មានមនុស្សមិនតិចទេគិតថា អ្នករកស៊ីឆាប់មានជាងអ្នកធ្វើការ ។ ពួកគេនិយាយបែបនេះ ដោយសារឃើញអ្នកមានជាច្រើនសុទ្ធតែជាអ្នករកស៊ីធំៗ ។ ប្រសិនបើលោកអ្នកចង់ក្លាយទៅជាអ្នករកស៊ី អ្នកអាចអានចំណុចទាំង៥ខាងក្រោមដើម្បីបានជាប្រយោជន៍គំនិតសម្រាប់ត្រៀមខ្លួនរួចរាល់នូវអ្វីដែលអ្នកចង់ធ្វើ ។ ១-បើគ្រាន់តែគ្រោង…
មានមនុស្សមិនតិចទេគិតថា អ្នករកស៊ីឆាប់មានជាងអ្នកធ្វើការ ។ ពួកគេនិយាយបែបនេះ ដោយសារឃើញអ្នកមានជាច្រើនសុទ្ធតែជាអ្នករកស៊ីធំៗ ។ ប្រសិនបើលោកអ្នកចង់ក្លាយទៅជាអ្នករកស៊ី អ្នកអាចអានចំណុចទាំង៥ខាងក្រោមដើម្បីបានជាប្រយោជន៍គំនិតសម្រាប់ត្រៀមខ្លួនរួចរាល់នូវអ្វីដែលអ្នកចង់ធ្វើ ។
១-បើគ្រាន់តែគ្រោង គឺគ្មានតម្លៃទេ
«គ្មាននរណាម្នាក់ខ្វល់ពីអ្វី ដែលអ្នកនឹងធ្វើនោះទេ លុះត្រាណាតែអ្នកធ្វើវា»។ មិនបាច់ទៅមើលនៅណាច្រើនទេ ! អ្នកអាចប្រហែលជាធ្លាប់លឺមិត្តភក្តិរបស់អ្នកនិយាយថា ចង់រកស៊ីនេះ ចង់រកស៊ីនោះ ចង់បើកហាងនេះ ចង់បើកហាងនោះ តែចុងក្រោយ តើពួកគេប៉ុន្មាននាក់ដែលចាប់ផ្តើមចេញជាលទ្ធផល ។
បើគ្រាន់តែដើរនិយាយប្រាប់គេឯងថា ខ្លួនចង់ធ្វើអ្វីនោះ នរណាក៏គេចេះធ្វើដែរ តែបើមិនធ្វើចេញជាសកម្មភាពទេ ការនិយាយនោះគឺគ្រាន់តែជាការខាតពេលហើយអាចធ្វើឱ្យគេគ្រប់គ្នាមិនសូវឱ្យតម្លៃទៀតផង ។
២-គ្មាននរណាម្នាក់ខ្វល់ពីការរកស៊ីរបស់អ្នកជាងអ្នកខ្លួនឯងនោះទេ
ជាការពិតណាស់ ការរកស៊ីដែលអ្នកចាប់ផ្តើម គឺជាគោលដៅដែលអ្នកចង់សម្រេច ។ អ្នកអាចជម្រុញទឹកចិត្តបុគ្គលិក ឬម្ចាស់ភាគហ៊ុនផ្សេងទៀត ឱ្យស្រឡាញ់ការរកស៊ីមួយនេះបាន តាមរយៈទឹកលុយជះទាំងគីបៗ ឬវិធីផ្សេងៗទៀត តែពួកគេមិនអាចស្រឡាញ់វា ជាងសាម៉ីខ្លួនអ្នក ដែលជាអ្នកចាប់ផ្តើមដំបូងនោះទេ ។
៣-លុយមិនសូវជាសំខាន់នោះទេ ! សាម៉ីខ្លួនអ្នកផ្ទាល់ទើបសំខាន់ជាងគេ !
មិនតិចគ្នានោះទេ ដែលគិតថា បើគ្មានលុយគ្រប់គ្រាន់ទេ គឺមិនបាច់រកស៊ីឡើយ ។ តាមការពិត បើគ្មានគំនិតក្នុងការរកស៊ីទេ លុយក៏គ្មានទៅជាសំខាន់អ្វីដែរ ។ មិនខ្វះនោះទេ ដែលអ្នកមានលុយច្រើនកប់ពពក តែមិនដឹងយកលុយនោះទៅរកស៊ីអ្វី ។
អ្នកអាចចាប់ផ្តើមពីការប្រើដើមទុនតិច ឬ ក៏អ្នកអាចយកគំនិតរកស៊ីរបស់អ្នក ទៅប្រាប់ដល់អ្នកដែលគេមានលុយ ។ គេអាចនឹងផ្តល់ដើមទុនដល់អ្នក ប្រសិនបើគំនិតរបស់អ្នកល្អ ហើយអាចផ្តល់ប្រយោជន៍ដល់ពួកគេ ។
៤-ត្រៀមខ្លួននឹងត្រូវលះបង់
តើនរណាខ្លះចង់រកស៊ី ដោយសារតែមិនចង់ធ្វើការឱ្យគេ? តើនរណាខ្លះមិនចង់ធ្វើការពីម៉ោង ៨ព្រឹក ដល់ម៉ោង៥ល្ងាច? តែអ្នកត្រូវចាំថា បើអ្នកក្លាយទៅជាម្ចាស់អាជីវកម្មមួយ អ្នកនឹងត្រូវធ្វើការជាប់រហូត ទាំងកាយ ទាំងគំនិត មិនថាថ្ងៃឈប់សម្រាក ។
អ្នកត្រូវគិតរកគំនិតថ្មីៗដើម្បីឱ្យអាជីវកម្មរបស់អ្នកដើរទៅមុខ ។ បុគ្គលិករបស់អ្នក អាចនឹងមកជួបអ្នកដើម្បីដោះស្រាយបញ្ហាជាញឹកញយ ។ អ្នកអាចនឹងគ្មានពេលសម្រាប់គ្រួសារ មិត្តភ័ក្ត្រ និង មនុស្សក្នុងសង្គម នៅពេលចាប់ផ្តើមការរកស៊ីដំបូង ។
៥-មានអ្នកណែនាំល្អ គឺដូចជាចំណេញពេល១០ឆ្នាំ
ប្រសិនបើអ្នកមានបុគ្គលជោគជ័យដែលធ្លាប់ធ្វើអាជីវកម្មបែបនេះនៅក្បែរខ្លួនអ្នក អ្នកអាចយកគំនិតរបស់ពួកគេមកប្រើប្រាស់ និង កែលម្អ ដើម្បីចំណេញពេលជាច្រើន។ បទពិសោធន៍របស់ពួកគេ គឺជាមេរៀនមួយ ដែលអ្នកត្រូវដើរជៀសពីការបរាជ័យ ហើយចាប់យកតែអ្វីៗដែរល្អ ។ ចូររាប់អានមនុស្សល្អៗ និង ជៀសវៀងមនុស្សដែលបង្ហិនពេលវេលាមានតម្លៃរបស់អ្នក ៕
ចែករំលែកព័តមាននេះ