ខេត្តមណ្ឌលគិរី ៖ សេចក្តីរាយការណ៏បានឲ្យដឹងថា កម្លាំងអាវុធហត្ថស្រុកកែវសីមាសហការជាមួយអាវុធហត្ថខេត្តបានចាប់បង្ក្រាបរថយន្តឡង់គ្រីស្ស័រដឹកឈើមួយគ្រឿងនៅវេលាម៉ោង១០និង២៣នាទីព្រឹក ថ្ងៃទី១៨ ខែមីនា ឆ្នាំ២០១៩ ។
មេបញ្ជាការអាវុធហត្ថស្រុកកែវសីមាលោក ប៉ៃ លិន បានឲ្យដឹងថា ក្រោយពីទទួលបទញ្ជាពីឧត្តមសេនីយ៏ត្រី ហែម ប៊ុនណារ៉ែល មេបញ្ជាការកងរាជអាវុធហត្ថខេត្តកម្លាំងបានរុករកឃើញរថយន្តឡង់គ្រីស្ស័រកែច្នៃមួយគ្រឿង ពណ៌ខ្មៅ ស្ថិតនៅចំការស្វាយ ភូមិឡាប៉ាខេ ឃុំស្រែខ្ទុម ស្រុកកែវសីមា ខេត្តមណ្ឌលគិរី ។
លោក ប៉ៃ លិន បន្តថា រថយន្តខាងលើបានផ្ទុកឈើប្រភេទលេខ១ស្រឡៅចំនួន១៥ដុំស្មើ២,៣៣៤ម៉ែត្រគូប ចំណែកម្ចាស់ពុំស្គាល់អត្តសញ្ញាណនោះទេ ។ បច្ចុប្បន្នរថយន្តល្មើសបានទុកនៅផ្នែករដ្ឋបាលព្រៃឈើកែវសីមាដើម្បីចាត់ការតាមនីតិវិធី ៕
ចែករំលែកព័តមាននេះ