ខេត្តបាត់ដំបង ៖ ពង្រឹងកិច្ចសហប្រតិបត្តិការរួមគ្នារវាងយោធភូមិភាគទី៥ កម្ពុជា និងកងកម្លាំងការពារព្រំដែនច័ន្ទបូរី-ត្រាត ប្រទេសថៃ នៅទីបញ្ជាការយោធភូមិភាគទី៥ វេលាព្រឹកថ្ងៃទី១៥ ខែមករា ឆ្នាំ២០១៩…
ខេត្តបាត់ដំបង ៖ ពង្រឹងកិច្ចសហប្រតិបត្តិការរួមគ្នារវាងយោធភូមិភាគទី៥ កម្ពុជា និងកងកម្លាំងការពារព្រំដែនច័ន្ទបូរី-ត្រាត ប្រទេសថៃ នៅទីបញ្ជាការយោធភូមិភាគទី៥ វេលាព្រឹកថ្ងៃទី១៥ ខែមករា ឆ្នាំ២០១៩ ស្វាគមន៍ដោយលោកឧត្តមសេនីយ៍ឯក ប៊ុន សេង មេបញ្ជាការរង កងទ័ពជើងគោក មេបញ្ជាការយោធភូមិភាគទី៥ ។
បានទទួលជួប និងសំណេះសំណាលជាមួយភ្ញៀវថៃប្រតិភូកងកម្លាំងការពារព្រំដែនច័ន្ទបូរី-ត្រាត នៃកងទ័ពជើងទឹកភូមិន្ទថៃ ដឹកនាំដោយលោកឧត្តមនាវីត្រី បាំរ៉ុងរ៉ាក់ សៈការ៉ាត់កាណុន មេបញ្ជាការរង កងកម្លាំងការពារព្រំដែនថៃច័ន្ទបូរី-ត្រាត ចំនួន៣៣នាក់ ដែលបានអញ្ជើញមកទស្សនកិច្ច នៅព្រះរាជាណាចក្រកម្ពុជា ។
នៅលើទឹកដីយោធភូមិភាគទី៥ អមជាមួយលោកឧត្តមសេនីយ៍ មេបញ្ជាការរងយោធភូមិភាគ ក្នុងឱកាសនៃការជួបសន្ទនានាពេលនេះនៅមានលោកឧត្តមសេនីយ៍ទោ ឯក សំអូន មេបញ្ជាការរង នាយសេនាធិការ យោធភូមិភាគ ព្រមទាំងឯកឧត្តមមេបញ្ជាការរង នាយសេនាធិការរងយោធភូមិភាគ មេបញ្ជាការកងពលតូចថ្មើរជើងលេខ៥២,៥៣, មេបញ្ជាការតំបន់ប្រតិបត្តិសឹករង បាត់ដំបង ប៉ៃលិន ពោធិ៍សាត់ កងការពារព្រំដែន លេខ៥០១-៥០២-៥០៣ និង៥០៤ ។
លោកឧត្តមសេនីយ៍ឯកប៊ុន សេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ បានសម្ដែងកិច្ចស្វាគមន៍ និងបញ្ជាក់ពីលទ្ធផលចំណងមេត្រីភាព មិត្តភាព និងកិច្ចសហប្រតិបត្តិការកន្លងមកបានល្អប្រសើររវាងយោធភូមិភាគទី៥ និងកងកម្លាំងការពារព្រំដែនច័ន្ទបូរី-ត្រាត ក៏ដូចជា ចំណងមេត្រីភាព មិត្តភាព កិច្ចសហប្រតិបត្តិការល្អ លើគ្រប់វិស័យរវាងកងយោធពលខេមរភូមិន្ទ និងកងទ័ពភូមិន្ទថៃ ដែលនេះបានសបញ្ជាក់នូវការទំនាក់ទំនងសហប្រតិបត្តិការល្អគួរជាទីមោទនរវាងប្រជាជននៃប្រទេសទាំងពីរកម្ពុជា-ថៃ តាមរយៈនៃសុឆន្ទៈរបស់រាជរដ្ឋាភិបាលនៃប្រទេសទាំងពីរ ។
បន្តមកលោកឧត្តមនាវីត្រី បាំរ៉ុងរ៉ាក់ សៈការ៉ាត់កាណុន មេបញ្ជាការរងកងកម្លាំងការពារព្រំដែនថៃច័ន្ទបូរី-ត្រាត ព្រះរាជាណាចក្រថៃបានលើកឡើងថា យើងកំពុងទទួលបាននូវព្រំដែន មួយប្រកបដោយសន្តិភាព ស្ថិរភាព មិត្តភាពសហប្រតិបត្តិការ និងការអភិវឌ្ឍកន្លងមកព្រោះតែយើងបានគោរពគ្នាទៅវិញទៅមកតាមអនុស្សារណៈ (MOU) បានចុះហត្ថលេខារួមជាមួយគ្នាក្នុងការថែររក្សាសន្តិសុខជូនប្រជាពលរដ្ឋដែលកំពុងរស់នៅរកស៊ីជាមួយគ្នាតាមខ្សែបន្ទាត់ព្រំដែនឲ្យទទួលបានក្តីសុខជារៀងរហូត ៕
ចែករំលែកព័តមាននេះ