ខេត្តកំពត ៖ មានករណីប្រើអំពើហិង្សាក្នុងគ្រួសារមួយបានកើតនៅវេលាម៉ោង២៤និង០០នាទីយប់ថ្ងៃទី៩ ខែមករា ឆ្នាំ២០១៩ ភូមិច្រកឃ្លៃឃុំទូកមាសខាងលិច ស្រុកបន្ទាយមាស ខេត្តកំពត ។
ជនសង្ស័យជាប្ដីឈ្មោះ ស៊ង នៅអាយុ៤៩ឆ្នាំ នៅភូមិច្រកឃ្លៃឃុំ ទូកមាសខាងលិច បានយកកាំបិតផ្គាក់ឡើងតាមបង្អួចទៅកាប់ប្រពន្ធឈ្មោះ រស់ គុន្ធី អាយុ៤១ឆ្នាំ នៅភូមិច្រកឃ្លៃ បណ្តាលអោយប្រពន្ធរងរបួសដៃចំនួន២កាំបិត គឺកាប់ត្រូវក្បាល និងសៀតផ្ការងរបួសជាទម្ងន់ ។
ក្រោយពេលកើតហេតុជនសង្ស័យបានរត់គេចខ្លួនបាត់ ចំណែកជនរងគ្រោះត្រូវបានសាច់ញាតិដឹកយកទៅមន្ទីរពេទ្យតាកែវ ចំណែកវត្ថុតាងបន្សល់នៅកន្លែងកើតហេតុ កាំបិតផ្គាក់១ដើម ម៉ូតូម៉ាកស្មាស់វី១គ្រឿង ពាក់ស្លាកលេខ ភ្នំពេញ1BD- ០៧២០មួយគ្រឿង មានខោកាប៊យជើងវែង២ អាវយឺត១ ទ្រនាប់ជើង១គូ បន្សល់នៅកន្លែងកើតហេតុ ។
សូមបញ្ជាក់ថា ជនសង្ស័យ និងជនរងគ្រោះបានរៀបការជាមួយគ្នាបានកូនប្រុស២នាក់ ក៏ធ្លាប់មានការលែងលះគ្នាទៅបាត់រយៈពេលជាង១ឆ្នាំហើយ ប៉ុន្តែជនសង្ស័យបានមកសុំត្រូវរូវគ្នាជាមួយប្រពន្ធវិញ ប៉ុន្ដែប្រពន្ធមិនព្រមយកវិញ ស្រាប់តែប្តីខាងលើបង្កហេតុតែម្ដងទៅ ។
សមត្ថកិច្ចយើងបានចុះទៅដល់កន្លែងកើតហេតុជួយហៅរថយន្តសង្គ្រោះមកដឹកជនរងគ្រោះយកទៅមន្ទីរពេទ្យ ដើម្បីសង្គ្រោះន្ទាន់នៅពេទ្យតាកែវ ផងដែរ ៕
ចែករំលែកព័តមាននេះ