ជប៉ុននៅតែរក្សាតំណែងចំណាត់ថ្នាក់ទី១លិខិតឆ្លងដែនដែលមានឥទ្ធិពលបំផុតប្រចាំឆ្នាំ២០១៩ គឺជាឆ្នាំទី២ជាប់គ្នា តាមការរៀបចំណាត់ថ្នាក់របស់«Henley Passport Index»។ លិខិតឆ្លងដែនជប៉ុនអាចចូលក្នុងបាន១៩០ប្រទេសដោយមិនចាំបាច់សុំទិដ្ឋាការ ។ ខាងក្រោមជាចំណាត់ថ្នាក់ទាំង១០ និងអាចចូលប្រទេសនានានៅលើពិភពលោកដោយមិនបាច់មានទិដ្ឋាការ រួមមាន…
ជប៉ុននៅតែរក្សាតំណែងចំណាត់ថ្នាក់ទី១លិខិតឆ្លងដែនដែលមានឥទ្ធិពលបំផុតប្រចាំឆ្នាំ២០១៩ គឺជាឆ្នាំទី២ជាប់គ្នា តាមការរៀបចំណាត់ថ្នាក់របស់«Henley Passport Index»។ លិខិតឆ្លងដែនជប៉ុនអាចចូលក្នុងបាន១៩០ប្រទេសដោយមិនចាំបាច់សុំទិដ្ឋាការ ។ ខាងក្រោមជាចំណាត់ថ្នាក់ទាំង១០ និងអាចចូលប្រទេសនានានៅលើពិភពលោកដោយមិនបាច់មានទិដ្ឋាការ រួមមាន ៖
១-ប្រទេសជប៉ុន ចូលបាន១៩០ប្រទេស ។ ២-កូរ៉េខាងត្បូង និងសិង្ហបុរី ចូលបាន១៨៩ប្រទេស ។ ៣-ប្រទេសបារាំង និងអាល្លឺម៉ង់ចូលបាន១៨៨ប្រទេស ។ ៤-ដាណឺម៉ាក ហ្វាំងឡង់ អីុតាលី និងស៊ុយអែតចូលបាន១៨៧ប្រទេស ។ ៥-លុចសំបួ និងអេស្ប៉ាញចូលបាន១៨៦ប្រទេស ។
៦-អូទ្រីស ហូឡង់ ន័រវែស ព័រទុយហ្គាល់ ស្វ៊ីស អង់គ្លេស និងអាមេរិកចូលបាន១៨៥ប្រទេស ។ ៧-បែលហ្ស៊ិក កាណាដា ក្រិក និងអៀរឡង់ ចូលបាន១៨៤ប្រទេស ។ ៨-ប្រទេសឆែកចូលបាន១៨៣ប្រទេស ។ ៩-ម៉ាល់ត៍ ចូលបាន១៨២ប្រទេស ។ ទី១០-មានប្រទេសអូស្ត្រាលី អីុស្លង់ និងនូវែលសេឡង់ ចូលបាន១៨១ប្រទេស ។
ចំណែកលិខិតឆ្លងដែនដែលពិបាកបំផុតក្នុងការសុំចូលប្រទេស មានប្រទេសអាហ្វហ្គានីស្ថាន និងអីុរ៉ាក់ ស្ថិតក្នុងចំណាត់ថ្នាក់ទី១០៤ ។ បន្ទាប់មកមានប្រទេសសូម៉ាលី និងសុីរីស្ថិតនៅលំដាប់ទី១០៣ ។ លិខិតឆ្លងដែនប្រទេសចិនមានពលរដ្ឋទៅទេសចរណ៍នៅលើពិភពលោកបានរំកិលចំណាត់ថ្នាក់ជិត២០ ពីលំដាប់ថ្នាក់ទី៨២ កាលពីឆ្នាំ២០១៦ មកលំដាប់ថ្នាក់ទី៦៩ក្នុងឆ្នាំ២០១៩ ៕
ចែករំលែកព័តមាននេះ