រាជធានីភ្នំពេញ ៖ ពិតជាគួរឱ្យសោកស្តាយខ្លាំងណាស់ ដែលលោកថាន់ ឡេង ចៅក្រមសាលាដំបូងរាជធានីភ្នំពេញ និងសាលាឧទ្ធរណ៍បានចេញដីកា និងសាលដីកាសម្រេចសលើកលែងបទចោទលើជនជាប់ចោទ ដែលលោកអ៊ុក សាវុធ…
រាជធានីភ្នំពេញ ៖ ពិតជាគួរឱ្យសោកស្តាយខ្លាំងណាស់ ដែលលោកថាន់ ឡេង ចៅក្រមសាលាដំបូងរាជធានីភ្នំពេញ និងសាលាឧទ្ធរណ៍បានចេញដីកា និងសាលដីកាសម្រេចសលើកលែងបទចោទលើជនជាប់ចោទ ដែលលោកអ៊ុក សាវុធ អគ្គមហាអយ្យការនៃសាលាឧទ្ធរណ៍ បានចេញអធិបញ្ជាឲ្យចោទប្រកាន់លើជនជាប់ចោទដល់ទៅ២ដងរួចទៅហើយ តែបែរជាលោកចៅក្រម ថាន់ ឡេង នៅតែប្រកាន់ជំហរលើកលែងបទចោទលើជនជាប់ចោទឈ្មោះង៉ែត សំណាង ហៅសី សុន បានប្រព្រឹត្តបទល្មើសក្លែងឯកសារសៀវ ភៅស្នាក់នៅ ក្នុងបំណងមិនចែកទ្រព្យសម្បត្តិដល់អតីតប្រពន្ធដែលឯកសារនេះ នគរបាលប៉ុស្តិ៍រដ្ឋបាលផ្សារដើមថ្កូវបញ្ជាក់ថា មិនមាននៅក្នុងគល់បញ្ជីឡើយ ។ នេះបើយោងតាមរបាការណ៍របស់នគរបាលនាយកដ្ឋានព្រហ្មទណ្ឌក្រសួងមហាផ្ទៃ ដែលបានកសាងសំណុំបញ្ជូនទៅតំណាងអយ្យការអមសាលាដំបូងរាជធានីភ្នំពេញ ។
សូមរំលឹកថា កន្លងមកអតីតប្តីប្រពន្ធរវាងលោកង៉ែត សំណាង ហៅសី សុន និងលោកស្រីអីុវ ស្រឺុ មានទីលំនៅផ្ទះលេខ៩៣ ផ្លូវលេខ៤៣២ សង្កាត់ផ្សារដើមថ្កូវ ខណ្ឌចំការមន បានរស់នៅជាមួយគ្មាជាប្តីប្រពន្ធហើយបានបង្កើតទ្រព្យរួមចូលគ្នា រួមមានដី និងផ្ទះឡូត៍លេខ៤៨ និងដីឡូតិ៍លេខ៩៣ ស្ថិតនៅតាមបណ្តោយផ្លូវលេខ៤៣២ ក្នុងភូមិ៣សង្កាត់ផ្សារដើមថ្កូវ ខណ្ឌចំការមន ទល់មុខគ្នា ដោយមានការបញ្ជាក់ដឹងឮពីលោកមេភូមិ លោកចៅសង្កាត់ និងលោកអភិបាលខណ្ឌចំការមន តាមបែបបទរដ្ឋបាលគ្រប់គ្រងរបស់អាជ្ញាធរមូលដ្ឋានយ៉ាងច្បាស់លាស់បំផុត ។
ប៉ុន្តែក្រោយមកភាគីប្តីប្រពន្ធនេះ រស់នៅមិនចុះសម្រុងជាមួយគ្នា ក៏បានប្តឹងលេងលះគ្ នានិងប្តឹងសុំធ្វើ
ការបែងចែកទ្រព្យសម្បត្តិរួមជាពីរចំណែកស្មើៗគ្នានៅតុលាការសាលាដំបូងរាជធានីភ្នំពេញ ។ ហើយក្នុងអំឡុងពេលនោះ ក៏ត្រូវបានតុលាការសាលាដំបូងរាជធានីភ្នំពេញ សម្រេចសេចក្តីប្រកាសសាលក្រមបែងចែកទ្រព្យសម្បត្តិរួមរបស់អតីតប្តីប្រពន្ធទាំងពីរនាក់ ជាពីរចំណែកស្មើៗគ្នា ។ ប៉ុន្តែពេលនោះ ឈ្មោះង៉ែត សំណាងមិនព្រម ក៏ប្តឹងឧទ្ធរណ៍លើសាលក្រមរបស់សាលាដំបូងរាជធានីភ្នំពេញ ។
