ខេត្តព្រះសីហនុ ៖ ពលរដ្ឋនៅតែបន្តរិះគន់ដល់អ្នកបើកបររថយន្តធន់ធំបើកឆ្លងកាត់រង្វង់មូលសួនច្បារវាលរេញទាំងទៅទាំងមក ជាពិសេសទិសដៅពីខេត្តព្រះសីហនុ បន្ទាប់ពីសំណូមពរ ជាបន្តបន្ទាប់ក្នុងការបើកបរដល់ចំណុចរង្វង់មូលសូមបន្ថយល្បឿនពីចម្ងាយ ស្របពេលដែលចំណុចនោះជាចំណុចប្រជុំជនមានមនុស្សម្នារឆ្លងកាត់ច្រើនក្នុងនោះក៏មានអ្នកទូលបាយកញ្ចប់លក់ជាប្រចាំផងដែរ ។
ពលរដ្ឋបានបន្តថា វាជាការភ្ញាក់ផ្អើល និងស្រៀវខ្លួនបំផុតបន្ទាប់ពីឮសំឡេងរថយន្តជាន់ហ្វ្រាំងយ៉ាងបង្ខំហុយផ្សែងជុកនៅនឹងកណ្តាលផ្លូវក្នុងប្រជុំជនហើយបញ្ហានេះត្រូវបានពលរដ្ឋបន្ថែមថា មិនមានអាជ្ញាធរ សមត្ថកិច្ចមានចំណាត់ការចុះអបរំ និងចុះអនុវត្តន៍តាមសំណូមពរដល់ពលរដ្ឋនៅឡើយគិតត្រឹមព្រឹកថ្ងៃទី21 ខែមករា ឆ្នាំ2019 នេះ ។
សូមបញ្ចាក់ថា ឆ្លើយតបទៅនឹងតម្រូវការផ្លូវនៅប្រជុំជនវាលរេញត្រូវបានពង្រីកចញ្ចើមផ្លូវទាំងសង្ខាងរួចរាលជាមួយនឹងយានយន្តឆ្លងកាត់ក៏មានការកើនឡើងមមាញឹកជាងឆ្នាំកន្លងទៅ ហើយជាមួយគ្នានោះពលរដ្ឋដែលប្រកបរបរលក់ដូរនៅតំបន់ប្រជុំជននោះក៏មានការកើនឡើង ហើយថ្មីៗនេះនៅចំណុចរង្វង់មូលសួនច្បារវាលរេញក៏បន្ថែមនូវភាពអ៊ូអរ ។
ស្របពេលដែលរថយន្តឈ្នួលតូចធំ លក់ម្ហូបអាហារសមុទ្រ ដែលពីមុនចតលក់ដូរនៅមុខផ្សារវាលរេញ ត្រូវបានរដ្ឋបាលស្រុកតម្រូវអោយទៅចតលក់ដូរ នៅចំណុចចំណតរថយន្តរង្វង់មូលវិញធ្វើអោយមុខផ្សារមិនសូវមានភាពកកស្ទះ ដូចនេះរថយន្តមួយចំនួនបានមិនសូវបន្ថយល្បឿន ។
យ៉ាងណាពលរដ្ឋនៅតែសំណូមពរដល់សមត្ថកិច្ចជាពិលេសលោកអភិបាលស្រុក សរ កក្កដា ដែលបាន និងកំពុងមានចំណាត់ការក្នុងការរៀបចំណ្តាប់ធ្នាប់នៅតាមបណ្តោយផ្លូវនៅចំណុចនោះ សូមជួយសម្របសម្រួលពីបញ្ហារថយន្តធន់ធំទាំងនោះផង ព្រោះតាមការពិនិត្យជាក់ស្តែង បញ្ហាសណ្តាប់ធ្នាប់នៅប្រជុំជននោះមានភាពល្អប្រសើរបន្ទាប់ពីរដ្ឋបាលស្រុកមានវិធានការក្តៅក្នុងការរៀបចំសណ្តាប់នៅប្រជុំជននោះ ៕
ចែករំលែកព័តមាននេះ