៣ប្រទេស មកស្រាវជ្រាវក្នុង​ភូមិ​សាស្ត្រ​លង្វែក​នេះ…រកឃើញពិតជាអស្ចារ្យ


ខេត្តកំពង់ឆ្នាំង ៖ ​ក្រុម​អ្នក​ស្រាវជ្រាវ​៣​ប្រទេស គឺមាន​កម្ពុជា អា​ល្លឺ​ម៉​ង់ និង​ជប៉ុន បានមកធ្វើ​កំណាយ​ក្នុង​ភូមិ​សាស្ត្រ​លង្វែក ក៏រកក​ឃើញ​ភស្តុ​តាងជា​ច្រើន​បង្ហាញ​ថា «ខ្មែរ​យើង​នៅ​តំបន់​នោះ​តាំងពី​បុរេប្រវត្តិ​»​មកម្ល៉េះ ។​

លោកប្រាក់ សុ​ណ្ណ​រ៉ា រដ្ឋលេខាធិការ​ក្រសួង​វប្បធម៌ និង​វិចិត្រសិល្បៈ បាន​មាន​ប្រសាសន៍​ថា ក្នុង​នាម​លោក​ជំទាវរដ្ឋមន្ត្រីក្រសួង​វប្បធម៌​ និង​វិចិត្រសិល្បៈ យើង​រីករាយ​រាល់​កិច្ច សហការ ប្រតិ​បត្តិការជាមួយ​ដៃគូ​ទាំង​ជាតិ និង​អន្តរជាតិ ក្នុង​ការធ្វើ​កំណាយ​រុករកស្រាវជ្រាវ​ប្រវត្តិសាស្ត្រវប្បធម៌ និង​អរិយធ​ម៌​នៅ​ទី​នេះ​ ។ មាន​​ប្រសាសន៍​បែប​នេះ នៅ​ក្នុង​ឱកាស​ដែល​លោក ដឹកនាំ​ប្រតិភូ​អញ្ជើញ​ទៅ​ទស្សនាកំណាយ​ដី​ជា​ច្រើន​កន្លែង​នៅ​ក្នុងភូមិ​សាស្ត្រ ឃុំ​លង្វែក ស្រុក​កំពង់ត្រឡាច កាលពី​ព្រឹក​ថ្ងៃ​ទី២៨ ​កុម្ភៈ ។

​លោក​បន្តថា ​បន្ទាប់​ពី​យើង​បាន​​ចុះហត្ថលេខា​បន្ត​កិច្ចព្រមព្រាងរវាង​៣​ប្រទេស មាន​កម្ពុជា​ជា​ម្ចាស់ផ្ទះ ប្រទេស​អូស្ត្រាលី និងប្រទេស​ជប៉ុន កាលពី​ពេល​ថ្មី​ៗ​នេះ ថ្ងៃនេះយើង​ទាំងអស់​គ្នាក៏​បាន​មក​ពិនិត្យ​ទីតាំង​ផ្ទាល់នៅ​ទីតាំង​កំណាយ​នៅ​នេះតែម្តង​ ។ ការ​ស្រាវជ្រាវ​នៅ​ទី​នេះ ព្រោះ​យល់​ឃើញ​ថា តំបន់​លង្វែក​នេះ ជា​ទី​តាំង​មាន​ប្រវត្តិសាស្ត្រ​ដែល​មាន​សារៈសំខាន់​ខ្លាំង​ណាស់ នៅ​ក្នុង​សម័យ​ក្រោយ​អង្គរ សម័យ​កណ្ដាល ក្នុង​សតវត្ស​ទី​១៦ ​។

ថ្ងៃនេះ​យើង​ចង់​ដឹងថា តើ​ក្រោយ​ការ​ស្រាវជ្រាវ​នៅ​ទៅ​នេះ យើង​បាន​រក​ឃើញ​អ្វីខ្លះ ដែល​ពាក់​ព​័ន្ធ​ទៅ​នឹង​ប្រវត្តិសាស្ត្រ ស្លាកស្នាម​របស់​ជាតិ​យើង ។ នៅ​ទីកន្លែង​ដែល​យើង​កំពុង​តែ​ឈរ​នេះ ជា​កន្លែង​មាន​សារ​សំខាន់​​ខ្លាំងក្នុង​ការ​ស្រាវជ្រាវ ព្រោះ​តាម​ដឹង អ្នក​ស្រាវជ្រាវ​របស់​យើង បាន​រក​ឃើញ​នូវ​របស់​ជា​ច្រើន ដែល​ឆ្លុះ​បញ្ចាំង​ពី ប្រវត្តិសាស្ត្រ វប្បធម៌ អរិយ​ធ​ម៍​របស់​ជាតិ​យើង​។

