រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ជនសង្ស័យម្នាក់ត្រូវសមត្ថកិច្ចស្រាវជ្រាវរហូតឃាត់ខ្លួនបានកាលពីយប់ថ្ងៃទី១៩ មករា ស្ថិតនៅផ្ទះសំណាក់ «ដារាវង្ស» ក្នុងភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ជនសង្ស័យម្នាក់ត្រូវសមត្ថកិច្ចស្រាវជ្រាវរហូតឃាត់ខ្លួនបានកាលពីយប់ថ្ងៃទី១៩ មករា ស្ថិតនៅផ្ទះសំណាក់ «ដារាវង្ស» ក្នុងភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង ពាក់ព័ន្ធករណីចាប់បង្ខាំងក្មេងជាសិស្សាសាលាម្នាក់ទុក ដើម្បីជម្រិតប្រាក់ពីឪពុកម្តាយ ។
សេចក្តីរាយការណ៍បន្តថា ជនសង្ស័យឈ្មោះ ស្រេង បូរី អាយុ២៤ឆ្នាំ មានស្រុកកំណើតនៅភូមិកូនក្អែក១ ឃុំរបោះមង្គល ស្រុកមោងប្ញស្សី ខេត្តបាត់ដំបង បច្ចុប្បន្នស្នាក់នៅមិនពិតប្រាកដ ។ រីឯក្មេងរងគ្រោះ
ឈុន សុវណ្ណរ័ត្ន អាយុ១៤ ឆ្នាំ មានទំលំនៅភូមិចោមចៅ សង្កាត់ចោមចៅ ខ័ណ្ឌពោធិ៍សែនជ័យ រាជធានីភ្នំពេញ មានម្តាយឈ្មោះឱក សុភី អាយុ៥០ឆ្នាំ ជាអ្នកលក់ដូ សា្នក់នៅផ្ទះលេខ១៧M ផ្លូវលំក្រុម១៤ សង្កាត់ចោមចៅ ខណ្ឌពោធិ៍សែនជ័យ ដោយគាត់បានមកដាក់ពាក្យបណ្តឹងប្តឹងឱ្យចាប់ខ្លួនជនសង្ស័យក្រោយពេលបានទទួលកូនប្រុសមកវិញនោះ ។
គួររំលឹកថា កាលពីខែ១១ ឆ្នាំ២០១៨ ខណៈក្មេងប្រុសរងគ្រោះបានទៅរៀននៅសាលាវិទ្យាល័យ «ប្ញស្សីកែវ» ស្រាប់តែបាត់មិនឃើញត្រឡប់មកផ្ទះវិញទេ ។ ក្រោយមក ក៏មានសំឡេងមនុស្សប្រុសម្នាក់ បានប្រើលេខទូរស័ព្ទ០៩៦ ៨៧២ ៨២៥៥ ខលមកប្រាប់ក្រុមគ្រួសារថា «បើចង់ឱ្យកូនទៅផ្ទះវិញ ត្រវផ្ញើលុយ២០០០$មក» ។ តែពេលនោះត្រូវក្រុមគ្រួសារបានធ្វើការតថ្លៃគ្នាតាមលេខទូរស័ព្ទ រហូតនៅសល់តែ៥០០$វិញ ។
ប្រភពបន្តថា លុះនៅថ្ងៃទី២១ វិច្ឆិកា ឆ្នាំ២០១៨ វេលាម៉ោង៦ ខាងគ្រួសាររងគ្រោះ បានផ្ញើលុយតាមវីង ចំនួន៥០០$ទៅឱ្យជនសង្ស័យ ។ មួយសន្ទុះ ជនសង្ស័យបានទាមទារប្រាក់២០០$បន្ថែមទៀត តែខាងរងគ្រោះបានសំុត្រឹម៥០$ផ្ញើទៅជនសង្ស័យ ។ ៣០នាទីក្រោយមកនៅថ្ងៃដដែល ក៏បានឃើញកូនប្រុសត្រឡប់មកផ្ទះវិញមែន ។
ផ្អែកតាមការស៊ើបអង្កេតបឋម លេខ៧១២អយ ចុះថ្ងៃទី៥ ធ្នូ ឆ្នាំ២០១៨ ដោយព្រះរាជអាជ្ញាកែវ សុធា កំលាំងជំនាញអធិការ សហការកំលាំងនាយកដ្ឋានសន្តិសុខក្រសួងមហាផ្ទៃ, កំលាំងការិយាល័យព្រហ្មទណ្ឌកម្រិតធ្ងន់, អធិការនគរបាលស្រុកកំពង់ឆ្នាំង បានស្រាវជ្រាវឈានទៅឃាត់ខ្លួនជនសង្ស័យខាងលើនៅចំណុចផ្ទះសំណាក់ដារ៉ាវង្ស បានយ៉ាងជោគជ័យតែម្តង ។
ចែករំលែកព័តមាននេះ