ក្ដីស្រឡាញ់មានភាពស្រស់ស្រាយបែបធម្មជាតិជារឿងមិនគិតពីអាយុ ជាក់ស្តែងតារាវ័យក្មេងមួយរូបគឺនាង Yasmi Mendeguia ជនជាតិអាហ្សង់ទីន អាយុ២២ឆ្នាំ បានសេពគប់ជាមួយលោក Floyd Mayweather Jr…
ក្ដីស្រឡាញ់មានភាពស្រស់ស្រាយបែបធម្មជាតិជារឿងមិនគិតពីអាយុ ជាក់ស្តែងតារាវ័យក្មេងមួយរូបគឺនាង Yasmi Mendeguia ជនជាតិអាហ្សង់ទីន អាយុ២២ឆ្នាំ បានសេពគប់ជាមួយលោក Floyd Mayweather Jr កីឡាករប្រដាល់ ជនជាតិអាមេរិក អាយុ៤២ឆ្នាំ មានន័យថា អាយុរបស់អ្នកទាំង២មានគម្លាតគ្នាប្រហែល២០ឆ្នាំ ប៉ុន្តែមិនមែនជាឧបសគ្គរបស់គូស្នេហ៍នេះឡើយ ។
សារព័ត៌មានបរទេសផ្សាយកាលពីពេល ថ្មីៗកន្លងមកថា Yasmi Mendeguia បានជួបជាមួយលោក Floyd ក្នុងពេលដើរទិញទំនិញនៅហាងទំនើបមួយ ហើយនាងសុំថតរូបជាមួយគេទុកជាអនុស្សាវរីយ៍ ខណៈពេលកងអង្គរក្សរបស់កំពូលកីឡាប្រដាល់រូបនេះរារាំង ។
នាង Yasmi Mendeguia ក្រោយពីបញ្ចប់ក្នុងកម្មវិធី «Big Brother» ក្នុងប្រទេសអេស្ប៉ាញ កាលពីឆ្នាំមុន បច្ចុប្បន្នបានបម្រើការងារក្នុងមជ្ឈដ្ឋានការសម្តែង ភាគច្រើនស្នាក់នៅក្នុងប្រទេសម៉ិកសុិក ក្នុងនាមជាតារាបង្ហាញម៉ូដ តារាសម្តែង និងអ្នករបាំ ៕
ចែករំលែកព័តមាននេះ