ខេត្តក្រចេះ ៖ នគរបាលឱ្យដឹងថា ករណីគ្រោះអគ្គិភ័យមួយដែលបានឆាបឆេះអស់លំនៅឋានមួយខ្នង ធ្វើពីឈើប្រក់ស័ង្កសី គឺមិនមែនជាឧប្បត្តិហេតុនោះទេ គឺនគរបាលបានសន្និដ្ឋានថា បណ្តាលមកពីកូនប្រុសម្ចាស់ផ្ទះជាអ្នកដុតកម្ទេច ។ ករណីអគ្គិភ័យបានកើតឡើង កាលវេលាម៉ោង១រំលងអធ្រាត្រចូលថ្ងៃទី១៤ មីនា នេះ នៅក្នុងភូមិច្រាប ឃុំស្នួល ២ធ្នូ ស្រុកស្នួល ។
នគរបាលមូលដ្ឋានបានអះអាងថា អគ្គិភ័យឆេះផ្ទះ គឺមិនបង្កឱ្យមនុស្សរងគ្រោះថ្នាក់ដល់អាយុជីវិតទេ ពិសេសគឺម្ចាស់ផ្ទះ តែផ្ទះត្រូវភ្លើងឆេះហ្មត់អស់គ្មានសល់ ក្នុងពេលតែមួយប៉ព្រិចភ្នែកប៉ុណ្ណោះ ។
ករណីនេះ ត្រូវនគររបាលសន្និដ្ឋានថា ផ្តើមចេញពីជនដៃដល់ ឈ្មោះអែល ហ៊ីម អាយុ៣១ឆ្នាំ ដែលជាកូនប្រុសរបស់ម្ចាស់ផ្ទះ ដោយសាររូបគេខឹងឱពុកម្តាយខ្លួន ដែលបានលក់ផ្ទះមួយខ្នងនេះឱ្យទៅអ្នកភូមិ តែអ្នកភូមិដែលទិញផ្ទះនោះមិនទាន់មករុះរើ ។
ក្រោយពីជនដៃដល់បង្ករួច ក៏រត់គេចខ្លួនបាត់ បច្ចុប្បន្ន កំពុងតែតាមស្រាវជ្រាវចាប់ខ្លួនផងដែរ ។
ចែករំលែកព័តមាននេះ