ប្រទេសវៀតណាម ៖ យោងតាមភ្នាក់ងារសារព័ត៌មាន Viet Nam News កាលពីថ្ងៃសៅរ៍កន្លងមកបានឲ្យដឹងថា ផ្លែឈើគឺជាផលិតផលដ៏សំខាន់សម្រាបើខេត្តវៀតណាមដែលនៅជុំវិញតំបន់ដីសណ្តទន្លេមេគង្គ។ ប៉ុន្តែការដាំដុះទ្រង់ទ្រាយតូច និងកង្វះការតភ្ជាប់ផលិតកម្មទៅកាន់ការទិញ ការវេចខ្ចប់ទៅការនាំចេញ កំពុងតែប៉ះពាល់ដល់ការអភិវឌ្ឍន៍ក្នុងវិស័យនេះ។
យោងទៅតាមក្រសួងកសិកម្មនិងអភិវឌ្ឍន៍ ជនបទវៀតណាមបានឲ្យដឹងថា ខេត្តខាងត្បូងនៃប្រទេសវៀតណាមមានការដាំដុះដំណាំយកផ្លែប្រមាណ៥៩៦,៣៣០ហិចតា ដែលស្មើ ៦០%នៃដីដាំដុះក្នុងប្រទេសទៅហើយ។ ជារៀងរាល់ឆ្នាំ ពួកគេប្រមូលទិន្នផលបានប្រមាណ៦.៦លានតោន ឬស្មើ ៦៧%នៃទិន្នផលសរុបក្នុងប្រទេស។ ប្រសិទ្ធិភាពក្នុងការផលិតបានកើនឡើង ៦១%ផងដែរបើធៀបនឹងឆ្នាំ២០១០។
ព្រោះតែមានការដាំដុះនៅឆ្ងាយពីគ្នា វិនិ យោគិនជួបការលំបាកក្នុងការវិនិយោគក្នុងការអភវិឌ្ឍន៍ហេដ្ឋារចនាសម្ព័ន្ធ បង្កើតតំណភ្ជាប់ក្នុងផ្នែកផលិតកម្ម និងគ្រប់គ្រងគុណភាពផលិតផលជាដើម។ ប្រទេសវៀតណាមមានកន្លែងវេចខ្ចប់ផ្លែឈើប្រមាណ៧១កន្លែងក្នុងខេត្តខាងត្បូង ប៉ុន្តែរោងចក្រទាំងនេះភាគច្រើនខ្វះសម្ភារៈ។
យោងទៅតាមលោក Cao Van Hoa ដែលជាអនុប្រធាននាយកដ្ឋានកសិកម្មនិងអភិវឌ្ឍន៍ជនបទនៅខេត្ត Tien Giang បានឲ្យដឹងថា ខេត្តនេះមើលឃើញទំហំដីដាំដុះផ្លែឈើកើនឡើង ៩ពាន់ហិចតាមកស្មើ ៧៧,៧០០ហិចតាកាលពីឆ្នាំមុន។ ទិន្នផលបានកើនឡើង០.៣៤តោន មកស្មើ ១.៥ទ្រីលានដុល្លារ ប៉ុន្តែការអភិវឌ្ឍន៍ចម្ការដាំដុះប្រហែលជាមិនអាចកើតមានឡើងទេ។
លោក បានបន្ទោសការដាំដុះទ្រង់ទ្រាយធំ និងកង្វះការតភ្ជាប់ក្នុងផ្នែកវិនិយោគ និងជំនាញ។ លោកបានបន្តថា បម្រែបម្រួលអាកាសធាតុក៏ជាបញ្ហាមួយដែរ ដូច្នេះវាពិតជាសំខាន់ណាស់សម្រាប់វិស័យនេះក្នុងការទទួលបានជំនួយពីរដ្ឋាភិបាល។
លោក Pham Van Canh ដែលជាអនុប្រធានគណៈកម្មាធិការប្រជាជនប្រចាំខេត្ត Long An បានស្នើដល់ភ្នាក់ងារដែលជាប់ពាក់ព័ន្ធឲ្យខិតខំលើកតម្កើងការធ្វើពាណិជ្ជកម្មក្នុងទីផ្សារក្នុងស្រុកនិងនៅបរទេសបន្ថែម ផ្តល់ពត៌មានពីតម្លៃលើទីផ្សារ និងវិទ្យាសាស្ត្រនិងបច្ចេកវិទ្យាដើម្បីជួយដល់ទិន្នផលកសិករ៕
ចែករំលែកព័តមាននេះ