បើភ្នែកបើកប្រាកដមែន យើងនឹងឃើញនូវអ្វីៗដែលគួរមើល និងមិនគួរមើល សូម្បីត្រចៀកក៏ដូចគ្នា នឹងឮសម្តីណាគួរស្តាប់និងសម្តីណាដែលមិនគួរស្តាប់ជាក់ជាមិនខាន ។
ត្រង់នេះអ្នកប្រាជ្ញលោកមានបំណងចង់ឱ្យសត្វលោកពិចារណាថា ជីវិតឥតធម៌ គឺជាជីវិតពោរពេញទៅដោយគ្រឿងកង្វល់ដូច ខ្វល់នឹងរឿងដែលមិនទាន់កើត ខ្វល់នឹងរឿងកន្លងហួស ខ្វល់នឹងជីវិតត្រូវគេជិះជាន់ ខ្វល់នឹងរក្សាទ្រព្យ ខ្វល់នឹងការស្វែងរកទ្រព្យ ខ្វល់នឹងការបាត់បង់ទ្រព្យ គឺខ្វល់រហូតខូចចិត្តសម្លាប់ខ្លួន។
មនុស្សដែលមានទិដ្ឋិបែបនេះរមែងយល់ថា លោកនេះងងឹតណាស់ បើមិនបានរត់រកព្រះធម៌ជាទីពឹងទេ គេនឹងតក់ស្លុតព្រោះតែរឿងរ៉ាវក្នុងលោកនេះជាមិនខាន ។
ចំណែជីវិតមានធម៌វិញ ជាជីវិតផុតទុក្ខកង្វល់ ព្រោះយល់ថា លោកនេះគឺវាតែបែបហ្នឹង ។ ធម៌តែងបង្រៀនមនុស្សឱ្យរៀនរស់ជាមួយនឹងការបាននិងការបាត់បង់ រៀនរស់ជាមួយបញ្ហា ធ្វើឲ្យត្រជាក់ក្សេមក្សាន្តមិនក្រហល់ក្រហាយជាមួយនឹងការរស់នៅ ព្រោះមានបញ្ញាឃើញសត្វលោកប្រព្រឹត្តទៅតាមកម្មរៀងៗខ្លួន សត្វណាធ្វើល្អក៏បានសុខ ឯសត្វធ្វើអាក្រក់នឹងនាំទុក្ខទោសដល់ខ្លួនគួរឲ្យសង្វេគណាស់ ។
ចែករំលែកព័តមាននេះ