ខេត្តរតនគីរី ៖ ខ្យល់កន្ទ្រាក់បណ្ដាលអោយប៉ើងរបូលផ្ទះប្រជាពលរដ្ឋអស់មួយខ្នង ដែលហេតុការណ៏នេះបានកើតឡើងកាលពីវេលាម៉ោង១២និង៣០នាទីថ្ងៃត្រង់ថ្ងៃទី២៧ មករា ឆ្នាំ២០១៩ ស្ថិតនៅភូមិប៉ក់ពោធិ៍ ឃុំប៉ក់ញ៉ៃ ស្រុកអូយ៉ាដាវ ។
ក្នុងការណីរខាងលើនេះត្រូវបានសមត្ថកិច្ចប៉ូលិសស្រុកបានអោយដឹងថា ផ្ទះខាងលើមានទំហំ៨ម៉ែត្រគុណនឹង១២ម៉ែត្រ ជញ្ជាំងបាំងក្ដារ ដំបូលប្រក់សង្ក័សី ជាផ្ទះរបស់ឈ្មោះសល់ វ៉ាង ភេទប្រុស អាយុ៣៤ឆ្នាំ ជាជនជាតិដើមភាគតិចច្រាយ ។
សមត្ថកិច្ចបានបញ្ជាក់បន្តទៀតថា បើតាមការរៀបរាប់ពីបុរសជាម្ចាស់ផ្ទះថា នៅមុនពេលកើតហេតុ ផ្ទៃមេឃមានពណ៌ស្រអាប់ខ្មៅៗ អត់មានភ្លៀងទេ គ្រាន់តែមានខ្យល់ព្យុះយ៉ាងខ្លាំងបោកបក់ចំផ្ទះរបស់គាត់ បណ្ដាលអោយគួចប៉ើងដំបូលផ្ទះអស់ទាំងស្រុងតែម្ដង ។
គាត់បានបន្តទៀតថា នៅពេលមានខ្យល់ព្យុះ គាត់បាននាំកូន និងប្រពន្ធរត់ចេញពីក្នុងផ្ទះអស់ គ្មាននរណាម្នាក់រងរបួសនោះទេ ។ បច្ចុប្បន្នសមត្ថកិច្ចកំពុងធ្វើរបាយការណ៍បញ្ជូនអោយកាកបាទក្រហមខេត្តជួយសំរួលធ្វើផ្ទះដែលប្រជាពលរដ្ឋរងគ្រោះដោយធម្មជាតិ ៕
ចែករំលែកព័តមាននេះ