លោក ខឿន វុ​ឌ្ឍី ប្រធាន​នាយកដ្ឋាន បុរាណវិទ្យា បាន​បកប្រែប្រសាសន៍​របស់លោកម៉ា​ទី​ន មក​ពីសាកល​វិទ្យាល័យ​មួយ​នៃ​ប្រទេស​អូស្ត្រាលីមាន​ខ្លឹមសារថា គោលបំណង​នៃ​ការ​ស្រាវជ្រាវនៅ​ទី​នេះ គឺ​ដើម្បី​ឆ្ពោះ​ទៅ​រកការ​ស្រាវជ្រាវ​វប្ប​ធ​ម៌ អរិយ​ធ​ម៍ ដែល​អ្នក​ស្រាវជ្រាវ​ទាំងឡាយ​គិតធា សម័យ​កណ្តាល​មាន​ភាព​
ង​ងិ​ត​ឈឹង ដូ​ច្ឆេះ​ចង់​បង្ហាញថា អរិយ​ធ​ម៌សម័យ​កណ្តាល ត្រូវ​គេ​កំពុង​ស្រាវជ្រាវ ។

មួយវិញទៀត​ការ​ស្រាវជ្រាវ នៅ​ខាងក្រៅ​កំពែង​លង្វែក បាន​រក​ឃើញ​ថា នៅ​ទី​នេះ​មានការ​ផ្លាស់​ប្ដូរ​ទំនិញ​ដែល​មាន​លក្ខណៈ​ជា​ប្រចាំ និង​ជា​រៀងរាល់ថ្ងៃ ។ នៅ​ទីតាំង​នេះ (​ទួល​បាយក្អែក​) បាន​រក​ឃើញ​ថា មាន​សេ​រ៉ា​មិច ដែល​គេ​បាន​ផ្លាស់​ប្ដូរ​គ្នា​នៅ​ទី​នេះ របៀប​ជា​ពាណិជ្ជកម្ម​ទិញ​ដូរ​គ្នា​នឹង​គ្នា ដោយ​មាន​កុលា​ល​ភា​ជ សម័យ​មុន​អង្គរ ក្រោយ​សម័យ​អង្គរ និង​សម័យ​កណ្តាល ប៉ុន្តែ​កុលាលភាជន៍ មុន​អង្គរ​និង​ក្រោយ​អង្គរ យើង​មិនបាច់​និយាយ​ទេ យើង​និយាយ​ត្រឹមតែ​កុលាលភាជន៍​សម័យ​កណ្តាល ដែល​ដឹក​មក​ពី​ប្រទេស​ថៃ ប្រទេស​ចិន និង និង​ប្រទេស​មួយ​ចំនួន​នៅ​ក្នុង​ភូមិភាគ​អាស៊ី​នេះ ។

ម្យ៉ាងវិញទៀត​ តាម​ការ​ស្រាវជ្រាវ​នេះ ឃើញ​មានការ​ស្នាក់​នៅ​របស់​មនុស្ស​នៅ​ទី​នេះ​មាន​តាំងពី សម័យ​បុរេប្រវត្តិ រហូត​ដល់​បច្ចុប្បន្ន មាន​ន័យ​ថាៈ​ការ​រស់នៅ​ទី​នេះ តាំងពី​មុន​ប្រវត្តិ សាស្ត្រ សម័យ​ប្រវត្តិសាស្ត្រ សម័យ​អង្គរ និង​សម័យ​ក្រោយ​អង្គរ​ដល់​បច្ចុប្បន្ន ។​ ចំពោះ​ការ​ស្រាវជ្រាវនេះ​សង្ឃឹមថា​​​ នឹង​បាន​ផល​ប្រយោជន៍​ជា​ច្រើន​ដល់​ប្រទេស​កម្ពុជា​។ សូម​បញ្ជា​ថា ក្នុង​ការ​ស្រាវជ្រាវរបស់​ជំនាញ​ខាងលើ បាន​រក​ឃើញនូវ​បំណែក​កុលា​ល​ភា​ជ​ជា​ច្រើន ក្នុង​នោះ​​​មាន​ឃើញ ពូថៅ ធ្វើ​ពី​ថ្ម​ផង​ដែរ ។

Facebook Google Twitter Email

Live

Sponsored News

ការស្ទង់មតិគេហទំព័រថ្មី




    សូម​អរគុណ