រាជធានីភ្នំពេញ ៖ សេចក្តីរាយការណ៍បន្តឱ្យដឹងថា នៅទីបំផុត ស្ត្រីជាម្តាយក្មេងប្រុស៤ឆ្នាំរពិសខ្លាំង ហើយត្រូវឪពុកមាធំ រើហិង្សាវាយនិងធ្វើទារុណរហូតរបួសធ្ងន់នោះ បានត្រឡប់ពីខេត្តព្រះសីហនុហើយ និងកំពុងបង្ហាញមុខនៅអធិការដ្ឋាននគរបាលខណ្ឌសែនសុខ នាព្រឹកថ្ងៃទី២៣…
រាជធានីភ្នំពេញ ៖ សេចក្តីរាយការណ៍បន្តឱ្យដឹងថា នៅទីបំផុត ស្ត្រីជាម្តាយក្មេងប្រុស៤ឆ្នាំរពិសខ្លាំង ហើយត្រូវឪពុកមាធំ រើហិង្សាវាយនិងធ្វើទារុណរហូតរបួសធ្ងន់នោះ បានត្រឡប់ពីខេត្តព្រះសីហនុហើយ និងកំពុងបង្ហាញមុខនៅអធិការដ្ឋាននគរបាលខណ្ឌសែនសុខ នាព្រឹកថ្ងៃទី២៣ មករា នេះ ហើយគាត់ក៏កំពុងមានវិប្បដិសារីជាខ្លាំង ដោយបន្ទោសខ្លួនឯងថា ខ្លួននាងជាអ្នកធ្វើឱ្យបងប្រុស (ជនប្រើហិង្សាលើក្មួយ) មានទោស ដោយសារតែខ្លួនបានកូនប្រុស-ស្រីទាំង២មកផ្ញើ ។
ស្ត្រីជាម្តាយរូបនេះ បានរៀបរាប់ទៀតថា ដោយសារតែជីវភាពក្រីក្រ ទើបតម្រូវឱ្យនាងត្រូវត្រូវចាកចេញ មិនបានមើលថែកូនៗ ដោយត្រូវឃ្លាតទៅរកប្រាក់ចិញ្ចឹមជីវិតនៅឯខេត្តព្រះសីហនុ ។ ហើយនាងក៏បានយកទៅផ្ញើឱ្យប្រុសជួយថែរក្សានៅក្នុងផ្ទះកើតហេតុនោះ ។ ក៏ប៉ុន្តែកូនប្រុស-ស្រីទាំង២ អត់ព្រមស្តាប់ដំបូន្មាន ដោយកូនស្រីចេះតែចង់ដើរលេងផ្តេសផ្តាស រីឯកូនប្រុសនៅតូចក៏រពិស ទើបធ្វើឱ្យបងប្រុសនាងវាយដំកូនៗនាងបែបនេះទៅ ។ នាងមិនដាក់ពាក្យបណ្តឹងប្តឹងទៅលើបងប្រុសនាងនោះទេ ។
ប៉ុន្តែ ទោះបីជាយ៉ាងណា ខាងសមត្ថកិច្ចនឹងកសាងសំណុំរឿងនេះបញ្ជូនទៅតុលាការដដែល បើទោះបីម្តាយមិនដាក់ពាក្យបណ្តឹងក្តី ។
គួរបញ្ជាក់ថា ជនដៃដល់ជាឪពុមាធំ ឈ្មោះប៉ែន ចាន់ត្រា អាយុ៣៤ឆ្នាំ ជាអ្នករត់ម៉ូតូកង់បី ស្នាក់នៅផ្ទះសង់ថ្មីផ្លូវរថភ្លើងភូមិដីថ្មី សង្កាត់គោកឃ្លាង ខណ្ឌសែនសុខ ។ ចំណែកក្មេងប្រុសរងគ្រោះ ឈ្មោះហ៊េល ទេវា អាយុ៤ឆ្នាំ កំពុងព្យាបាលនៅមន្ទីរគន្ធបុប្ផា មានម្តាយឈ្មោះប៉ែន ចិន្តាពេជ្រ អាយុជាង៣០ឆ្នាំ ជាអ្នកបម្រើការហាងខារ៉ាអូខេ ។ ឪពុកមាធំត្រូវបានសមត្ថកិច្ចឃាត់ខ្លួនកាលពីថ្ងៃទី២២ មករា ក្រោយពីប្រើហិង្សាវាយនិងធ្វើទារុណកម្មលើក្មួយប្រុស៤ឆ្នាំរួចមក ។
ព័ត៌មានាបន្ថែមនឹងមានផ្សាយជូនបន្ត ។
ចែករំលែកព័តមាននេះ