រាជធានីភ្នំពេញ ៖ យុវជនម្នាក់ចូលទៅលេងហ្គេមអ៊ីនធើណេតរយៈពេលជាងមួយម៉ោង ចេញមកវិញគេច្រឡំយកម៉ូតូបាត់ មិនឃើញយកមកវិញ ម្ចាស់ហ្គេមអោយយកម៉ូតូមួយគ្រឿងទៀតដោយដឹងថា ជាម៉ូតូអ្នកដែលច្រឡំយកទៅបាត់ លុះពេលយកម៉ូតូទៅប្តឹងសមត្ថកិច្ចបង្កឲ្យមានការភ្ញាក់ផ្អើលកាលពីវេលាម៉ោង៨យប់ថ្ងៃទី២១ ខែមករា ឆ្នាំ២០១៨…
រាជធានីភ្នំពេញ ៖ យុវជនម្នាក់ចូលទៅលេងហ្គេមអ៊ីនធើណេតរយៈពេលជាងមួយម៉ោង ចេញមកវិញគេច្រឡំយកម៉ូតូបាត់ មិនឃើញយកមកវិញ ម្ចាស់ហ្គេមអោយយកម៉ូតូមួយគ្រឿងទៀតដោយដឹងថា ជាម៉ូតូអ្នកដែលច្រឡំយកទៅបាត់ លុះពេលយកម៉ូតូទៅប្តឹងសមត្ថកិច្ចបង្កឲ្យមានការភ្ញាក់ផ្អើលកាលពីវេលាម៉ោង៨យប់ថ្ងៃទី២១ ខែមករា ឆ្នាំ២០១៨ នៅភូមិអូដឹម សង្កាត់ចោមចៅទី៣ ខណ្ឌពោធិ៍សែនជ័យ ។
ម៉ូតូដែលច្រឡំទុកនៅផ្ទះហ្គេមម៉ាកហុងដាឌ្រីម ស៊េរីឆ្នាំ២០១៤ ពណ៌ខ្មៅ ពាក់ផ្លាកលេខ ព្រៃវែង 1A-5155 ។ ចំណែកយុវជនដែលវក់នឹងហ្គេមឈ្មោះ កែវ រដ្ឋា ភេទប្រុស អាយុ២៦ឆ្នាំ មុខរបរសន្តិសុខ ស្នាក់នៅភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ ។
តាមប្រភពព័ត៌មានពីយុវជនខាងលើបាននិយាយប្រាប់ថា នៅមុនពេលកើតហេតុរូបគាត់បានចូលទៅលេងហ្គេមដោយជិះម៉ូតូម៉ាកហុងដាឌ្រីម ស៊េរីឆ្នាំ២០០៦ ពណ៌ខ្មៅ មិនបានប្រាប់ផ្លាកលេខ ហើយបានយកទៅទុកក្នុងផ្ទះដែលបើកហ្គេមខាងលើ ហើយបានចូលទៅលេងហ្គេមប្រមាណជាងមួយម៉ោងតាំងពីម៉ោង៧ព្រឹករហូតដល់ម៉ោងជាង៨ព្រឹក បានត្រឡប់មកផ្ទះវិញ ។
ស្រាប់តែរកម៉ូតូរបស់ខ្លួនដែលទុកក្នុងផ្ទះហ្គេមខាងលើមិនឃើញបានទាក់ទងទៅម្ចាស់ផ្ទះហ្គេមខាងលើទើបបានដឹងថា ម៉ូតូរបស់គាត់ត្រូវបានគេច្រឡំយកទៅបាត់ ហើយម្ចាស់ផ្ទះហ្គេមខាងលើអោយយុវជនខាងលើយកម៉ូតូមួយគ្រឿងទៀតដោយដឹងថា គេច្រឡំយកទៅជិះសិនទៅនៅពេលអ្នកច្រឡំយកមកវិញទើបម្ចាស់ហ្គេមទាក់ទងយកមកដូរវិញផងដែរ ។
ប្រភពព័ត៌មានពីបុរសដែលគេច្រឡំម៉ូតូខាងលើបានបញ្ជាក់ថា ខណៈដែលម្ចាស់ផ្ទះហ្គេមបានអោយយកម៉ូតូដែលគេច្រឡំជិះ លុះពេលដឹងដល់បងប្អូន និងម្តាយក៏មានការភ័យបារម្ភខ្លាចម៉ូតូខាងលើជាប់ពាក់ព័ន្ធករណីសង្ស័យផ្សេងបាននាំគ្នាយកម៉ូតូខាងលើទៅប្តឹងសមត្ថកិច្ច និងដាក់ពាក្យបណ្ដឹងរក្សាទុកភ្លាមៗផងដែរ ។
ក្រោយពេលកើតហេតុសមត្ថកិច្ចនគរបាលប៉ុស្តិ៍ចោមចៅទី៣បានទទួលពាក្យបណ្តឹងរក្សាទុកហើយណែនាំយុវជនខាងលើថា បើគេយកម៉ូតូមកដូរវិញ សូមប្រញាប់មកប៉ុស្តិ៍នគរបាលរដ្ឋខាងលើដើម្បីអោយសមត្ថកិច្ចទទួលដឹងឮផងដែរ ៕
ចែករំលែកព័តមាននេះ