រាជធានីភ្នំពេញ ៖ កម្លាំងសមត្ថកិច្ចការិយាល័យព្រហ្មទណ្ឌកម្រិតស្រាលរាជធានីភ្នំពេញកាលពីថ្ងៃទី០៨ ខែមករា ឆ្នាំ២០១៩ បានសហការជាមួយស្នងការដ្ឋាននគរបាលខេត្តកណ្តាលធ្វើការស្រាវជ្រាវឃាត់ខ្លួនជនសង្ស័យចំនួន០៣នាក់ពាក់ព័ន្ធអំពើលួចមួយករណី នៅចំណុចផ្ទះលេខ៥១៧អឺ០ ផ្លូវលំ ភូមិភ្នាត សង្កាត់ស្ទឹងមានជ័យ២…
រាជធានីភ្នំពេញ ៖ កម្លាំងសមត្ថកិច្ចការិយាល័យព្រហ្មទណ្ឌកម្រិតស្រាលរាជធានីភ្នំពេញកាលពីថ្ងៃទី០៨ ខែមករា ឆ្នាំ២០១៩ បានសហការជាមួយស្នងការដ្ឋាននគរបាលខេត្តកណ្តាលធ្វើការស្រាវជ្រាវឃាត់ខ្លួនជនសង្ស័យចំនួន០៣នាក់ពាក់ព័ន្ធអំពើលួចមួយករណី នៅចំណុចផ្ទះលេខ៥១៧អឺ០ ផ្លូវលំ ភូមិភ្នាត សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ។
ជនសង្ស័យទាំង៣នាក់ដែលបានប្រព្រឹត្តបទល្មើសអំពើលួចម៉ូតូមួយគ្រឿងម៉ាក MSX ពណ៌ក្រហម គ្មានផ្លាកលេខ នៅចំណុចបន្ទប់លេខ១៥ ផ្លូវបេតុង ភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល កាលពីថ្ងៃទី០៨ ខែមករា ឆ្នាំ២០១៩ វេលាម៉ោង០៥និង០០នាទីទៀបភ្លឺ និងចាប់យកភស្ថុតាងម៉ូតូមួយគ្រឿងជារបស់ជនរងគ្រោះបញ្ជូនទៅកាន់ការិយាល័យនគរបាលព្រហ្មទណ្ឌកំរិតស្រាល រាជធានីភ្នំពេញ ។
ជនសង្ស័យមានទី១-ឈ្មោះ ងៀប សាដទីរ៉ា ហៅ ដម ភេទប្រុស អាយុ៣០ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះលេខ ៥០ZE០ ផ្លូវលេខ ២៥១ ភូមិ១៥ សង្កាត់បឹងសាឡាង ខណ្ឌទួលគោក, ទី២-ឈ្មោះ តាំង សៀវហ្វុង ហៅ នាង ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះលេខ៥២ ផ្លូវលេខ២៥១ ភូមិ១៥ សង្កាត់បឹងសាឡាង ខណ្ឌទួលគោក ។
ទី៣-ឈ្មោះ ណែម សំណាង ហៅ អ៊ូ ភេទប្រុស អាយុ២៣ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះមិនចាំលេខ ភូមិទ្រា៤ សង្កាត់ស្ទឹងមានជ័យ៣ ខណ្ឌមានជ័យ ភស្ថុតាងចាប់យក ម៉ូតូមួយគ្រឿងម៉ាក MSX , ម៉ូតូម៉ាក Kawasaki ពាក់ស្លាកលេខ ខ.ម ០១.១.៩០៧៧ លេខតួម៉ាស៊ីន ៦៥០EFA០៧៤៤៥ ។
ជនសង្ស័យ និងភស្ថុតាងខាងលើត្រូវបានសមត្ថកិច្ចនគរបាលព្រហ្មទណ្ឌកសាងសំណុំបញ្ជូនទៅស្នងការដ្ឋាននគរបាលខេត្តកណ្តាលដើម្បីចាត់ការតាមនីតិវិធី ៕
ចែករំលែកព័តមាននេះ