មកស្តាប់លោកអភិបាលខេត្តសៀមរាប ប្រាប់…ពលរដ្ឋដែលសុំដីអមសងខាងផ្លូវ
- សៀមរាប
ខេត្តសៀមរាប ៖ កាលពីរសៀលថ្ងៃទី១១ មីនា លោក ទៀ សីហា អភិបាលនៃគណៈអភិបាលខេត្ត បានដឹកនាំក្រុមការងារខេត្ត ចុះទៅត្រួតពិនិត្យទីតាំងភូមិសាស្ត្រមួយ…
ខេត្តសៀមរាប ៖ កាលពីរសៀលថ្ងៃទី១១ មីនា លោក ទៀ សីហា អភិបាលនៃគណៈអភិបាលខេត្ត បានដឹកនាំក្រុមការងារខេត្ត ចុះទៅត្រួតពិនិត្យទីតាំងភូមិសាស្ត្រមួយ…
ខេត្តសៀមរាប ៖ កាលពីរសៀលថ្ងៃទី១១ មីនា លោក ទៀ សីហា អភិបាលនៃគណៈអភិបាលខេត្ត បានដឹកនាំក្រុមការងារខេត្ត ចុះទៅត្រួតពិនិត្យទីតាំងភូមិសាស្ត្រមួយ ដែលបងប្អូនប្រជាពលរដ្ឋនៅឃុំកំពង់ភ្លុក ស្រុកប្រាសាទបាគង ខេត្តសៀមរាប បានធ្វើការស្នើសុំដីដើម្បីបង្កបង្កើនផលក្រៅពីការធ្វើនេសាទ ដែលជាដីព្រៃលិចទឹករីករឹលនៅអមសងខាងដងផ្លូវជម្រៅ២០០ម៉ែត្រ ក្នុងភូមិ-ឃុំកំពង់ភ្លុក ។
តាមការបញ្ជាក់ពីលោកនឹង នី មេឃុំកំពង់ភ្លុកបានឱ្យដឹងផងដែរ ដោយកំណើនប្រជាពលរដ្ឋពីមួយឆ្នាំ ទៅមួយឆ្នាំ មានគ្រួសារកើតឡើង និងដើម្បីឱ្យប្រជាពលរដ្ឋកាត់បន្ថយ និងផ្លាស់ប្តូរពីការធ្វើនេសាទ ធ្វើការបង្កបង្កើនផលនោះ អាជ្ញាធរខេត្ត នាពេលកន្លងមក បានផ្តល់ដីសម្បទានរបស់រដ្ឋ នៅក្នុងស្រុកស្វាយ
លើ ។ ក្នុងនោះ បងប្អូនប្រជាពលរដ្ឋបានទៅទទួលយកតាមការកំណត់បែង ចែកឲ្យទៅតាមគ្រួសារ ។
ក៏ប៉ុន្តែនៅពេលដែលប្រជាពលរដ្ឋបានទៅធ្វើការកាប់រានដីធ្វើស្រែចំការ ក៏មានប្រជាពលរដ្ឋនៅក្នុងភូមិ សាស្ត្រ ទៅធ្វើការតវ៉ារារាំង ព្រមទាំងមានការគំរាមកំហែងដល់អាយុជីវិតរបស់បងប្អូន ដែលបានទៅធ្វើស្រែចំការនៅទីនោះ នឹងធ្វើឲ្យពួកគាត់មានការភ័យខ្លាច ក៏បានធ្វើការសម្រេចចិត្តវិលត្រឡប់មកស្រុកភូមិខ្លួនវិញ ប្រកបការងារនេសាទដដែល ។ ក្នុងនោះ ដែរបងប្អូនក៏បានសំណូមពរ ដល់អាជ្ញាធរខេត្ត សូមឲ្យជួយស ម្រួសនិងផ្តល់ដីបង្កបង្កើនផលទៅតាមលទ្ធភាពជាក់ស្តែង នៅក្នុងភូមិសាស្ត្រឃុំកំពុងភ្លុក ស្របអមដងផ្លូវ ដែលមានជម្រៅ២០០ម៉ែត្រ សង្ខាង ។
