រាជធានីភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីបានបានស្នើដល់មន្ត្រីគ្រប់ជាន់ ថ្នាក់ទាំងអស់ត្រូវបង្កើនសមត្ថភាពចំណេះដឹងបន្ថែមទៀត ដើម្បីដើរឲ្យទាន់បច្ចេកវិទ្យា ។ ថ្លែងក្នុងពិធីប្រគល់សញ្ញាបត្រដល់និស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ចជាង៣ពាន់នាក់…
រាជធានីភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីបានបានស្នើដល់មន្ត្រីគ្រប់ជាន់ ថ្នាក់ទាំងអស់ត្រូវបង្កើនសមត្ថភាពចំណេះដឹងបន្ថែមទៀត ដើម្បីដើរឲ្យទាន់បច្ចេកវិទ្យា ។ ថ្លែងក្នុងពិធីប្រគល់សញ្ញាបត្រដល់និស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ចជាង៣ពាន់នាក់ នៅថ្ងៃទី១១ ខែមីនា ឆ្នាំ២០១៩នេះនៅមជ្ឈមណ្ឌលកោះពេជ្រ សម្តេចតេជោ ហ៊ុន សែន នាយករដ្ឋមន្ត្រីបានអំពាវនាវដល់មន្ត្រីគ្រប់ជាន់ថ្នាក់ត្រូវបង្កើនសមត្ថភាពចំណេះដឹងបន្ថែមទៀត ដើម្បីឲ្យទាន់សម័យបច្ចេកវិទ្យា ។
សម្តេចបានលើកឡើងទោះបីជាមន្ត្រីដែលកំពុងបម្រើការងារបច្ចុប្បន្នមានសញ្ញាបត្រថ្នាក់ បរិញ្ញាបត្រ អនុបណ្ឌិត បណ្ឌិតក្តី ត្រូវតែបង្កើតចំណេះដឹងបន្ថែមទៀតព្រោះថា សម័យបច្ចេកវិទ្យាបានកំពុងតែដើរនៅមុខលឿនមិនឈប់ ។ ជាមួយគ្នានោះដែរ សម្តេចក៏បានអំពាវនាវដល់គណៈគ្រប់គ្រងសាលាក៏ត្រូវតែពង្រឹងការដឹកនាំ ដើម្បីឲ្យសិស្សិនិសិត្សមានចំណេះជំនាញដើម្បីយកទៅបម្រើការងារ ។
សូមជម្រាបថា និស្សិតដែលទទួលសញ្ញាបត្រនៅព្រឹកនេះមានចំនួនសរុប៣,០៤៣នាក់ ក្នុងនោះមានស្ត្រី ១,៤១២នាក់ ហើយនិស្សិតដែលទទួលសញ្ញាបត្រនេះមានថ្នាក់បរិញ្ញាបត្រ ២,៥០១នាក់ និងបរិញ្ញាបត្រជាន់ខ្ពស់៥៤២នាក់ ៕
ចែករំលែកព័តមាននេះ