនៅលើផ្ទះ ហើយឈ្មោះ អង្គួត និច ត្រូវជាកូនបង្កើតរបស់ជនរងគ្រោះបានមកពីឆ្លុះសត្វ ហើយរើសបានកាំភ្លើងមួយដើមម៉ាក AK ស្វាយត គ្មានលេខ ពេលមកដល់ផ្ទះក៏បានដោះមើលនៅខាងក្រោមផ្ទះក៏រាលកៃត្រូវឪពុកដែលកំពុងដេកនៅលើផ្ទះតែម្ដង ។
ក្រោយមកកម្លាំងយើងបានបញ្ជូនជនរងគ្រោះទៅសង្គ្រោះនៅប្រទេសវៀតណាម ។ បច្ចុប្បន្នកម្លាំងអធិការដ្ឋាន និងកម្លាំងប៉ុស្តិ៍រដ្ឋបាលឃុំសេដា បានធ្វើការឃាត់ខ្លួន និងស្រាវជ្រាវតាមនីតិវិធី ៕
ចែករំលែកព័តមាននេះ