លោកមេឃុំបានបញ្ជាក់ថា ចម្ងាយដីព្រៃលិចទឹកផ្នែកខាងកើត ផ្លូវ មានប្រវែង ៥ពាន់ម៉ែត្រ ខាងលិចផ្លូវ ២ពាន់ម៉ែត្រ ស្របសង្ខាងផ្លូវទៅដល់សាលាឃុំកំពង់ភ្លុក ៩ពាន់ម៉ែត្រ និង ទៅ ដល់មាត់ទន្លេ ៥ពាន់ម៉ែត្រ ដែលជាប្រភេទព្រៃគប់លិចទឹក ។ ម្យ៉ាងទៀតការសុំដីនេះ ក៏សុំក្នុងដែរដីព្រៃរីករឹល ចំពោះព្រៃលិចទឹក ក្នុង ភូមិសាស្ត្រឃុំកំពង់ភ្លុក ត្រូវបានសហគមន៍រួមសហការគ្នាអភិរក្ស ថែរក្សា ពីព្រោះថា ព្រៃលិចទឹកនេះហើយជារនាំងនៃអាយុជីវិត របស់ ប្រជាពលរដ្ឋឃុំកំពង់ភ្លុក ហើយបានកំពុងទាក់ទាញនូវភ្ញៀវទេសចរណ៍ ចូលមកទស្សនាកម្សាន្តជារៀងរាល់ថ្ងៃទៀតផង ។
តាមការបញ្ជាក់របស់រដ្ឋបាលជលផលខេត្តបានឲ្យដឹងថា ទីតាំងផ្ទៃដីដែលបងប្អូនបានលើកឡើងនេះ គឺជាទីដែនជម្រកព្រៃ លិចទឹក សម្រាប់ត្រីពងកូន នៅក្នុងរដូវវស្សា ។ ក្នុងពេលកន្លងមកដីព្រៃលិចទឹកមួយផ្នែកធំ ត្រូវបានប្រជាពលរដ្ឋនៅឃុំផ្សេងៗខាងលើ បានចូលមកកាប់ទន្ទ្រានយកដីធ្វើជាកម្មសិទ្ធផ្ទាល់ខ្លួន ក្នុងការធ្វើស្រែ ប្រាំង តែចំពោះប្រជាពលរដ្ឋក្នុងឃុំកំពង់ភ្លុក ក្រៅពីការងារ នេសាទ ពួកគាត់គ្មានដីបង្កបង្កើនផលឡើយ ព្រមទាំងបានធ្វើការអភិរក្សព្រៃលិចទឹក ដែលជាអាយុជីវិតរបស់ពួកគាត់ទៀតផង ។
មានប្រសាសន៍នោះដែរ លោក ទៀ សីហា អភិបាលខេត្ត ក៏បានធ្វើការបញ្ជាក់ជូនបងប្អូនឲ្យបានដឹងថា បញ្ហាដីតំបន់ព្រៃលិចទឹក នេះ គឺ មានការទាក់ទងទៅនឹងអាជ្ញាធរបឹងទន្លេសាប , បរិស្ថាន , រដ្ឋបាលជលផល ដោយតំបន់នេះត្រូវបានកំណត់ជា៣តំបន់ គឺតំបន់១ តំបន់២ និង តំបន់៣ ដែលជាតំបន់ត្រូវមានការហាមឃាត់យ៉ាងតឹងរឹងទៀតផង ។ ម្យ៉ាងទៀតចំពោះការស្នើសុំរបស់បងប្អូននៅពេល នេះ អាជ្ញាធរខេត្ត នឹងធ្វើការបង្កើតគណៈកម្មការ មួយ ដើម្បីធ្វើការសិក្សាស្វែងយល់នូវរាប់ផលប៉ះពាល់តំបន់ព្រៃលិចទឹក នៅក្នុងភូមិសាស្ត្រឃុំកំពង់ភ្លុងឲ្យបានច្បាប់លាស់ត្រឹមត្រូវ តើមានប៉ះពាល់អី្វខ្លះសិន? ។
ក្នុងនោះដែរលោក ក៏បានសំណូមពរ និងណែនាំដល់អាជ្ញាធរ និងប្រជាពលរដ្ឋក្នុងឃុំកំពង់ភ្លុកទាំងមូល ចូលរួមសហការជាមួយកម្លាំងសមត្ថកិច្ចជំនាញ ក្នុងការការពារធនធានធម្មជាតិ ព្រៃលិចទឹក ដែលជាទីដែនជម្រកត្រីពងកូន និង ជម្រកសត្វស្លាបរស់នៅ ដែលបានផ្តល់អត្ថប្រយោជន៍ដល់បងប្អូននៅក្នុងសហគមនេះ ទាំងមូល ក្នុងរកនូវចំណូលផ្គត់ផ្គង់ក្រុមគ្រួសារ ក្រៅពីការធ្វើនេសាទ គឺទទួលផលបានពីការបម្រើ សេវាកម្មទេសចរណ៍ ។
ចែករំលែកព័តមាននេះ