រាជធានីភ្នំពេញ ៖ សុនខមួយក្បាលឈ្មោះ អាសង្ហា កំពុងធ្វើអោយមហាជនចង់តាមដានជាខ្លាំង ក្រោយសុនខមួយនេះ មានសមត្ថភាពមិនធម្មតា ជាពិសេសវាជាពូជអ្នកកាពារអាចថាជាអង្គរក្សយាមកាមដ៏កក់ក្តៅនៅក្នុងគ្រួសារ ។ ជាការពិតណាស់…
រាជធានីភ្នំពេញ ៖ សុនខមួយក្បាលឈ្មោះ អាសង្ហា កំពុងធ្វើអោយមហាជនចង់តាមដានជាខ្លាំង ក្រោយសុនខមួយនេះ មានសមត្ថភាពមិនធម្មតា ជាពិសេសវាជាពូជអ្នកកាពារអាចថាជាអង្គរក្សយាមកាមដ៏កក់ក្តៅនៅក្នុងគ្រួសារ ។
ជាការពិតណាស់ បងប្អូនពិតជាចង់ដឹងហើយពីភាពឆ្លាតវៃរបស់អាសង្ហា ក្រោយម្ចាស់បានបង្រៀនមើលថែយ៉ាងដិតដល់តាំងពីតូចរហូតដល់ធំ ដោយទុកដូចជាសមាជិកគ្រួសាររបស់ខ្លួននោះ ។ មែនទែនទៅ សុនខមួយក្បាលនេះ ត្រូវបានម្ចាស់យកមកចិញ្ចឹមជាពូជ Belgian Malinois ដែលមានដើមកំណើតមកពីបែលហ្ស៊ិក ដោយសុនខឈ្មោះអាសង្ហានេះ ជាពូជមួយដែលកាចខ្លាំងខុសពីសុនខធម្មតា តែដោយសារតែម្ចាស់បានបង្ហាត់បង្រៀនបែបជាលក្ខណៈគ្រួសារ និងបានថែទាំតាំងពីតូចនោះ ដូច្នេះវាមិនជាកាចពេកណាស់នោះឡើយ ។
គួរបញ្ជាក់ដែរថា បងប្អូនមហាជនដែលមានសុនខអាចធ្វើការចែចូវបាន ក្រោយអាសង្ហាពុំទាន់មានដៃគូជីវិតនៅឡើយទេ ដោយឆ្នាំនេះវាមានអាយុ២ឆ្នាំ មានកម្ពស់ខ្ពស់សង្ហា មានទម្ងន់៣៨គីឡូក្រាម ចេះស្តាប់ភាសាមនុស្ស យល់ដឹងរាក់ជ្រៅ នេះបើតាមម្ចាស់របស់វាបានជម្រាបមកនោះ ។
តាមរយៈបទសម្ភាសន៍ជាមួយសារព័ត៌មានកោះសន្តិភាព ម្ចាស់សុនខអាសង្ហា លោក ជួន សេងផៃ និយាយថា សុនខមួយក្បាលនេះវាមានភាពឆ្លាតវាងវៃ ដូចជាមនុស្សដោយអាចប្រើវាបានគ្រប់សព្វបែបយ៉ាង អោយវាទៅយករបស់របរផ្សេងៗមិនថា ដបទឹក សម្លៀកបំពាក់ ឬសម្ភារៈផ្សេងៗទៀត ពោលលោកបានប្រើវា ។
លោក សេងផៃ ដែលជាម្ចាស់សុនខអាសង្ហាបន្តថា សព្វថ្ងៃលោកពិតជាមើលវាបានដិតដល់ ជាពិសេសចំណីអាហារតែម្តងដោយរាល់ព្រឹកលោកតែងទិញកមាន់ ឬរបស់ផ្សេងៗមកធ្វើម្ហូបអោយអាកូនពុកអាសង្ហា ដោយម្ហូបដែលវាចូលចិត្តនោះ គឺស្ងោរស៊ុប ។ ក្រៅពីសម្លរ អាសង្ហាក៏ចូលចិត្តផ្លែឈើដែរ ក្នុងមានល្ហុង មាន់ ស្វាយ និងផ្លែឈើមួយចំនួនទៀត ។
សម្រាប់ពូជ Belgian Malinois នេះលោកថា វាកាច តែក៏មានពេលវាស្លូតនោះដែរ ពេលថ្ងៃអាចចូលលេងធម្មតា តែពេលយប់អាចថា វាជាអង្គរក្សយ៉ាងកក់ក្តៅ ព្រោះវាមានញាណពិសេស ដោយអាចដឹងក្លិនមនុស្ស ដឹងស្ថានការដែលអាចកើតមានឡើង ដូច្នេះលោក សេងផៃថា មានអាសង្ហាដូចជា មានសន្តិសុខការពារ៥នាក់នៅផ្ទះអញ្ចឹង ។
សូមបញ្ជាក់ដែរថា ពូជសុនខបែប បែលហ្ស៊ិក Belgian Malinois នេះ វាក៏សុនខមួយ ដែលជាប់ចំណាត់នៅក្នុងសត្វសុនខដែលកាច ដោយវាអាចមានសមត្ថភាពពិសេស អាចហក់ឡើងខ្ពស់ នៅពេលដែលចង់វាយប្រហារសត្រូវ ឬជនប្លែកមុខនោះ ។ តើបងប្អូនចង់ចិញ្ចឹមសុនខបែបនេះទេ? យល់យ៉ាងណាដែរ ដែលសុនខនេះ ចេះចាប់បាល់ទៀតនោះ?ដោយ៖លីហួ គីមឆាយ
ចែករំលែកព័តមាននេះ