រឿងដែលស្វាមីគួរតែជួយដល់ភរិយាពេលដែលពរពោះកូនទី២ តើមានអ្វីខ្លះទៅ ?
1.អ្នកគួរតែនាំកូនច្បងទៅងូតទឹក ព្រោះជាការជួយចម្បងដែលអ្នកគួរតែធ្វើ ។ នៅពេលដែលប្រពន្ធអ្នកពពោះ នាងនឹងពិបាកងូតទឹកឲ្យកូនណាស់ ដោយសារតែពោះធំពិបាកអោនចុះឡើង ។ ដូចនេះអ្នកគួរតែជួយងូតទឹកឲ្យកូន ទើបអាចជួយសម្រាលបន្ទុករបស់ភរិយា ។
2.នៅពេលដែលដល់ថ្ងៃឈប់សម្រាក អ្នកគួរតែនាំកូនទៅដើរលេងជំនួសប្រពន្ធ ព្រោះពោះនាងធំ អាចនឹងពិបាកក្នុងការនាំកូនទៅទីសាធារណៈណាស់។ ដូចនេះអ្នកគួរតែនាំកូនទៅជំនួសវិញ ទើបអាចជួយដល់ប្រពន្ធអ្នក ។ 3.ពេលដែលប្រពន្ធកំពុងតែចាញ់កូន អ្នកគួរតែជួយធ្វើម្ហូប និងបញ្ចុកកូន ទើបជួយកាត់បន្ថយចំនួននៃការក្អួតរបស់ភរិយាអ្នក ។ ដូចនេះ គេនឹងមិនសូវចាញ់ខ្លាំងឡើយពេលដែលមិនហិតត្រូវក្លិនម្ហូប ។
4.អ្នកគួរតែពរកូនច្បង មិនគួរឲ្យប្រពន្ធអ្នកពរទៀតទេ ព្រោះអាចធ្វើឲ្យប៉ះពាល់ដល់កូនក្នុងផ្ទៃបាន ពេលដែលភរិយាអ្នកតែងតែពរកូនដែលមានទម្ងន់ធ្ងន់ ។ ដូចនេះ អ្នកគួរតែជួយពរកូនច្បង ដើម្បីរក្សាសុវត្ថិភាពកូនទី២ក្នុងពោះប្រពន្ធអ្នក ។
5.មុនពេលដែលសម្រាលកូន អ្នកគួរតែពិភាក្សាគ្នាពីរឿងដែលមើលថែទាំកូនច្បងក្នុងកំឡុងពេលដែលអ្នកទៅសម្រាលកូន ទើបអាចធានាពីសុវត្ថិភាពរបស់កូនច្បង ថែមទាំងអាចទុកចិត្តទៅសម្រាលកូនបានទៀតផង (ស្រង់ពីគេហទំព័រសុខភាព) ៕
ចែករំលែកព័តមាននេះ