ខុសពីអ្វីដែលគេធ្លាប់និយាយថា ការថែរក្សាផ្នែកខាងក្នុងរថយន្តមានភាពពិបាកស្មុគស្មាញ តាមការពិតទៅវាមិនបែបនោះទេ ។ អ្វីដែលអ្នកត្រូវការគឺគ្រាន់តែស្រោមដៃពាក់ពេលសម្អាតមួយគូ ផលិតផលសម្អាតខ្លះៗ ម៉ាស៊ីនបូមធូលី និង ចិត្តមុះមុតក្នុងការសម្អាត ជាការស្រេច…
ខុសពីអ្វីដែលគេធ្លាប់និយាយថា ការថែរក្សាផ្នែកខាងក្នុងរថយន្តមានភាពពិបាកស្មុគស្មាញ តាមការពិតទៅវាមិនបែបនោះទេ ។ អ្វីដែលអ្នកត្រូវការគឺគ្រាន់តែស្រោមដៃពាក់ពេលសម្អាតមួយគូ ផលិតផលសម្អាតខ្លះៗ ម៉ាស៊ីនបូមធូលី និង ចិត្តមុះមុតក្នុងការសម្អាត ជាការស្រេច ។
ការសម្អាតតែម្យ៉ាងគឺមិនគ្រប់គ្រាន់នោះទេ ព្រោះថាអ្នកនឹងមិនអាចសម្អាតស្នាមប្រឡាក់មួយចំនួនលើស្បែកពូក ឬ ក្រណាត់កាមីញៃលើពូករថយន្តបានទេ ។ វិធីដោះស្រាយល្អ គឺត្រូវដាក់ស្រោមពូករថយន្ត ។
វាមិនត្រឹមតែការពារមិនឱ្យមានអ្វីមកប្រឡាក់ស្រោមហ្ស៊ីននោះទេ វាថែមទាំងការពារពីកំហូចដោយកម្តៅថ្ងៃ និង ការសឹករិចរិលថែមទៀតផង។ ខាងក្រោមនេះ គឺជាផលប្រយោជន៍ ៣យ៉ាងបានមកពីការដាក់ស្រោមពូករថយន្ត។
វាជួយធ្វើឱ្យការសម្អាតផ្នែកខាងក្នុងរថយន្តរបស់លោកអ្នកកាន់តែមានភាពងាយស្រួល។ ទោះបីជាអ្នកជាមនុស្សមានការប្រុងប្រយ័ត្នខ្ពស់ក៏ដោយ ក៏ពេលខ្លះមិនអាចជៀសផុតពីការកំពប់ទឹក ឬ ជ្រុះអាហារប្រឡាក់ពូករថយន្តដែរ ។
ស្នាមប្រឡាក់ទាំងនោះមិនងាយជូតសម្អាតចេញទេ ប្រសិនបើប្រឡាក់ទៅលើស្រោមពូកមកពីរោងចក្រដើមនោះ។ តែប្រសិនវាជាស្រោមពូកយើងទិញដាក់ក្រៅ គឺវាជូតចេញបានស្អាត និង មានការងាយស្រួល។ បើសិនជាជូតមិនចេញសោះ យើងអាចគ្រាន់តែប្តូរវាចេញជាការស្រេច។
ភាពធន់និងងាយស្រួលជូតសម្អាតជាចំណុចខ្លាំងរបស់វា។ ស្រោមពូកដែលយើងទិញមកដាក់ខាងក្រៅ គឺហាក់បីដូចជាអាវក្រោះមួយជាន់នៅពីលើស្រោមខាងក្នុងអ៊ីចឹង។ ជាឧទាហរណស្រាប់ ស្រោមពូកដែលមានលក្ខណៈស្បែក គឺផ្តល់ភាពងាយស្រួលដល់ការជូតសម្អាត មិនដូចជាស្រោមសាច់ក្រណាត់នោះទេ។
ម្យ៉ាងវិញទៀត វាធ្វើឱ្យស្រោមពូកខាងក្នុងរបស់រថយន្តអាចប្រើប្រាស់បានយូរ និង នៅថ្មីរហូត។ វាអាចផ្តល់ផាសុកភាពមួយកម្រិតទៀត។ ស្រោមពូករថយន្តដែលគេដាក់តាមក្រោយ គឺមានការរចនាម៉ូដផ្សេងៗគ្នា ។
យើងអាចមានជម្រើស ក្នុងការជ្រើសរើសយកមួយណាដែលត្រូវនឹងចិត្ត ដើម្បីឱ្យយើងអង្គុយទៅស្រួលខ្លួន។ ចំពោះស្រោមពូកមកពីរោងចក្ររថយន្តស្រាប់ អាចនឹងមានភាពសាមញ្ញពេក ដែលយើងមិនអាចកែកុនបានដូចស្រោមទិញដាក់ថែម។
ដូច្នេះប្រសិនបើអ្នកចង់ជៀសវាងការអស់លុយច្រើន និង ពេលវេលាក្នុងការលាងសម្អាតផ្នែកខាងក្នុងរបស់រថយន្ត អ្នកអាចទិញស្រោមពូកដាក់ពីក្រៅបាន។ វាមិនត្រឹមតែងាយស្រួលក្នុងការជូតសម្អាត និង ការពារស្រោមពូកហ្ស៊ីនទេ វាថែមទៀតផ្តល់ផាសុកភាពមួយកម្រិតទៀតផងដែរ ៕
ចែករំលែកព័តមាននេះ