ពេលនោះហើយដែលឈ្មោះង៉ែត សំណាង បានទៅបង្កើតឯកសារសៀភៅស្នាក់នៅថ្មីមួយផ្សេងទៀត ដាក់ឈ្មោះសមាជិកគ្រួសារ ដោយយកឈ្មោះខ្មោចម្នាក់ឈ្មោះមាស ស្រីវីន មកធ្វើជាប្រពន្ធជំនួសឈ្មោះអីុវ ស្រឺុតែធាតុពិតមកដល់ពេលនេះគ្មានអត្តសញ្ញាណពិតប្រាកដរបស់បុគ្គលឈ្មោះមាស ស្រីវីនឡើយ ទោះជាស្លាប់ឬ ក៏នៅរស់ក៍ដោយមនុស្សគ្រប់រូបត្រូវតែមានប្រវត្តិនៃការរស់នៅច្បាស់លាស់បំផុតដូចជាសំបុត្រកំណើតនិងអត្តសញ្ញាណបណ្ណជាដើម។ ហើយបើបុគ្គលនេះស្លាប់ ក៏ត្រូវមានលិខិតបញ្ជាក់មរមភាពដែរ ។
ផ្តើមចេញពីបញ្ហានេះហើយ ទើបឈ្មោះអីុវ ស្រុឺ បានដាក់ពាក្យបណ្តឹងទៅនាយកដ្ឋាននគរបានព្រហ្មទណ្ឌក្រសួងមហាផ្ទៃឲ្យបើកប្រតិបត្តិការស្រាវជ្រាវសារបានរបស់ឈ្មោះមាស ស្រីវីន ដែលឈ្មោះង៉េត សំណាងយកមកចុះឈ្មោះដាក់ចូលជាសមាជិកគ្រួសារ ក្នុងសៀវភៅស្នាក់នៅ ហើយដាក់ជាភស្តុតាងចូលក្នុងសំណុំរឿងរបស់សាលាឧទ្ធរណ៍ ក៏ត្រូវបានមេធាវីរបស់ឈ្មោះអុីវ ស្រឺុ ថតចម្លងបានហើយប្រាប់កូនក្តីរបស់ខ្លួនឲ្យប្តឹងសមត្ថកិច្ចជួយរកយុត្តិធម៌ឱ្យ ។
ឆ្លងតាមរឿងរ៉ាវខាងលើនេះ កម្លាំងនគរបាលនាយកដ្ឋានព្រហ្មទណ្ឌបើកការស្រាវជ្រាវ ហើយសន្មត់ថាឯកសារសៀវភៅស្នាក់នៅដែលឈ្មោះង៉េត សំណាងប្រើប្រាស់ជាសំអាងហេតុថា មានឈ្មោះមាស ស្រីវីនជាប្រពន្ធនោះ គឺមានតម្រុយក្នុងអំពើក្លែងឯកសារពិតប្រាកដមែន ដោយហេតុថា មិនមានវត្តមានឈ្មោះមាស ស្រីវីន មកបំភ្លឺ និងបង្ហាញខ្លួនឲ្យសមត្ថកិច្ចបានស្គាល់ច្បាស់ឡើយ ហើយសត្ថកិច្ច ក៏បានកសាងសំណុំរឿងបញ្ជូនទៅតុលាការក្រុងភ្នំពេញ ។
