ខេត្តឧត្តរមានជ័យ ៖ បុរស២នាក់ និងនារីម្នាក់ត្រូវបានប៉ូលិសអធិការស្រុកបន្ទាយអម្ពឹលបានធ្វើការឃាត់ខ្លួនដោយជាប់ពាក់ព័ន្ធប្រើប្រាសនឹងចែកចាយគ្រឿងញៀនកាលពីវេលាម៉ោង៨យប់ថ្ងៃទី១២ ខែមករា ឆ្នាំ២០១៩ ។ ហេតុការណ៍នេះនៅចំណុចព្រំប្រទល់ឃុំបន្ទាយឆ្មា ស្រុកថ្មពួក ខេត្តបន្ទាយមានជ័យ ឃុំបេងស្រុកបន្ទាយអម្ពឹល ខេត្តឧត្តរមានជ័យ ។
ជនសង្ស័យដែលប៉ូលិសធ្វើការឃាត់ខ្លួនឈ្មោះ ម៉ៅ ណារី ភេទប្រុស អាយុ៣៥ឆ្នាំ រស់នៅភូមិបឹងត្រកួន ឃុំគោករមៀត ស្រុកថ្មពួក ខេត្តបន្ទាយមានជ័យ, ទី២-ឈ្មោះ ម៉ុយ សាវ៉េត ភេទប្រុស អាយុ៣៤ឆ្នាំ រស់នៅភូមិសែសិន សង្កាត់អូរអំបិល ក្រុងសេរីសោភ័ណ្ឌ ខេត្តបន្ទាយមានជ័យ និងម្នាក់ទៀតឈ្មោះ សាយ ស្រីនាង ភេទស្រី អាយុ៣១ឆ្នាំ រស់នៅភូមិគរដ្ឋាន សង្កាត់ទឹកថ្លា ក្រុងសេរីសោភ័ណ្ឌ ខេត្តបន្ទាយមានជ័យ ។
ប៉ូលិសស្រុកបន្ទាយអម្ពឹលបានឱ្យដឹងថា មុននឹងធ្វើការឃាត់ខ្លួនជនសង្ស័យទាំង៣នាក់នេះប៉ូលិសបានទទួលនូវព័ត៌មានរាយការណ៍ពីកម្លាំងបង្កប់ហើយកម្លាំងប៉ូលិសបានឃាត់រថយន្តមួយគ្រឿងម៉ាកកាមារី ពណ៍ឆ្លូញ ពាក់ផ្លាកលេខ កំពុងចាម ២A-២៥១៧ ឆែកឆេរកឃើញវត្ថុតាងថ្នាំញៀនប្រភេទទឹកកក ICE ចំនួន១កញ្ចប់ធំ និង២កញ្ចប់តូច, ក្រវិលលោហធាតុពណ៌លឿងចំនួន១គូរ, ខ្សែ.កលោហធាតុ ពណ៌លឿងចំនួន១ខ្សែ, ទូរស័ព្ទដៃ៦គ្រឿង វត្ថុតាងពាក់ព័ន្ធ និងរថយន្តមនុស្ស៣នាក់ត្រូវបានកសាងសំណុំរឿងបញ្ជូនបន្តទៅស្នងការដ្ឋាននគបាលខេត្តចាត់ការបន្តទៅតាមនីតិវិធី ៕
ចែករំលែកព័តមាននេះ