រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានស្នើឲ្យសេដ្ឋីស្រុកខ្មែរដែលមានប្រាក់រាប់ពាន់លានដុល្លារធ្វើការវិនិយោគលើកវិស័យកសិកម្ម នៅក្នុងប្រទេសកម្ពុជាឲ្យបានច្រើន ។ ថ្លែងក្នុងពិធីបិទសន្និបាតក្រសួងកសិកម្មរុក្ខាប្រមាញ់ និងនេសាទ…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានស្នើឲ្យសេដ្ឋីស្រុកខ្មែរដែលមានប្រាក់រាប់ពាន់លានដុល្លារធ្វើការវិនិយោគលើកវិស័យកសិកម្ម នៅក្នុងប្រទេសកម្ពុជាឲ្យបានច្រើន ។ ថ្លែងក្នុងពិធីបិទសន្និបាតក្រសួងកសិកម្មរុក្ខាប្រមាញ់ និងនេសាទ នាព្រឹកថ្ងៃទី១៤ ខែមីនា នៅទីស្តីការក្រសួងសម្តេចតេជោហ៊ុន សែន នាយករដ្ឋមន្ត្រីបានមានប្រសាសន៍ថាសម្រាប់ការចិញ្ចឹមសត្វ គឺវិធីដែលល្អត្រូវខិតខំទាក់ទាញអ្នកវិនយោគ ហើយមិនចាំបាច់អ្នកវិនិយោគមកពីក្រៅប្រទេសនោះទេ ។
ស្រុកខ្មែរឥឡូវសេដ្ឋីដែលមានប្រាក់រាប់ពាន់លានមានរួចហើយ ហើយសេដ្ឋីរយលានក៏ច្រើនដែរ អីញ្ចឹងឲ្យពួកគេធ្វើការវិនិយោគ ។ សម្តេចបញ្ជាក់ថា ៖«មិនចាំបាច់អ្នកវិនិយោគមកពីក្រៅទេ ! នៅស្រុកខ្មែរអាឡូវសេដ្ឋីពាន់លានក៏មានរួចមកហើយ ហើយសេដ្ឋីមួយជុង្គៗឬសេដ្ឋីរយលាននោះ គឺក៏មានច្រើនដែរ ។ អីញ្ចឹងឲ្យពួកគេវិនិយោគនៅក្នុងប្រទេសរបស់យើង» ។ សម្តេចក៏បានលើកឡើងថា កុំត្រូវវាយតម្លៃថា នៅពេលបច្ចុប្បន្ននេះកម្ពុជាគ្មានសេដ្ឋីរយលានសេដ្ឋីពាន់លាននោះទេ ។ ហើយនិយាយពីអ្នកដែលមានប្រាក់ពី១លានដុល្លារឡើងមិនដឹងរាប់នៅត្រង់ណាទេ គឺមានច្រើនណាស់ ។ ប៉ុន្តែខ្ញុំមិនសំដៅសាច់ប្រាក់ទេ យើងគិតផ្ទះនៅក្នុងក្រុងភ្នំពេញមួយកន្លែង មានតម្លៃលើសពី១លានបាត់ហើយ នេះប្រហែលជាកំហុសខ្ញុំទេ ។
សម្តេចក៏បានលើកឡើងថា សម្តេចកាលមានកំហុសទំលាក់ឲ្យសម្តេចតែដល់មានបានមិនដែលគិតសម្តេចនោះទេ ។ សម្តេចបញ្ជាក់យ៉ាងដូច្នេះថា «ស្អីក៏គេទម្លាក់មកឲ្យខ្ញុំដែរ ប៉ុន្តែនៅពេលណាមានរឿងល្អវាមិនដែលឲ្យខ្ញុំទេ តែក្តៅត្រង់នឹងវារកស៊ីបាន វាជិះឡានពីដើមវារកស្បែកជើងពាក់សឹងមិនបាន អាឡូវវាមានទាំងឡាន ហើយវាឡាយវីឌីអូហ្វេសប៊ុកទៀត រួច ហើយវាកាន់តែក្រទៅៗ ។ អារឿងអីក៏ទំលាក់ឲ្យឯង អារឿងវាធ្វើមាន ធ្វើបានវាអត់ទម្លាក់ ឲ្យសោះពួកអានេះខូចពេកហ្មង» ។
ជាមួយគ្នានោះដែរ សម្តេចតេជោក៏បានលើកឡើងថា ផលភាពក្នុងការផលិតមាន ប៉ុន្តែបញ្ហាប្រឈមនោះ គឺការប្រកួតជាមួយដៃគូរប្រជែងខ្លាំងៗនៅខាងក្រៅមានច្រើន ។ សម្តេចថា នៅលើកទីផ្សារអន្តរជាតិផលិតផលស្រូវត្រូវបានគេបង្អាប់ដោយសារ ប្រទេសជាសមាជិកអាស៊ានដូចជា មីយ៉ាន់ម៉ា ថៃ វៀតណាម ក៏ធ្វើស្រូវហើយបាននាំចូលទៅទីផ្សារដូចគ្នា ដូច្នេះគេមិនបានបង្អាប់ឲ្យបញ្ចុះតម្លៃ ៕
ចែករំលែកព័តមាននេះ