រាជធានីភ្នំពេញ ៖ ចាប់ពីថ្ងៃទី១០ដល់ទី១២ ខែកញ្ញាខាងមុខនេះ ក្រសួងរៀបចំដែនដី នគរូបនីយកម្មនិងសំណង់ នឹងរៀបចំព្រឹត្តិការណ៍តាំងពិព័រណ៍អន្តរជាតិដ៏ធំមួយនៅកោះពេជ្រ ដើម្បីបង្ហាញពីផលិតផលសម្ភារសំណង់ ខណៈដែលបច្ចុប្បន្ននេះវិស័យសំណង់នៅកម្ពុជាកំពុងមានសន្ទុះរីកចម្រើនយ៉ាងខ្លាំង ។
រាជធានីភ្នំពេញ ៖ ចាប់ពីថ្ងៃទី១០ដល់ទី១២ ខែកញ្ញាខាងមុខនេះ ក្រសួងរៀបចំដែនដី នគរូបនីយកម្មនិងសំណង់ នឹងរៀបចំព្រឹត្តិការណ៍តាំងពិព័រណ៍អន្តរជាតិដ៏ធំមួយនៅកោះពេជ្រ ដើម្បីបង្ហាញពីផលិតផលសម្ភារសំណង់ ខណៈដែលបច្ចុប្បន្ននេះវិស័យសំណង់នៅកម្ពុជាកំពុងមានសន្ទុះរីកចម្រើនយ៉ាងខ្លាំង ។
ព្រឹត្តិការណ៍មហាពិព័រណ៍អន្ដរជាតិដ៏ធំនេះ មានក្រុមហ៊ុនជាតិ និងអន្តរជាតិចូលរួមចំនួន៣០០មកពីប្រទេសចំនួន២០ដែលជាដៃគូពាណិជ្ជកម្មជាមួយគ្នា ហើយគេសង្ឃឹមថា នឹងមានមនុស្សចូលរួមក្នុងព្រឹត្តិការណ៍នេះជាងមួយម៉ឺននាក់ ក្នុងនោះមានមកពីខាងមន្ត្រីរដ្ឋាភិបាល អ្នកម៉ៅការសំណង់ វិស្វករសំណង់ អ្នកសាងសង់សំណង់ និងបណ្តារោងចក្រសហគ្រាស ក្រោមកិច្ចសហការជាមួយក្រសួងពាណិជ្ជកម្ម រដ្ឋាករទឹកស្វយ័តក្រុងភ្នំពេញ ព្រមទាំងអគ្គិសនីកម្ពុជាផងដែរ ។
នៅសណ្ឋាគារអាល់ម៉ុនកាលពីថ្ងៃទី១៦ កក្កដាកន្លងមកនេះ ក្រុមហ៊ុន Tsurumi PumpJapan របស់ប្រទេសជប៉ុន បានធ្វើសន្និសីទកាសែតប្រកាសថា ខ្លួនក៏នឹងត្រូវចូលរួមក្នុងព្រឹត្តិការណ៍តាំងពិព័រណ៍អន្ដរជាតិនៅកោះពេជ្រនេះដែរ ដោយសហការជាមួយក្រុមហ៊ុនហេងអេស៊ា ដែលជាដៃគូ និងនាំមកនូវផលិតផលជាង១០០មុខមកកាន់ទីផ្សារកម្ពុជា ៕
ចែករំលែកព័តមាននេះ