ខេត្តបន្ទាយមានជ័យ ៖ យុវជនម្នាក់ត្រូវបានក្រុមក្មេងទំនើងកាប់ឱ្យរបួសធ្ងន់ ខណៈពេលជិះម៉ូតូជួបគ្នា កាលពីវេលាម៉ោង៧និង៣០នាទីយប់ថ្ងៃទី២១ មីនា ស្ថិតនៅចំណុចកូនភ្នំខាងលិច ភូមិភ្នំបាក់ សង្កាត់ទឺក
ថ្លា ក្រុងសិរីសោភ័ណ ខេត្តបន្ទាយមានជ័យ ។
បើតាមលោកអធិការនគរបាលក្រុងសិរីសោ័ណបានឱ្យដឹងថា ជនរងគ្រោះឈ្មោះ ចាន់ សុខា អាយុ៣១ឆ្នាំ រស់នៅភូមិអូរអំបិល ក្នុងសង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ។ លោកបន្តថា នៅមុនពេលកើតហេតុ ជនរងគ្រោះជិះម៉ូតូម៉ាកMSX ពណ៌ខ្មៅទឹកប្រាក់ ដើម្បីទៅលេងប្អូនៗនិងបានទិញទឹកកក ទឹកក្រូចទៅឱ្យ ។ ជនបង្កឈ្មោះចិន រួមទាំងបក្សពួក៣នាក់ រស់នៅភូមិបាណយ សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ក្រោយធ្វើសកម្មភាពរួចបានរត់គេចខ្លួន ។
ពេលជិះទៅដល់ចំណុចកើតហេតុខាងលើ ក៏ជួបពួកប្អូនៗទាំងនោះ ពេលនោះខ្លួនបាន ហៅឈ្មោះ ចិន ស្រាប់តែមានម្នាក់ក្នុងចំណោមពួកនោះ បានឆ្លើយ «បាទ»។ ជនរងគ្រោះសួរថា «ទៅណា» ស្រាប់តែជននោះចុះពីម៉ូតូមកកាប់ខ្លួននឹងពូថៅរងរបួសចំក្បាលផ្នែកខាងក្រោយក្បាល និងថ្ងាសដេរ១០ថ្នេរ និងស្មាដេរ៣ថ្នេរ និងកាប់ម៉ូតូបែកចង្កៀងភ្លើងមុខ និងអាវម៉ូតូខាងក្រោយ ផ្នែកខាងឆ្វេង ។
លោកបញ្ជាក់ថា តាមការស្រាវជ្រាវក្នុងករណីហិង្សានេះ គឺដោយសារតែជនរងគ្រោះបាននិយាយប៉ះពាល់លើសង្សាគេទើបមានគំនុំ ។ ពេលនោះ កម្លាំងសមត្ថកិច្ចកំពុងតែស្រាវជ្រាវតាមចាប់ជនសង្ស័យឈ្មោះចិន និងបក្សពួកហើយ។
ចែករំលែកព័តមាននេះ