អគតិជាធម៌នាំឱ្យដល់នូវក្តីវិបត្តិ បុគ្គលមិនគួរប្រព្រឹត្តឡើយ ព្រោះនាំឱ្យខូចយុត្តិធម៌ និងខូចប្រយោជន៍។ តើអគតិទាំង៤ប្រការនោះមានអ្វីខ្លះ?
១-ឆន្ទាគតិ លម្អៀងព្រោះស្រឡាញ់
២-ទោសាគតិ លម្អៀងព្រោះស្អប់
៣-មោហាគតិ លម្អៀងព្រោះល្ងង់
៤-ភយាគតិ លម្អៀងព្រោះខ្លាច ។
អគតិតាមស័ព្ទប្រែថា ការដែលមិនគួរប្រព្រឹត្ត សេចក្តីលម្អៀងគឺប្រព្រឹត្តមិនទៀងត្រង់ចំពោះសេចក្តីពិត មានន័យថា នឹងធ្វើអ្វីចំពោះបុគ្កលណា ក៏មិនសមហេតុ សមផល សមដើមសមចុងឡើយ ប្រព្រឹត្តទៅដោយសេចក្តីស្រឡាញ់ខ្លះ ស្អប់ខ្លះ ល្ងង់ខ្លះ ខ្លាចចំពោះហេតុដែលមិនគួរខ្លាចខ្លះ ។
បើបុគ្គលអ្នកប្រព្រឹត្តយកការស្រឡាញ់ ស្អប់ ល្ងង់ ខ្លាច មកជាត្រីមុខយ៉ាងនេះហើយ រមែងខូចយុត្តិធម៌ ជាការមិនល្អឡើយ ហេតុនេះគួរលះបង់ចោលចេញមិនគួរប្រព្រឹត្តដាច់ខាត ។
ចែករំលែកព័តមាននេះ