រាជធានីភ្នំពេញ ៖ ជនសង្ស័យចំនួន៥នាក់ ក្នុងនោះមាននារី២នាក់ ត្រូវបានកម្លាំងនគរបាលប៉ុស្តិ៍គោកឃ្លាងឃាត់ខ្លួន ខណៈកំពុងប្រមូលផ្តុំគ្នាប្រើប្រាស់គ្រឿងញៀន ហើយសមត្ថកិច្ចដកហូតបានថ្នាំញៀនចំនួន២កញ្ចប់ ព្រមទាំងសម្ភារៈសម្រាប់ជក់មួយចំនួនផងដែរ ។ ការឃាត់ខ្លួនជនសង្ស័យទាំង៥នាក់នេះបានធ្វើឡើងកាលពីវេលាម៉ោង១២ថ្ងៃត្រង់ថ្ងៃទី២០ ខែមីនា ឆ្នាំ២០១៩ នៅចំណុចបន្ទប់ជួលក្នុងភូមិដំណាក់ សង្កាត់គោកឃ្លាង ខណ្ឌសែនសុខ។
ជនសង្ស័យទាំង៥នាក់ខាងលើពុំទាន់ស្គាល់អត្តសញ្ញាណឡើយ ខណៈសមត្ថកិច្ចកំពុងធ្វើការសាកសួរ។
លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានអោយដឹងថា ដោយសារតែមានការផ្តល់ព័ត៌មានពីសកម្មភាពជនសង្ស័យដែលបានជួបប្រមូលផ្តុំគ្នាប្រើប្រាស់គ្រឿងញៀននៅចំណុចកើតហេតុខាងលើ ទើបសមត្ថកិច្ចក៍បានចុះទៅត្រួតពិនិត្យនិងឆែកឆេររកឃើញវត្ថុតាងក៏ចាប់ឃាត់ខ្លួនតែម្តង។
បច្ចុប្បន្នជនសង្ស័យទាំង៥នាក់ខាងលើត្រូវនគរបាលបញ្ជូនទៅកាន់អធិការដ្ឋាននគរបាលខណ្ឌសែនសុខដើម្បីចាត់ការតាមច្បាប់ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