ដោយមានតឹកតាងបែបនេះនៅដំណាក់កាលតំណាងអយ្យការគឺលោកព្រះរាជអាជ្ញារងម្នាក់បានសម្រេចធ្វើការចោទប្រកាន់ឈ្មោះង៉េត សំណាងពីបទក្លែងឯកសារសាធារណះប្រព្រិត្តិនៅរាជធានីភ្នំពេញតាមអធិបញ្ជាររបស់លោកអ៊ុក សាវុធអគ្គមហាអយ្យការអមសាលាឧទ្ធរណ៍ ។ ប៉ុន្តែនៅតំណាក់កាលចៅក្រមសើុបសួរសាលាដំបូងរាជធានីភ្នំពេញត្រូវបានលោកថាន់ ឡេងចៅក្រមសុើបសួរសម្រេចលើកលេងបទចោទលើឈ្មោះង៉េត សំណាងចោលទាំងស្រុងដោយមិនបានពិចារណាលើវត្តមានឈ្មោះមាស ស្រីវីននោះថាពិតជាសមាជិកក្នុងសៀវភៅស្នាក់នៅដែលឈ្មោះង៉ែត សំណាងបានបង្កើតឡើងថាជាប្រពន្ធនោះពិតជាត្រឹមត្រូវហើយមានអត្តសញ្ញាណច្បាស់លាស់ឡើយ ។
ដោយសារភាគីឈ្មោះអុីវ ស្រឺុយល់ឃើញថាការលើកលែងបទចោទលើឈ្មោះង៉ែត សំណាង ទើបឈ្មោះអុីវ ស្រឺុបានពឹងពាក់មេធាវីដាក់ពាក្យប្តឹងឧទ្ធរណ៍លើដីការសម្រេចរបស់លោកចៅក្រមថាន់ ឡេងតែត្រូវបានសាលាឧទ្ធរណ៍សម្រេចតម្កល់ដីកាលើកលេែងចោទរបស់តលាការសាលាដំបូងរាជធានីភ្នំពេញទុកជាបានការដដែល។ពេលនោះស្ត្រីឈ្មោះអីុវ ស្រឺុក៍បានប្តឹងសារទុកលើសាលដីការរបស់សាលាឧទ្ធរណ៍ទៅតុលាការកំពូល។ ហើយសំណុំរឿងនេះត្រូវបានតុលាការកំពូលបើកសវនាការកាលពីថ្ងៃទី២៣ខែមករាឆ្នាំ២០១៩ហើយគ្រោងនិងប្រកាសជាសារធារណះនៅថ្ងៃទី៣១ខែឆ្នាំដដែលនេះ ។
អ្វីជាក្តីសង្ឃឹមរបស់ឈ្មោះអីុវ ស្រុឺ នោះគឺរូបនាងមានជំនឿរជឿរជាក់ថាលោកឌិត មុន្ទីប្រធានតុលាការកំពូលប្រាកដជាជួយផ្តល់ភាពយុត្តិធម៌ជូនរូបគាត់ជាស្ត្រីមេម៉ាយ មានចិញ្ចឹមកូនប្រុសស្រី៤នាក់ សុទ្ធសឹង
ជាក្រុមយុវជនរបស់សហភាពសហព័ន្ធយុវជនកម្ពុជាដែលមានលោកហ៊ុន ម៉ានីកូនប្រុសសម្តេចតេជា ហ៊ុន សែន និងសម្តេចកិត្តិព្រិទ្ធបណ្ឌិតប៊ុន រ៉ានី ជាប្រធាន ។
ហើយម្យ៉ាងទៀត ស្ត្រីឈ្មោះអីុវ ស្រុឺ ក៏បានសម្តែងការថ្លែងអំណរគុណលើលោករដ្ឋមន្ត្រីក្រសួងយុត្តិធម៌ដែលធ្លាប់បានផ្តល់ភាពយុត្តិធម៌ដល់រូបគាត់ លើសំណុំរឿងមួយនេះតាមរយៈលិខិតសុំអន្តរាគមន៍របស់គាត់ទៅលោករដ្ឋមន្ត្រី ។ សរុបសេចក្តីទៅរឿងរ៉ាវខាងលើនេះ លោកស្រីអីុវ ស្រឺុ សង្ឃឹមថា តុលាការកំពូលដែលជាតុលាការជាន់ខ្ពស់នៃព្រះរាជាណាចក្រកម្ពុជា នឹងផ្តល់យុត្តិធម៌ជូនរូបគាត់ ដោយបង្វិលសំណុំរឿងខាងលើនេះ ទៅសាលាឧទ្ធរណ៍ដើម្បីធ្វើការជនុំជម្រះសារថ្មីម្តងទៀតស្របតាមនីតិវិធី់ ៕
ចែករំលែកព័តមាននេះ