រាជធានីភ្នំពេញ ៖ សហភាពអឺរ៉ុបចង់ឃើញប្រទេសកម្ពុជាមានបើកចំហរសេរីភាពនយោបាយកាន់តែច្រើនថែមទៀត ខណៈដែលបន្ទាប់ពីឃើញអតីតមន្ត្រីគណបក្សប្រឆាំងចំនួនបីរូបត្រូវបានព្រះមហាក្សត្រព្រះរាជាទានសិទ្ធិធ្វើនយោបាយឡើងវិញ ។ យោងតាមផេកហ្វេសប៊ុករបស់សម្តេច ស ខេង បានឲ្យដឹងថា ក្នុងជំនួបកាលពីថ្ងៃទី១៣…
រាជធានីភ្នំពេញ ៖ សហភាពអឺរ៉ុបចង់ឃើញប្រទេសកម្ពុជាមានបើកចំហរសេរីភាពនយោបាយកាន់តែច្រើនថែមទៀត ខណៈដែលបន្ទាប់ពីឃើញអតីតមន្ត្រីគណបក្សប្រឆាំងចំនួនបីរូបត្រូវបានព្រះមហាក្សត្រព្រះរាជាទានសិទ្ធិធ្វើនយោបាយឡើងវិញ ។ យោងតាមផេកហ្វេសប៊ុករបស់សម្តេច ស ខេង បានឲ្យដឹងថា ក្នុងជំនួបកាលពីថ្ងៃទី១៣ ខែមីនា ឆ្នាំ២០១៩ នៅទីស្តីការក្រសួងលោក George Edgarឯកអគ្គរដ្ឋទូតសហភាពអឺរ៉ុបក៏បានជំរាបជូនសម្ដេចក្រឡាហោម ស ខេង ថា សហភាពអឺរ៉ុបចង់ឃើញកម្ពុជាមានការបើកចំហរសិទ្ធិសេរីភាពនយោបាយឲ្យកា ន់តែច្រើន ។
ជាការឆ្លើយតបសម្ដេចក្រឡាហោម ស ខេង បានសង្កត់ធ្ងន់ថា រាជរដ្ឋាភិបាលប្ដេជ្ញាចិត្តអនុវត្តតាមស្មារតីដូចមានបញ្ជាក់ក្នុងសេចក្ដីថ្លែងការណ៍ថ្ងៃទី៣ ខែធ្នូ ឆ្នាំ២០១៨ ។ ក្នុងជំនួបនោះដែរសម្ដេចក្រឡាហោម ស ខេង បានលើកឡើងថា ក្នុងនាមរាជរដ្ឋាភិបាល និងប្រជាជនកម្ពុជាសម្តេចសូមថ្លែងអំណរគុណសហភាពអឺរ៉ុបដែលតែងតែផ្ដល់កិច្ចសហប្រតិបត្តិការជួយប្រទេសកម្ពុជាយ៉ាងច្រើននាពេលកន្លងមក ។
សម្ដេចបានបន្តថា បើទោះបីជារយៈពេលចុងក្រោយនេះកម្ពុជា និងសហភាពអឺរ៉ុបមានបញ្ហា មិនចុះសម្រុងគ្នាខ្លះ ប៉ុន្តែសម្ដេចនៅតែមានជំនឿថា ទំនាក់ទំនងរវាងកម្ពុជា និងសហភាពអឺរ៉ុ បនៅតែបន្តស្ថិតក្នុងភាពល្អប្រសើរដូចកន្លងមកតាមរយៈការជួបពិភាក្សាគ្នារវាងភាគីទាំងពីរ ដើម្បីដោះស្រាយបញ្ហាមិនចុះសម្រុងទាំងនោះ ។ ចំណែកលោក George Edgar បានថាលោកពិតជាមានសេចក្ដីរីករាយ និងសូមថ្លែងអំណរគុណសម្ដេចដែលក្នុងឋានៈជារដ្ឋមន្ត្រីក្រសួងមហាផ្ទៃតែងតែផ្ដល់ការគាំទ្របេសកកម្មរបស់ស្ថានទូតសហភាពអឺរ៉ុប ហើយសហភាពអឺរ៉ុបពិតជាពេញចិត្តចំពោះការចូលរួមគាំទ្រកំណែទម្រង់វិមជ្ឈការ និងវិសហមជ្ឈការ ។
លោកឯកអគ្គរដ្ឋទូតសហភាពអឺរ៉ុបក៏បានសម្ដែងការអបអរសាទរចំពោះវឌ្ឍនភាពដ៏ឆាប់រហ័សរបស់កម្ពុជា ក្នុងកិច្ចការអភវឌ្ឍន៍សេដ្ឋកិច្ច និងសង្គម ដោយលោកបានរំលឹកឡើងវិញ ថាអ្វីៗដែលកម្ពុជាកំពុងមានសព្វថ្ងៃនេះមានភាពខុសគ្នាឆ្ងាយណាស់ បើធៀបនឹងប្រទេសកម្ពុ ជាកាលពីជាង២០ឆ្នាំមុន ដែលឯកឧត្តមធ្លាប់មកជាលើកដំបូងនោះ ។ ជាមួយគ្នានេះលោកបានថ្លែងកោតសរសើ និងអបអរសាទរចំពោះផ្លែផ្កានៃការរៀបចំវេទិកាពិគ្រោះយោបល់រវាងរាជរដ្ឋាភិបាល និងសង្គមស៊ីវិល ពិសេសក្រសួងមហាផ្ទៃដែលបានដំណើរការកិច្ចពិគ្រោះយោបល់ជាមួយក្រុមអង្គការសង្គមស៊ីវិល ដោយលោកកត់សំគាល់ថា វេទិកានេះធ្វើឲ្យភាគីទាំ ងពីរមានការយល់យោគគ្នាបានច្រើនជាងមុន ។
ជាការឆ្លើយតបសម្ដេចក្រឡាហោម ស ខេង បានឯកភាពទទួលយកសំណើរនេះ និងបានមានប្រសាសន៍ថា រាជរដ្ឋាភិបាលបាន និងកំពុងយកចិត្តទុកដាក់ខ្ពស់ចំពោះការងារអភិរក្សធនធានធម្មជាតិ ហើយជាក់ស្ដែងក្រសួងមហាផ្ទៃកំពុងដឹកនាំក្រុមការងារព្រាងសេចក្ដីស្នើវិសោធនកម្មច្បាប់មួយចំនួនពាក់ព័ន្ធនឹងធនធានធម្មជាតិ ដើម្បីពង្រឹងការងារនេះឲ្យកាន់តែមានប្រសិទ្ធភាពបំផុត ៕
ចែករំលែកព័តមាននេះ