ខេត្តស្វាយរៀង ៖ លោកអគ្គបណ្ឌិតសភាចារ្យអូនព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រី ក្រសួងសេដ្ឋកិច្ច និងហិរញ្ញវត្ថុ អញ្ជើញជាគណអធិបតីក្នុងពិធីសំណេះសំណាលមន្ត្រីរាជការនៃអង្គភាព ក្រោមឱវាទក្រសួងសេដ្ឋកិច្ច និងហិរញ្ញវត្ថុ…
ខេត្តស្វាយរៀង ៖ លោកអគ្គបណ្ឌិតសភាចារ្យអូនព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រី ក្រសួងសេដ្ឋកិច្ច និងហិរញ្ញវត្ថុ អញ្ជើញជាគណអធិបតីក្នុងពិធីសំណេះសំណាលមន្ត្រីរាជការនៃអង្គភាព ក្រោមឱវាទក្រសួងសេដ្ឋកិច្ច និងហិរញ្ញវត្ថុ នៅក្នុងខេត្តស្វាយរៀង និងខេត្តព្រៃវែង ដោយមានការអញ្ជើញចូលរួមពីសំណាក់លោកម៉ែន វិបុល អភិបាលនៃគណអភិបាលខេត្ត រដ្ឋលេខាធិការ អគ្គនាយអគ្គនាយកដ្ឋានគយ និងរដ្ឋាករ អគ្គនាយកដ្ឋានពន្ធដារ លោកប្រធានសាខាគយ និងរដ្ឋាករខេត្តមន្ត្រីគយ និងមន្ត្រីសាខាពន្ធដារខេត្តក្រុងស្រុក ចូលរួមជាច្រើនកុះករ។
ពិធីនេះធ្វើឡើងនៅព្រឹកថ្ងៃទី០៧ មីនា ២០១៩ នៅការិយាល័យគយ និងរដ្ឋាករបាវិត ក្រុងបាវិត ។ ក្នុងឱកាសនោះដែរ លោកអគ្គបណ្ឌិតសភាចារ្យអូនព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានមានប្រសាសន៍សំណេះសំណាលថា ត្រូវបន្តការប្រមូលពន្ធអាករឲ្យបានតាមផែនការរបស់រាជរដ្ឋាភិបាលដាក់ឲ្យ និងត្រូវពង្រឹង និងបង្កើនគណនេយ្យភាពឲ្យមានប្រសិទ្ធិភាពខ្ពស់ ដោយប្រកាន់ភ្ជាប់ការអនុវត្តនូវអភិក្រមការងារ០៤ប្រការគឺ ទី១-អនុវត្តការងារប្រកបដោយវិជ្ជាជីវៈ និងគោរពក្រមសីលធម៌វិជ្ជាជីវៈ ត្រូវមានមនសិការវិជ្ជាជីវៈនិងប្រកាន់ភ្ជាប់នូវគោលការណ៍អភិបាលកិច្ចល្អ ។
ទី២- អនុវត្តការងារជាក្រុម បំពេញការងារដើម្បីបម្រើឧត្តមប្រយោជន៍នៃការពង្រឹងស្ថាប័ន និងយន្តការការងារដោយយោងលើស្មារតីនៃកាគោរពឋានានុក្រមមុខងារ និងភារៈកិច្ចរៀងៗខ្លួនព្រមទាំងស្មារតីសាមគ្គីភាព និងឯកភាពរឹងមាំទាំងផ្នែកទស្សនៈគោលជំហរ និងសកម្មភាព ។ ទី៣- អនុវត្តការងារដោយប្រកានភ្ជាប់ស្មារតីបុរេសកម្ម បើមានបញ្ហាបង្ការ និងទប់ស្កាត់បញ្ហាមិនឲ្យកើតមាន និងដោះស្រាយបញ្ហាទាន់នៅតិចតួច ។
ទី៤- មិនត្រូវមើលរំលងនូវកំហុសខ្លួនឯង ទទួលស្គាល់ និងកែរតម្រូវកំហុសរបស់ខ្លួន ដោយអនុលោមតាមអភិក្រមការងារ៤យ៉ាង របស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា«ឆ្លុះកញ្ចក់ងូតទឹកដុសក្អែលព្យាបាល» ។បន្ទាប់ពីសំណេះសំណាលរួចមកពិធីចុះហត្ថលេខាលើក្រាំងមាសសម្ពោធបើកជាផ្លូវការនូវអគាររដ្ឋបាលថ្មីការិយាល័យគយ និងរដ្ឋាករបាវិត និងថតរូមរួមគ្នា ហើយបន្តដំណើរចុះពិនិត្យស្នាក់ការគយតាមច្រកទ្វេភាគីសំរោងស្រុកចន្ទ្រា និងស្នាក់ការគយប៉ុស្តិ៍ទ្វេភាគីបុស្សមន ស្រុករំដួល ៕
ចែករំលែកព័តមាននេះ