ជន្លេនក្រហមគឺសត្វម្យ៉ាងជាធនធានសំខាន់មួយប្រភេទសម្រាប់កសិករ ព្រោះវាជាសត្វអត់ឆ្អឹង ងាយស្រួលចិញ្ចឹម សំបូរទៅដោយប្រូតេអីុខ្ពស់អាចយកធ្វើជាចំណីយ៉ាងល្អក្នុងការចិញ្ចឹមមាន់ ទា ត្រី ជ្រូក និងកង្កែបជាដើម ថែមទាំងលាមករបស់វាមានប្រយោជន៍ចំពោះការដាំដុះទៀតផង ។ អ្នកដឹងទេ តើជន្លេនក្រហមគេចិញ្ចឹមតាមវិធីណាខ្លះ? ធ្វើដូចម្តេច? តាមពិតវិធីចិញ្ចឹមជន្លេនមាន២ជម្រើសដែលអាចជ្រើសរើសបាន នេះបើយោងតាមគេហទំព័រក្រសួងកសិកម្ម រុក្ខាប្រមាញ់ និងនេសាទ ៖
វិធីទី១ ៖ យើងត្រូវរកដីខ្ពស់ល្មម មិនលិចទឹក មិនក្តៅស្ងួតខ្លាំង ដីមានម្លប់ត្រជាក់ និងខ្យល់ចេញចូលបានល្អ ហើយត្រូវរៀបចំរណ្តៅមួយសមល្មម ដោយបណ្តោយ២ម៉ែត្រ ទទឹង១ម៉ែង និងជម្រៅ០,៣ម៉ែត្រ ។ ហើយត្រូវយកដីលាយលាមកគោ ចំប៉ើងពាសជុំវិញរណ្តៅកម្ពស់៣ទៅ៤តឹកពីបាតរណ្ដៅ ដែលមានទំហំ២ម៉ែត្រគុណ២ម៉ែត្រ ឬអាចប្រើថង់ប្លាស្ទិកក្រាលក៏បានត្រូវហាលរណ្តៅនោះក្រោមកម្តៅថ្ងៃ៣ទៅ៤ថ្ងៃមុនចាប់ផ្តើមដាក់ពូជទន្លេចូល ។ ចំណែកក្នុងការដាក់ពូជជន្លេនត្រូវលាយលាមកគោ១៥ទៅ២០គីឡូជាមួយកំប្ល៉ោក១៥ទៅ២០គីឡូចូលក្នុងរណ្តៅរួចទើបដាក់លាមកដែលមានជន្លេកកន្លះគីឡូនៅចំកណ្តាលល្បាយនោះ។
វិធីទី២ ៖ គឺចិញ្ចឹមក្នុងកញ្ច្រែង បង្គី ពាងបែក ឬលូបែក យើងចិញ្ចឹមធ្វើម៉េចកុំឱ្យលិចទឹក ព្រោះលិចទឹកជន្លេននៅអត់បានទេ យើងត្រូវការកំប្ល៉ោង១០គីឡូមកចិញ្ច្រាំកំប្ល៉ោងឱ្យខ្លីៗច្របល់ជាមួយលាមកគោ ហើយយកជន្លេន១ខាំមកបំបែកវាជា៣ ឬជា៤ក៏បានតាមកន្លែងផ្សេងៗក្នុងលាមកគោហ្នឹង រួចបើករន្ធតូចកាយកប់វាចូលក្នុងលាមក ហើយយើងត្រូវស្រោចទឹក៣ទៅ៤ថ្ងៃម្តង ជាពិសេសរដូវក្តៅកុំឱ្យត្រូវថ្ងៃ ឬត្រូវទឹកភ្លៀងដែលវាចូលទៅដកក្នុងហ្នឹង គឺជន្លេនវារចេញ ឬងាប់អស់ ។
ហើយក្នុងរយៈពេលតែ៤៥ថ្ងៃ ឬ៥០ថ្ងៃ គឺយើងអាចប្រមូលផលបានហើយ គ្រាន់តែក្រាលប្លាស្ទិកលើដីក្រោមកំដៅថ្ងៃ ចាក់ល្បាយលាមកគោ និងជន្លេនដែលកើបចេញពីរណ្តៅរាយលើផ្ទៃកំរាលប្លាស្ទិកឱ្យស្តើងទុកវាក្រោមកំដៅថ្ងៃតែ៥នាទី រួចកាយមមោកនៅផ្នែកខាងលើចេញ បន្ទាប់មកប្រមូលជន្លេនដែលពូនជាគំនរនៅផ្នែកខាងក្រោមនោះជាស្រេច៕
ចែករំលែកព័តមាននេះ