ស្រុកអូគូតាម៉ា បានចេញគោលការណ៍ថ្មីចែកផ្ទះ រួមទាំងថ្លៃជួសជុល ក្នុងគោលបំណងទាក់ទាញទឹកចិត្តកំលោះ-ក្រមុំឲ្យចូលរួមអភិវឌ្ឍតំបន់ ក្រោយពីមានពលរដ្ឋមួយចំនួនចេញទៅបម្រើការនៅទីឆ្ងាយបង្កឲ្យតំបន់មួយចំនួននៅជនបទក្លាយជា«តំបន់មានផ្ទះអត់មនុស្សនៅ មានផ្លូវអត់មនុស្សដើរ» ។ ស្រុកOkutama ជាតំបន់មួយនៅក្បែរក្រុងតូក្យូ កាលពីអំឡុងទសវត្ស១៩៦០ធ្លាប់ជាតំបន់ពាណិជ្ជកម្មព្រៃឈើ…
ស្រុកអូគូតាម៉ា បានចេញគោលការណ៍ថ្មីចែកផ្ទះ រួមទាំងថ្លៃជួសជុល ក្នុងគោលបំណងទាក់ទាញទឹកចិត្តកំលោះ-ក្រមុំឲ្យចូលរួមអភិវឌ្ឍតំបន់ ក្រោយពីមានពលរដ្ឋមួយចំនួនចេញទៅបម្រើការនៅទីឆ្ងាយបង្កឲ្យតំបន់មួយចំនួននៅជនបទក្លាយជា«តំបន់មានផ្ទះអត់មនុស្សនៅ មានផ្លូវអត់មនុស្សដើរ» ។
ស្រុកOkutama ជាតំបន់មួយនៅក្បែរក្រុងតូក្យូ កាលពីអំឡុងទសវត្ស១៩៦០ធ្លាប់ជាតំបន់ពាណិជ្ជកម្មព្រៃឈើ មានមនុស្សរស់នៅជាង១៣.០០០នាក់ ប៉ុន្តែក្រោយពីមុខជំនួញឈើបានថមថយនៅក្នុងឆ្នាំ១៩៩០ បណ្ដាពលរដ្ឋបានធ្វើចំណាកស្រុកទៅរកការងារនៅតាមទីក្រុងធំៗ និងមាននៅសេសសល់តែ៥.២០០នាក់ មានផ្ទះជាង៣.០០០ខ្នង និងផ្ទះត្រូវបោះបង់ចោលមានប្រហែល៤០០ខ្នង ក្នុងនោះមានជាងពាក់កណ្ដាលគ្រាន់តែជួសជុលអាចស្នាក់នៅបាន ។
ស្ថានភាពបែបនេះបានកកើតនៅទីជនបទជាច្រើននៅទូទាំងប្រទេស និងតាំងពីឆ្នាំ២០១៣មានផ្ទះត្រូវបោះបង់ចោលជាង៩លានខ្នង ហើយស្ថានភាពកាន់តែអាក្រក់បន្ត និងបានព្យាករថានៅឆ្នាំ២០៤០ ភូមិ និងស្រុកក្នុងប្រទេសជប៉ុនជាង៩០០កន្លែងត្រូវគ្មានមនុស្សរស់នៅ ។
ស្របពេលជាមួយគ្នានេះអាជ្ញាធរនៅក្នុងតំបន់ក៏បានចេញគោលការណ៍មួយដើម្បីទាក់ទាញពលរដ្ឋឲ្យចូលរស់នៅដោយប្រគល់ផ្ទះឥតគិតថ្លៃ និងផ្ដល់ប្រាក់សម្រាប់ជួសជុល ។ លក្ខខណ្ឌរបស់អ្នកទទួលកម្មសិទ្ធិដ៏ពិសេសនេះត្រូវជាមនុស្សទើបរៀបការ មានអាយុទាបជាង៥០ឆ្នាំ និងមានកូនអាយុតិចជាង១៨ឆ្នាំយ៉ាងតិចម្នាក់ ឬអ្នកនៅលីវមានអាយុទាបជាង៤០ឆ្នាំ ត្រូវសន្យាថានឹងស្នាក់នៅទីនេះជារៀងរហូត និងអាចថែរក្សាផ្ទះដែលបានប្រគល់ ទោះបីជាពលរដ្ឋជប៉ុន ឬបរទេសក៏បាន ៕
ចែករំលែកព័តមាននេះ